ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄວາມເຄັ່ງຕຶງ ເພິ່ມທະວີຂຶ້ນອີກ ລະຫວ່າງ ຫວຽດນາມແລະຈີນ (ວີດິໂອ)


ເຮືອຫາປາຂອງຫວຽດນາມ ໃນເຂດອ່າວລະຫວ່າງໝູ່ເກາະ Ly Son ຂອງຫວຽດນາມ ນອກຝັ່ງທະເລແຂວງl Quang Ngai ທາງພາກກາງຫວຽດນາມ, ວັນທີ 10 ເມສາ 2012.
ເຮືອຫາປາຂອງຫວຽດນາມ ໃນເຂດອ່າວລະຫວ່າງໝູ່ເກາະ Ly Son ຂອງຫວຽດນາມ ນອກຝັ່ງທະເລແຂວງl Quang Ngai ທາງພາກກາງຫວຽດນາມ, ວັນທີ 10 ເມສາ 2012.

ກົດ​ໝາຍ​​ກ່ຽວ​ກັບ​ທະ​ເລ ທີ່​ຫວຽດນາມຫາ​ກໍ​​ໄດ້​ຮັບ​ຜ່ານ​​ເອົາ ເມື່ອ​ເກືອບສອງອາທິດ​ຜ່ານ​ມາ​ນີ້ ​ແມ່ນ​ໄດ້​ກໍ່​ໃຫ້​ເກີດ​ຄວາມ​ເຄ່ງ​ຕຶງຂຶ້ນອີກ​ຮອບ​ໃໝ່ ສົດໆຮ້ອນໆ​ກັບຈີນ ກ່ຽວ​ກັບ​ການ​ຍາດ​ແຍ່ງ​ກັນ​​ເອົາ​ເຂດ​ນໍ້າ​ແດນ​ດິນ​ໃນ​ເຂດ​ທະ​ເລີ​ຈີນໃຕ້. ນັກ​ຂ່າວ​ວີ​ໂອ​ເອ Mariane Brown ມີ​ລາຍ​ງານ​ກ່ຽວ​ກັບ​ເລື່ອງ​ນີ້​ມາ​ຈາກ​ນະຄອນຫລວງ​ຮາ​​ໂນ່ຍ ຊຶ່ງ​ທອງ​ປານຈະ​ນໍາມາສະ​ເໜີທ່ານ​.

ເວລາ​ສະພາ​ແຫ່ງ​ຊາດ​ຂອງ​ຫວຽດນາມຮັບ​ຜ່ານ​ກົດໝາຍກ່ຽວ​ກັບ​ທະ​ເລ ​ເມື່ອວັນ​ທີ 21
​ມິ​ຖຸນາ​ຜ່ານ​ມາ​ນີ້ ຈີນແມ່ນ​ໄດ້​ສະ​ແດງປະຕິກິ​ລິຍາຕອບໃນທັນທີ ​ແລະ​ຢ່າງ​ຂຶງ​ຂັງ​.

ກົດໝາຍ​ສະບັບ​ດັ່ງກ່າວ​ບົ່ງ​ເຖິງ​ອະທິປະ​ໄຕ​ຂອງ​ຫວຽດນາມ​ໃນ​ການ​ອ້າງເອົາກໍາມະສິດ
​ໃນ​ໝູ່​ເກາະ Spratly ​ແລະ Paracel ອັນ​ເປັນ​ດິນ​ແດນທີ່ ເຊື່ອວ່າອຸດົມສົມບູນດ້ວຍນໍ້າມັນ
ແລະແຮ່ທາດຕ່າງໆ ແລະດິນແດນດັ່ງກ່າວນີ້ ກໍຍັງຖືກອ້າງ​ເອົາກໍາມະສິດໂດຍປະເທດຈີນ
ເພື່ອນບ້ານທີ່ໃຫຍ່ກ່່ວາຂອງ​ຫວຽດນາມນັ້ນນໍາອີກ. ປັກກິ່ງກ່າວວ່າ ກົດໝາຍສະບັບດັ່ງ
ກ່າວຂອງຫວຽດນາມ ບໍ່ຖືກຕ້ອງຕາມກົດໝາຍ ແລະກໍໄດ້ຮຽກ​ໂຕທ່ານ Nguyen Van
Tho ເອກອັກຄະລັດຖະທູດຫວຽດນາມປະຈໍາປັກກິ່ງ ເຂົ້າ​ພົບ ເພື່ອປະທ້ວງ.

