ຫວຽດນາມຈະປົກປ້ອງ ການອ້າງກຳມະສິດຂອງຕົນ ໃນທະເລຈີນໃຕ້

ຮອງນາຍົກລັດຖະມົນຕີຫວຽດນາມ ໃຫ້ຄຳໝັ້ນສັນຍາວ່າ ຈະປົກປ້ອງການອ້າງກຳມະສິດ
ກ່ຽວກັບເຂດນໍ້າແດນດິນຂອງຕົນຢູ່ໃນເຂດທະເລຈີນໃຕ້ ຂະນະທີ່ສະພາແຫ່ງຊາດຊຸດໃໝ່
ຂອງຫວຽດນາມເປີດປະຊຸມເປັນເທື່ອທຳອິດໃນວັນພະຫັດມື້ນີ້.

ທ່ານ Nguyen Sinh Hung ກ່າວວ່າ ລັດຖະບານຈະດຳເນີນການເພື່ອປົກປ້ອງຊາວປະ
ມົງຫວຽດນາມແລະປ້ອງກັນກິດຈະການເສດຖະກິດຂອງປະເທດໃນບໍລິເວນນ່ານນໍ້າດັ່ງກ່າວ
ຮວມທັງການສຳຫຼວດຫາບໍ່ນໍ້າມັນແລະແກັສທຳມະຊາດນຳດ້ວຍ.

ເມື່ອໄວໆມານີ້ລັດຖະບານຫວຽດນາມໄດ້ນຳສະເໜີມາດຕະການຕ່າງໆ ເພື່ອເພີ່ມການຮັກ
ສາຄວາມປອດໄພຫຼັງຈາກມີການຮ້ອງທຸກວ່າ ກຳປັ່ນຈີນໄດ້ຮາວີລົບກວນຊາວປະມົງແລະ
ກຳປັ່ນສຳຫຼວດນໍ້າມັນ ຢູ່ໃນບໍລິເວນທະເລທີ່ມີການຂັດແຍ້ງກັນ ນອກແຄມຝັ່ງຂອງຫວຽດ
ນາມ.

ທ່ານ Hung ໄດ້ກ່າວຄຳປາໄສ ໃນພິທີເປີດສະໄມປະຊຸມຂອງສະພາແຫ່ງຊາດທີ່ມີພວກຜູ້
ແທນ 500 ຄົນທີ່ໄດ້ຮັບເລືອກໃນການເລືອກຕັ້ງທີ່ມີພັກການເມືອງພຽງພັກດຽວເມື່ອເດືອນ
ພຶດສະພາຜ່ານມາ.

ນອກນັ້ນ ສະພາແຫ່ງຊາດຫວຽດນາມຍັງຈະຕ້ອງໄດ້ໃຫ້ການອະນຸມັດຕໍ່ການຄັດເລືອກຂອງ
ພັກເອົາປະທານປະເທດ ນາຍົກລັດຖະມົນຕີແລະຕຳແໜ່ງສຳຄັນອື່ນໆ ໃນສະໄໝປະຊຸມເປັນ
ເວລາ 11 ມື້ຊຶ່ງຈະສິ້ນສຸດລົງໃນວັນທີ 6 ເດືອນໜ້າ.

ໃນຕອນທ້າຍຂອງການປະຊຸມນັ້ນ ເປັນທີ່ຄາດກັນວ່າ ພວກຜູ້ແທນຂອງຫວຽດນາມຈະໄດ້
ຫາລືກັນກ່ຽວກັບການສ້າງຕັ້ງຄະນະກຳມະການນຶ່ງຂຶ້ນເພື່ອດັດແປງແກ້ໄຂລັດຖະທຳມະນູນ
ສະບັບປີ 1992.