ພັກຄອມມີວນິດຫວຽດນາມກຳລັງສະຫຼອງວັນຄົບຮອບ 85 ປີ
ທີ່ຄະນະນຳພາຂອງພັກຮຽກຮ້ອງໃຫ້ທຳການເຄື່ອນໄຫວຫຼາຍ
ຂຶ້ນ ເພື່ອປະເຊີນໜ້າກັບພວກ ”ຕໍ່ຕ້ານລັດ” ນັ້ນ.
ແຕ່ພວກນັກເຄື່ອນໄຫວພາກັນກ່າວຕອບໂຕ້ຄືນ ດ້ວຍການຮຽກ
ຮ້ອງໃຫ້ຈັດຕັ້ງລະບົບ ທີ່ມີພັກການເມືອງຫຼາຍພັກຂຶ້ນ ໂດຍກ່າວ
ວ່າ ພັກຄອມມີວນິດທີ່ປົກຄອງປະເທດໃນປັດຈຸບັນໄດ້ທຳຄວາມ
ລົ້ມແຫຼວ.
ໃນພິທີທີ່ວາງແຜນຢ່າງລະອຽດໄວ້ລ່ວງໜ້າ ໃນແລງວັນຈັນມື້ກ່ອນ
ນີ້ ທີ່ນະຄອນຫຼວງຮາໂນຍ ທ່ານ Nguyen Phu Trong ຫົວໜ້າ
ພັກຄອມມີວນິດຫວຽດນາມ ກ່າວວ່າ ເປັນສິ່ງສຳຄັນທີ່ສຸດ ເພື່ອຕໍ່ສູ້ກັບການເຊື່ອມໂຊມລົງໃນດ້ານສິນທຳ ການເມືອງ ແລະອຸດົມການນັ້ນ.
ນອກນັ້ນ ທ່ານຍັງໄດ້ວາງເປົ້າໝາຍຕ່າງໆໄວ້ສຳລັບປີ 2015ຮວມທັງ ການເສີມສ້າງສະ
ຖຽນລະພາບທາງດ້ານເສດຖະກິດແລະຮັບປະກັນຄວາມໝັ້ນຄົງດ້ານສັງຄົມ. ຫົວໜ້າພັກຄອມມີວນິດຫວຽດນາມ ຍັງໃຫ້ຄຳໝັ້ນສັນຍາເຊັ່ນກັນວ່າ ຈະເອົາບາດກ້າວຢ່າງໜັກກັບອັນທີ່ທ່ານເອີ້ນວ່າ ພວກຕໍ່ຕ້ານລັດຢູ່ໃນຫວຽດນາມນັ້ນ.
ຜູ້ຂຽນຂ່າວລົງໃນອິນເຕີແນັດ ທ່ານ La Viet Dung ທີ່ປຸກລະດົມຕໍ່ ຕ້ານພັກຄອມມີວນິດ ກ່າວວ່າ ພວກຊາວຫຽດນາມ ບໍ່ສົນໃຈອີກແລ້ວ ນຳອັນທີ່ບັນດາເຈົ້າໜ້າທີ່ພັກຈະເວົ້າຫຍັງໄປນັ້ນ ໂດຍກ່າວດັ່ງນີ້:
“ພວກເຂົາເຈົ້າຍາມໃດກໍກ່າວຄວາມຂີ້ຕົວະໄປເລື້ອຍໆກ່ຽວກັບສິ່ງໃດທີ່ວ່າພັກໄດ້
ບັນລຸຄວາມສຳເລັດໄປນັ້ນ. ແຕ່ສະພາບໂຕຈິງແລ້ວປະຊາຊົນກໍນັບມື້ນັບທຸກຈົນ
ລົງ ແລະອະທິປະໄຕຂອງປະເທດກໍຖືກຂົ່ມຂູ່.”
