ເຈົ້າໜ້າທີ່ຫວຽດນາມກ່າວວ່າ ພວກຕົນໄດ້ພົບກັບພວກຄູ່ຕໍາແໜ່ງຈາກຈີນ ເພື່ອທໍາ
ການປະທ້ວງຢ່າງເປັນທາງການ ຕໍ່ການເຄື່ອນໄຫວຂອງກໍາປັ່ນຄົ້ນຄ້ວາລໍານຶ່ງຂອງ
ຈີນໃນເຂດທະເລຈີນໃຕ້ນັ້ນ.
ສື່ທາງການຂອງຫວຽດນາມໄດ້ອ້າງຄໍາເວົ້າຂອງໂຄສົກຍິງຂອງກະຊວງການຕ່າງປະເທດ
ທີ່ກ່າວວ່າ ຫວຽດນາມຖືວ່າກິດຈະກໍາເຫລົ່ານັ້ນຂອງຈີນ ເປັນການລ່ວງລະເມີດອະທິປະ
ໄຕ ແລະສິດໃນເຂດນໍ້າແດນດິນຂອງຕົນ. ໂຄສົກຍິງຍັງໄດ້ກ່າວອີກວ່າ ຫວຽດນາມທວງ
ໃຫ້ຈີນ ຍຸດເຊົາແລະຍັບຍັ້ງຈາກການເຄື່ອນໄຫວແບບນັ້ນອີກ.
ໜັງສືພິມ Xinhua ທາງການຂອງຈີນ ໄດ້ລາຍງານ ກ່ອນໜ້ານີ້ວ່າ ເຮືອຄົ້ນຄວ້າ
Tan Bao Hao ຂອງຈີນ ກໍາລັງທໍາການສໍາຫລວດໃນບໍລິເວນດັ່ງກ່າວ ໃນລະຫວ່າງ
ໃນລະຫວ່າງ ວັນທີ13 ເດືອນ ມິຖຸນາ ຫາວັນທີ 30 ເດືອນກໍລະກົດ ແລະໄດ້ກ່າວວ່າ
ການສໍາຫລວດດັ່ງກ່າວນີ້ແມ່ນຢູ່ໃນເຂດນ່ານນໍ້າ ທີ່ເນ່ງອອກຈາກພາກຕະເວັນຕົກ
ຂອງເກາະ Paracel ຈົນເຖິງເກາະ Spratly.
ທັງຈີນແລະຫວຽດນາມນັ້ນແມ່ນມີຄວາມຂັດແຍ່ງເລື່ອງກໍາມະສິດໃນເຂດທະເລຈີນໃຕ້
ທີ່ຕ່າງຝ່າຍຕ່າງກໍອ້າງວ່າເປັນຂອງຕົນ.