ທ່ານ Nguyen Van Tho ເອກອັກຄະລັດຖະທູດຫວຽດນາມ ປະຈໍາປັກກິ່ງ
ທ່ານ Nguyen Van Tho ເອກອັກຄະລັດຖະທູດຫວຽດນາມ ປະຈໍາປັກກິ່ງ

ບັນດານັກວິເຄາະກ່າວວ່າ
ການເຄຶ່ອນໄຫວຂອງຫວຽດ
ນາມຄັ້ງນີ້ແມ່ນແນໃສ່ ເພື່ອ
ປຸກລະດົມ​ຄວາມ​ຮູ້ສຶກ​ຂອງ
​ປະຊາຊົນຫວຽດນາມເອງ
ຫຼາຍກວ່າການ​ສ້າງ​ຄວາມ​
ໂກດ​ແຄ້ນ​ໃຫ້ຈີນ. ເມື່ອປີຜ່ານ
ມາ ພວກປະທ້ວງຫຼາຍຮ້ອຍ
ຄົນພາກັນຫຼັ່ງໄຫຼລົງສູ່ຖະໜົນ
ຫົນທາງ ເພື່ອເດີນຂະບວນເປັນ
ເວລາຫຼາຍອາທິດ ຊຶ່ງ​ເປັນ​ເຫດ
ການທີ່ບໍ່ຄ່ອຍຈະມີຂຶ້ນຢູ່ໃນ
ຫວຽດນາມນັ້ນ ເພື່ອປະທ້ວງ
ການລຸກລານຂອງຈີນ ຕໍ່ກໍ່າປັ່ນ
ສໍາຫຼວດນໍ້າມັນຂອງຫວຽດນາມ.

ນາຍ Nguyen Quang Thach ຊາວເມືອງຮາໂນ່ຍ ທີ່ໄດ້ໄປຮ່ວມປະທ້ວງນໍາໝູ່ ເມື່ອປີກາຍ
ນີ້ ກ່າວວ່າ ລາວຍິນດີກັບກົດໝາຍສະບັບໃໝ່.

“ຂ້ອຍດີໃຈຫຼາຍກັບກົດໝາຍນີ້ ເພາະວ່າພວກເຮົາຮູ້ວ່າ ເຂດຫຼັກໝາຍອານາເຂດທະເລ
ຂອງພວກເຮົາຢູ່​ໃສ ແລະມັນກໍເປັນວິທີທີ່ດີເພື່ອສົ່ງຂໍ້ຄວາມໄປຍັງປະເທດອື່ນໆ ​ໃຫ້ຮູ້ວ່າ
ພວກເຮົາກໍມີກົດໝາຍ ແລະຂໍ້ບັງຄັບອື່ນໆ ຄືກັນ.”

ການປະເຊີນໜ້າກັບຈີນ ເພີ່ມທະວີຂຶ້ນຢ່າງໄວ. ​ໃນມື້ດຽວກັນກັບທີ່ ຫວຽດນາມຮັບຜ່ານ
ກົດໝາຍວ່າດ້ວຍທະເລນັ້ນ ກະຊວງຕ່າງປະເທດຫວຽດນາມໄດ້ປະກາດວ່າ ຕົນໄດ້ຍົກ
ລະດັບການປົກຄອງຢູ່ໃນສາມໝູ່ເກາະໃນທະເລຈີນໃຕ້ນັ້ນ ຂຶ້ນຈາກລະດັບ​ເຂດເປັນລະດັບ
​ເມືອງ ທີ່ຂຶ້ນກັບເມືອງ Sansha.

