ລິ້ງ ສຳຫລັບເຂົ້າຫາ

ປະທານາທີບໍດີ Chavez ກໍາລັງຫາຍດີ ຈາກການຜ່າຕັດ ໂຣກມະເຮັງ


ນັກດົນຕີ ສະແດງ ຢູ່ຕໍ່ໜ້າຮູບ ຂອງປະທານາທີບໍດີ Hugo Chavez ທີ່ໄດ້ຮັບການຜ່າຕັດໂຣກມະເຮັງ ເປັນເທຶ່ອທີ່ສີ່ແລ້ວ
ຮອງປະທານາທິບໍດີ ເວເນຊູເອລາ ທ່ານ Nicolas Maduro ໄດ້ໃຫ້ຄວາມໝັ້ນໃຈຕໍ່ປະເທດຊາດວ່າ ປະທານາທີບໍດີ Hugo
Chavez ທີ່ເຈັບປ່ວຍຢູ່ນັ້ນ ກໍາລັງຫາຍດີຈາກການຜ່າຕັດໂຣກ ມະເຮັງ.

ໃນຂະນະທີ່ຢ້ຽມຢາມໂຮງໝໍເດັກນ້ອຍໃນນະຄອນຫລວງ
Caracas ໃນວັນອາທິດວານນີ້ ທ່ານ Maduro ໄດ້ກ່າວຕໍ່ບັນ
ດານັກຂ່າວວ່າ ສຸຂະພາບຂອງທ່ານ Chavez ກໍາລັງດີຂື້ນນັບມື້.

ທ່ານ Chavez ໄດ້ເຂົ້າຮັບການຜ່າຕັດເປັນເວລາຫົກຊົ່ວໂມງ
ເມື່ອເກືອບສອງອາທິດກ່ອນ ທີ່ນະຄອນຫລວງ Havana ຂອງປະເທດຄິວບາ ຊຶ່ງເປັນການ ຜ່າຕັດເທຶ່ອທີ່ສີ່ຂອງທ່ານ ນັບຕັ້ງແຕ່ໄດ້ຖືກວິນິດໄສວ່າເປັນໂຣກມະເຮັງ ໃນກາງປີ 2011 ເປັນຕົ້ນມາ. ທ່ານບໍ່ເຄີຍເປີດເຜີຍໃຫ້ຮູ້ວ່າທ່ານເປັນມະເຮັງຊະນິດໃດ ຫລືວ່າຮ້າຍແຮງ ສໍ່າໃດ.
XS
SM
MD
LG