ສະມາຊິກຂອງຄະນະກຳມະການທີ່ປຶກສາພິເສດຂອງຣັດຖະບານ ສຫຣ ຊຶ່ງໝົດ ທຸກຄົນ ລ້ວນແລ້ວແຕ່ເປັນຜູ້ທີ່ໄດ້ຮັບເຄາະມາຈາກການຄ້າຂາຍມະນຸດ ພາກັນຮຽກຮ້ອງໃຫ້ມີ ການປ່ຽນແປງຢ່າງໃຫຽ່ ໃນວິທີຂອງພວກເຈົ້າໜ້າທີ່ ທີ່ປະຕິບັດກັບພວກທີ່ໄດ້ຖືກຊ່ອຍ ໃຫ້ລອດພົ້ນມາຈາກການເປັນຂ້າທາດແລະການຂູດຮີດ.
ສະພາທີ່ປຶກສາດ້ານການລັກລອບຄ້າຂາຍມະນຸດຂອງ ສຫຣ ປະກອບດ້ວຍສະມາຊິກ 11 ທ່ານໄດ້ພາກັນໃຫ້ຂໍ້ສະເໜີແນະວ່າ ໃຫ້ພວກທີ່ລອດພົ້ນທັງຫຼາຍ ໄດ້ຮັບການອົບຮົມທາງ ດ້ານ ການໃຊ້ກົດໝາຍຫຼາຍຂຶ້ນ ແລະໃຫ້ມີລະບຽບແບບແຜນດີຂຶ້ນນຳ ໃຫ້ເຂົາເຈົ້າໄດ້ຮັບ ການບໍຣິການຈາກຣັດຖະບານຮອບດ້ານ ໃຫ້ໄດ້ຮັບທຶນມາ ເພື່ອອົບຮົມວິທີນຳພາແລະ ການມີພະລັງອຳນາດຂອງພວກລອດພົ້ນ.
ລາຍງານສະບັບທຳອິດຂອງສະພາດັ່ງກ່າວ ທີ່ເປັນການອາສາສະໝັກທັງນັ້ນ ອັນປະກອບ
ດ້ວຍແມ່ຍິງ 8 ຄົນ ແລະຜູ້ຊາຍ 3 ຄົນ ໄດ້ຖືກເຜີຍແພ່ໃນວັນອັງຄານວານນີ້. ໃນເຫດການ
ຊ້ອງໜ້າມະຫາຊົນ ໃນຄຸ້ມຊາວຈີນໃນນະຄອນຫຼວງວໍຊິງຕັນນີ້ ພວກສະມາຊິກຂອງສະ
ພາດັ່ງກ່າວ ໄດ້ພາກັນຮຽກຮ້ອງໃຫ້ຕື່ນຕົວຫຼາຍຂຶ້ນ ກ່ຽວກັບສົງຄາມຕໍ່ຕ້ານການລັກລອບ
ຄ້າຂາຍມະນຸດ ຊຶ່ງພວກເຂົາເຈົ້າເອີ້ນວ່າເປັນອາດຊະຍາກຳຂອງໂລກທີ່ມີລາຍໄດ້
ຢ່າງຫລູຫຼາ.
ໃນຂະນະທີ່ຮັບຮູ້ກັນວ່າ ເອເຊຍເປັນເເດນແຫ່ງການຄ້າຂາຍຂ້າທາດທີ່ສຳຄັນໃນສະໄໝ
ໃໝ່ນີ້ກໍຕາມ ແຕ່ເຂດທີ່ສຳຄັນຄືກັນອີກ ທີ່ບໍ່ຮູ້ຈຳນວນຂອງຜູ້ໄດ້ຮັບເຄາະກໍແມ່ນຢູ່ໃນ ແລະຈາກອາຟຣິກາ.
ນາງ ມິນ ດັງທີ່ພໍ່ແມ່ຂອງລາວຂາຍລາວໄປເປັນໂສເພນີເມື່ອອາຍຸ 10 ປີ ກ່າວວ່າ ມັນມັກຈະມີຄຳເວົ້າອັນດຽວກັນຢູ່ສະເໝີ ວ່າແມ່ນຫຽັງປະກອບເປັນຄຳເວົ້າທີ່ວ່າ ການລັກລອບຄ້າຂາຍມະນຸດ.