ທີ່ທໍາການຂອງລັດຖະບານ​ແມ່ນຈະຕັ້ງຢູ່ເກາະ Woody ອັນເປັນພາກສ່ວນນຶ່ງຂອງໝູ່
ເກາະ Paracels ຊຶ່ງເປັນເຂດແດນທີ່ຈີນຍຶດມາໄດ້ຈາກຫວຽດນາມໃຕ້ໃນເວລານັ້ນ ເມື່ອ
ປີ 1974.

ທ່ານນາງ Jennifer Richmond ຜູ້ອໍານວຍການປະ​ຈໍາ​ປະ​ເທດຈີນ ຂອງບໍລິສັດວິເຄາະ
ຄວາມໝັ້ນຄົງ Statfor ກ່າວວ່າ ​ໂຄງການເມືອງ Sansha ແມ່ນ​ໄດ້​ມີ​ການວາງ​ແຜນ​ກັນ​
ມາໄດ້ດົນນານແລ້ວ ແລະກໍເຮັດໃຫ້ເປັນການງ່າຍຂຶ້ນທີ່ຈະຍົກຂຶ້ນມາ​ເປັນ​ຂໍ້ຕອບໂຕ້ຕໍ່ກົດ
ໝາຍໃໝ່ຂອງຫວຽດນາມ. ທ່ານນາງ ຣິຈມອນ ກ່າວວ່າ

“ເມືອງ Sanshan ບໍ່ໄດ້ເປັນເລຶ່ອງເວົ້າກັນໃໝ່ໆ. ທີ່ຈິງແລ້ວຂ້າພະເຈົ້າຄິດວ່າ ພວກ
ເຂົາເຈົ້າເລິ່ມຄິດເລຶ່ອງນີ້ມາຕັ້ງແຕ່ຊຸມປີ 1950 ແລະ 60 ພຸ້ນ. ສິ່ງທີ່ພວກເຂົາເຈົ້າໄດ້
ເຮັດມາ ກໍຄືເຮັດ​ເປັນເຂດປົກຄອງ ຕະຫລອດມາຢູ່ທີ່ນັ້ນ. ສິ່ງທີ່ພວກເຂົາເຈົ້າພະຍາ
ຍາມຈະເຮັດໃນ​ເວລານີ້ ກໍເພື່ອຕັ້ງໃຫ້ເປັນເຂດເມືອງ ພ້ອມກັບການອ້າງເອົາກໍາມະສິດ​
ໃນເຂດນໍ້າແດນດິນບາງຢ່າງ.”

ທ່ານນາງ ຣິຈມອນ ກ່າວອີກວ່າ ຄໍາປະກາດດັ່ງກ່າວແມ່ນໄດ້ເຮັດຂຶ້ນໃນການສະແດງປະຕິ
ກິລິຍາຕໍ່ກົດໝາຍສະບັບໃໝ່ຂອງ​ຫວຽດນາມ ແຕ່ກໍບໍ່​ໄດ້ແນໃສ່ຫວຽດນາມ ໂດຍທັງ​ໝົດ.
ກົງກັນຂ້າມ ທ່ານນາງກ່າວວ່າ ມັນເປັນພາກສ່ວນນຶ່ງຂອງວຽກ​ງານ​ປະຊາສໍາພັນທີ່ແນເປົ້າ
ໝາຍໃສ່ມະຫາຊົນຈີນ ໃນຂະນະທີ່ປະເທດຈີນ ກໍາລັງກຽມການໂອນອໍານາດນັ້ນ.

