ສະພາແຫ່ງຊາດຫວຽດນາມໄດ້ຮັບຮອງເອົາຄະນະລັດຖະບານໃໝ່ທີ່ຄອບງໍາໂດຍພວກທີ່
ສະໜັບສະໜຸນນາຍົກລັດຖະມົນຕີ ຫງຽນ ຕັນ ຢຸງ.
ລາຍຊື່ພວກທີ່ໄດ້ຖືກຮັບຮອງເອົາໃນວັນພຸດມື້ນີ້ ແມ່ນຮວມທັງລັດຖະມົນຕີໃໝ່ ຫລືຫົວໜ້າ
ກະຊວງທະບວງກົມຕ່າງໆ 15 ຄົນ ໃນຈໍານວນທັງໝົດ 22 ຕໍາແໜ່ງ ແຕ່ຫລາຍຄົນໄດ້
ຖືກເລື່ອນຊັ້ນຈາກຕໍາແໜ່ງຜູ້ຮອງຂຶ້ນມາແລະບັນດານັກວິເຄາະມອງເຫັນຮ່່ອງຮອຍໜ້ອຍ
ຫລາຍທີ່ສະແດງວ່າ ຈະມີການປ່ຽນແປງໃດໆໃນທິດທາງ ນັ້ນ.
ນອກນັ້ນສະພາຍັງໄດ້ຮັບຜ່ານຮອງນາຍົກລັດຖະມົນຕີ 4 ຄົນເຊ່ນກັນ ຊຶ່ງ 2 ຄົນເປັນຄົນ
ໜ້າໃໝ່ ທີ່ມາກໍາຕໍາແໜ່ງ. ພວກລັດຖະມົນຕີແລະຫົວໜ້າອົງການຕ່າງໆທັງໝົດຖືວ່າມີ
ຄວາມຈົງຮັກພັກດີຕໍ່ທ່ານຫງຽນຕັນຢຸງ ທີ່ໄດ້ຖືກເລືອກໃຫ້ດໍາລົງຕໍາແໜ່ງນາຍົກລັດຖະມົນ
ຕີສະໄໝທີສອງຕື່ມອີກ 5 ປີ ໃນສັບປະດາແລ້ວນີ້.
ຕໍາແໜ່ງລັດຖະມົນຕີການເງິນທີ່ສໍາຄັນໄດ້ຕົກເປັນຂອງທ່ານ Vuong Dinh Hue ຜູ້ກວດ
ກາບັນຊີແຫ່ງຊາດທີ່ໄດ້ຮັບການເຝິກແອບມາຈາກຣັດເຊຍ ຊຶ່ງຈະມີໜ້າທີ່ຫາທາງດຶງອັດຕາ
ເງິນເຟີ້ ທີ່ຖືວ່າສູງທີ່ສຸດອັນນຶ່ງຂອງໂລກນັ້ນໃຫ້ຕໍ່າລົງ. ການຄັດເລືອກເອົາທ່ານ Hue ຖື
ວ່າເປັນສັນຍານຊີ້ບອກອັນນຶ່ງວ່າ ລັດຖະບານຢາກຕິດຕາມເບິ່ງຢ່າງໃກ້ຊິດພວກລັດວິສາ
ຫະກິດຕ່າງໆ ຫລັງຈາກບໍລິສັດລັດວິສາຫະກິດຕໍ່ເຮືອ Vinashin ພັງທະລາຍລົງ ທ່າມ
ກາງໜີ້ສິນຈໍານວນຫລວງຫລາຍໃນປີແລ້ວນີ້.
ການສະເໜີແຕ່ງຕັ້ງເຫລົ່ານີ້ມີຂຶ້ນ 1 ມື້ຫລັງຈາກສານອຸທອນຫວຽດນາມຢືນຢັນໂທດຈໍາ
ຄຸກ 7 ປີ ຕໍ່ນາຍ Cu Huy Ha Vu ຜູ້ຄັດຄ້ານລັດຖະບານທີ່ມີຊື່ສຽງໂດ່ງດັງນັ້ນ.
ກະຊວງການຕ່າງປະເທດສະຫະລັດໄດ້ຕິຕຽນຄໍາຕັດສິນຂອງສານໃນວັນອັງຄານວານນີ້
ແລະຮຽກຮ້ອງໃຫ້ລັດຖະບານຫວຽດນາມປ່ອຍໂຕນາຍ Vu ແລະພວກນັກໂທດຈິດສໍານຶກ
ອື່ນໆໂດຍທັນທີ.