ການອ້າງເອົາກໍາມະສິດຕໍ່ເຂດ​ນໍ້າ​ແດນ​ດິນ​ໃນ​ເຂດ​ທະ​ເລ​ຈີນໃຕ້ລະ ຫວ່າງປະເທດຕ່າງໆ ໃນເຂດເອເຊຍຕາເວັນອອກສຽງໃຕ້ແລະຈີນ​
ການອ້າງເອົາກໍາມະສິດຕໍ່ເຂດ​ນໍ້າ​ແດນ​ດິນ​ໃນ​ເຂດ​ທະ​ເລ​ຈີນໃຕ້ລະ ຫວ່າງປະເທດຕ່າງໆ ໃນເຂດເອເຊຍຕາເວັນອອກສຽງໃຕ້ແລະຈີນ​

ຄາດກັນວ່າ ຮອງປະທານປະເທດ
ຊີ ຈິນຜິງ ຈະຂຶ້ນກໍາອໍານາດແທນ
ທ່ານ ຫູ ຈິນເຖົາ ໃນຕໍາແໜ່ງຫົວ
ໜ້າພັກຄອມມີວນີສຈີນໃນທ້າຍປີ
ນີ້. ໃນລະຫວ່າງ​ນີ້ ຄວາມເປັນ
ຫ່ວງທີ່ສໍາຄັນຂອງລັດຖະບານກໍ
ຄື ນໍາພາປະເທດໃຫ້ມີຄວາມເຂັ້ມ
ແຂງຢູ່ຕໍ່ໄປ ແລະໃຫ້ຄົນເຫັນວ່າ
ປະເທດຊາດມີຄວາມເປັນອັນນຶ່ງ
ອັນດຽວກັນເພື່ອໃຫ້ເປັນທີ່ແນ່ໃຈ
ວ່າ ການໂອນອໍານາດດໍາເນີນໄປຢ່າງລາບລື່ນ. ທ່ານນາງຣິຈມອນກ່າວວ່າ ຍຸດທະສາດ​ແບບ​ນີ້ ​ບໍ່
​ແມ່ນ​ເລື່ອງພິເສດສະ​ເພາະ​ແຕ່ ສໍາລັບຈີນປະ​ເທດ​ດຽວ ຊຶ່ງທ່ານນາງກ່າວວ່າ:

“ຫວຽດນາມ ຟິລິບປິນ ແລະຈີນ ໂດຍສະເພາະຫວຽດນາມແລະຈີນນັ້ນ ​ແມ່ນ​ຊ່ຽວຊານ
​ຫລາຍໃນການເຮັດ​ແບບນີ້. ເວລາໃດພວກເຂົາເຈົ້າມີບັນຫາພາຍໃນປະເທດ ທີ່ສ້າງຄວາມ ກົດດັນແກ່ພວກເຂົາເຂົ້ານັ້ນ ຫຼາຍຄັ້ງ ຫຼາຍຄາວ ພວກເຂົາເຈົ້າຈະສ້າງສະຖານະການໃຫ້ ເປັນລະດັບນານາຊາດ ເພື່ອເປັນການຜ່ອນເບົາຄວາມ ເຄ່ງຕຶງພາຍໃນປະເທດ.”

ທ່ານນາງ ຣິຈມອນ ກ່າວຕໍ່ໄປວ່າ ມັນຈະມີການປະ​ທະກັນແບບນ້ອຍໆ ຫຼາຍຂຶ້ນກັບຈີນ
ກ່ຽວກັບການ​ຍາດ​ແຍ່ງ​ດິນ​ແດນໃນທະເລນັ້ນ. ແຕ່ທ່ານນາງກໍກ່າວວ່າ ມັນ​ຈະ​ເປັນແບບ ປະຕິກິລິຍາໂຕ້ຕອບຕໍ່ກັນຫຼາຍກວ່າ ທີ່ຈະ​ເປັນ​ການລຸກລານກັນ.

ການປະກາດກົດໝາຍສະບັບໃໝ່ຂອງຫວຽດນາມອອກໄປ ​ແມ່ນ​ໄດ້ຕິດຕາມມາ ໂດຍທັນ
ທີ ດ້ວຍການປະ​ທະກັນອີກບັ້ນນຶ່ງ.

ມື່ອວັນເສົາ ທີ 23 ມິຖຸນາຜ່ານມານັ້ນ ບໍລິສັດຂຸດເຈາະນໍ້າມັນນອກຝັ່ງທະເລແຫ່ງຊາດ
ຂອງຈີນ ທີ່ລັດເປັນເຈົ້າຂອງ ມີຊື່ຫຍໍ້ວ່າ CNOOC ນັ້ນ ໄດ້ເຊື້ອເຊີນບັນດາບໍລິສັດຕ່າງ
ປະເທດ ​ໃຫ້​ເຂົ້າ​ຮ່ວມປະມູນການສໍາຫຼວດ ພະລັງງານຢູ່ໃນພື້ນທີ່ເກົ້າແຫ່ງ ນອກຝັ່ງທະ
ເລຫວຽດນາມ.

ກະຊວງຕ່າງປະເທດຫວຽດນາມເອີ້ນການເຄຶ່ອນໄຫວດັ່ງກ່າວ​ຂອງ​ຈີນ​ວ່າ ຜິດກົດໝາຍ
ແລະກ່າວວ່າ ພື້ນທີ່ທີ່ຈີນໄດ້ແຍກເອົາ​ເປັນ​ຂອງ​ຕົນເອງນັ້ນ ແມ່ນຢູ່ພາຍໃນລັດສະໝີ
200 ໄມ ຂອງເຂດເສດຖະກິດພິເສດຂອງ​ຫວຽດນາມໂດຍ​ທັງ​ໝົດ ແລະຢູ່ພາຍ​ໃນ​ເຂດ​
ພື້ນ​ທະ​ເລຂອງຫວຽດນາມ ຕາມທີ່ໄດ້ບົ່ງໄວ້ຢູ່ ໃນກົດໝາຍທະເລຂອງອົງການສະຫະ
ປະຊາຊາດນັ້ນ.

ທ່ານນາງ ຣິຈມອນ ກ່າວໃນທີ່ສຸດວ່າ ການເຄຶ່ອນໄຫວເຫຼົ່ານີ້ ເຮັດໃຫ້ຄວາມເຄ່ງຕຶງເພີ່ມ
ສູງຂຶ້ນໄປ ແຕ່ກໍຍັງຄົງເປັນພາກສ່ວນນຶ່ງຂອງຮູບແບບ ທີ່​ໃຊ້​ກັນ​ມາ​ດົນ​ແລ້ວ ຂອງການ
ຂົ່ມຂູ່ ແລະຂົ່ມຂູ່ຕອບ​ຄືນ ​ແລະຍົກລະດັບການໃຊ້ສໍານວນ​ໂວຫານ​ຕອບ​ໂຕ້ກັນ ສູງຂຶ້ນ
ໄປອີກເທົ່ານັ້ນ.

ຫລ້າ​ສຸດ​ກໍ​ແມ່ນ​ໄດ້​ມີ​ການ​ເດີນ​ຂະ​ບວນປະ​ທ້ວງ​ຕໍ່ຕ້ານ​ຈີນ ຢູ່​ໃນ​ສອງ​ຫົວ​ເມືອງ​ໃຫຍ່​ສຸດ
​ຂອງ​ຫວຽດນາມ ກໍ​ຄື​ຢູ່​ນະຄອນຫລວງ​ຮາ​ໂນ່ຍ ​ທາງ​ພາກ​ເໜືອ ແລະ​ນະຄອນ​ໂຮ​ຈີ​ມິນ
ທາງ​ພາກ​ໃຕ້​ຂອງ​ຫວຽດນາມ ເມື່ອ​ວັນ​ອາທິດ​ຕົ້ນເດືອນ​ນີ້ ຊຶ່ງ​ມີ​ຊາວ​ຫວຽດນາມຫລາຍ​
ຮ້ອຍ​ຄົນ​ປະກອບສ່ວນ ຢູ່​ໃນ​ແຕ່ລະ​ແຫ່ງ.

XS
SM
MD
LG