ລິ້ງ ສຳຫລັບເຂົ້າຫາ

ວັນອາທິດ, ໐໓ ມີນາ ໒໐໒໔

ເວເນຊູເອລາ ກຽມປະທ້ວງ ນັດຢຸດງານ 48 ຊົ່ວໂມງ ເພື່ອກົດດັນ ປ. ມາດູໂຣ


ຜຸ້ຊາຍຄົນນຶ່ງຍ່າງຜ່ານປ້າຍ ທີ່ອ່ານວ່າ "ຜູ້ລົງຄະແນນ ສຽງຢູ່ໃນ ສະພາ ຈະບໍ່ເກີດຂຶ້ນ" ຢູ່ໃນນະຄອນຫຼວງ Caracas ປະເທດ Venezuela.
ຜຸ້ຊາຍຄົນນຶ່ງຍ່າງຜ່ານປ້າຍ ທີ່ອ່ານວ່າ "ຜູ້ລົງຄະແນນ ສຽງຢູ່ໃນ ສະພາ ຈະບໍ່ເກີດຂຶ້ນ" ຢູ່ໃນນະຄອນຫຼວງ Caracas ປະເທດ Venezuela.

ຊາວ​ເວ​ເນ​ຊູ​ເອລາ ກຳລັງ​ກະກຽມ​ຢ່າງ​ຂຸ້ນຂ້ຽວ ສຳລັບການ​ນັດ​ຢຸດ​ງານໃນ​ທົ່ວ ປະ​ເທດ
ໃນອາທິດ​ນີ້ທີ່​ແນ​ໃສ່ເພື່ອ​ກົດ​ດັນໃຫ້​ປະທານາທິບໍດີ Nicolas Maduro ຍົກ​ເລີກ​ການ​
ເລືອກ​ຕັ້ງສະພາ​ທີ່ເປັນ​ບັນຫາ​ໂຕ້​ແຍ້ງ ​ເພື່ອ​ຂຽນ​ລັດຖະທຳ​ມະນູນ​ຂອງ​ປະ​ເທດ​ຄືນ​ໃໝ່.

“ພວກ​ເຮົາ​ຮຽກຮ້ອງ​ໃຫ້ໝົດທຸກຄົນ ທຸກໆ​ກຸ່ມໃນ​ສັງ​ບຄົມ ​ໃຫ້ນັດ​ຢຸດ​ງາ​ນ​ເປັນ​ເວລາ 48
ຊົ່ວ​ໂມງ ທີ່​ມີ​ກຳນົດ​ໃນ​ວັນ​ພຸດ​ມື້​ອື່ນ​ນີ້ ຊຶ່ງທ່ານ Simon Calzadilla ສະມາຊິກ​ສະພາ​ ​
ໄດ້ກ່າວຢູ່​ໃນ​ຖະ​ແຫລ​ງການ ​ເພື່ອ​ທ້ອນ​ໂຮມ​ກຳລັງ​ຝ່າຍ​ຄ້ານ.

ທ່ານ Calzadilla ກ່າວ​ວ່່າ ການ​ເດີນ​ຂະ​ບວນປະ​ທ້ວງ​ໃນ​ວັນ​ສຸກ​ຈະ​ມາ​ເຖິງ​ນີ້ ຈະ​ເພີ່ມ​
ການ​ກົດ​ດັນ​ຕໍ່ ທ່ານ Muduro ​ໃຫ້​ຍົກ​ເລີກ​ການ​ປ່ອນ​ບັດ​ລົງ​ຄະ​ແນນ​ສຽງຢ່າງ​ເປັນທາງ
​ການ.

ຢູ່​ທີ່​ນະ​ຄອນ Caracas ​ໃນ​ວັນ​ຈັນ​ວານ​ນີ້ ​ເປັນ​ວັນພັກ​ແຫ່ງ​ຊາດ ທີ່ເປັນ​ຂີດ​ໝາຍ​ວັນ​
ເກີດ​ໃນ​ປີ 1783 ຂອງທ່ານ Simon Bolivar ​ລູກບ້ານ​ຫລານ​ເມືອງ ​ແລະ​ຜູ້ນຳເອກ​
ກະລາດ​ລາ​ຕິນ​ອາ​ເມຣິກາ ທີ່ມີ​ທະຫານ​ລັດຖະບານຕິດ​ອາວຸດຢືນ​ຍາມຢູ່ໃນກຸ່ມ​ຂອງ
​ສາມ​ຫລື​ສີ່ຄົນ ຢູ່​ຕາມ​ໂຮງຮຽນບ່ອນ​ທີ່​ໜ່ວຍ​ປ່ອນ​ບັດ​ມີ​ກຳນົດ​ຈະ​ຈັດ​ຂຶ້ນ. ​ເຂົາ​ເຈົ້າ
​ໄດ້​ພາກັນ​ເບິ່ງ ​ໃນ​ຂະນະ​ທີ່​ສະມາຊິກ​ຂອງ​ຝ່າຍ​ຄ້ານ​ໄດ້​ມາ​ເຖິງ ​ເພື່ອ​ຕິດ​ປ້າຍ​ໂຄສະ
ນາຕໍ່​ຕ້ານ​ຜູ້​ປ່ອນ​ບັດ.

​ໃນ​ຂະນະ​ດຽວ​ກັນຊາວ​ເວເນ​ຊູ​ເອລາ ​ໄດ້​ພາກັນ​ຮີບ​ຮ້ອນ​ຫາ​ຊື້​ເຄື່ອງ​ຂອງ​ທີ່​ຂາດແຄນ​ຢູ່​

ແລ້ວກ່ອນ​ໜ້າການ​ຢຸດ​ງານ​ປະ​ທ້ວງ. ລາຄາ​ນໍ້າມັນ​ຕົກ ​ແລະ​ບໍລິຫານ ງານ​ທີ່​ຜິດພາດ​ຂອງລັດຖະບານ​ ​ໄດ້​ນຳ​ພາໄປ​ສູ່ການຂາດແຄນ​ອາຫານທີ່​ຮ້າຍ​ແຮງ ພ້ອມ​ທັງຢາ​ປົວ​
ພະຍາດ ​ແລະເຄື່ອງ​ໃຊ້​ທີ່​ຈຳ​ເປັນອື່ນໆ ​ໃນ​ອັນ​ທີ່​ຄັ້ງ​ນຶ່ງເຄີຍ​ເປັນ​ປະ​ເທດ​ທີ່​ອຸດົມສົມ
ບູນສຸດຂອງປະ​ເທດລາ​ຕິ​ນອາ​ເມຣີກາ.

ແມ່ຍິງຄົນນຶ່ງ ກຳລັກວດທາງຍ່າງ ຢູ່ຕໍjໜ໊າປ້າຍທີ່ກ່າວວ່າ ແມ່ນແລ້ວ ຜູ້ລົງຄະແນນສຽງໃນສະພາຈະເກີດຂຶ້ນ.
ແມ່ຍິງຄົນນຶ່ງ ກຳລັກວດທາງຍ່າງ ຢູ່ຕໍjໜ໊າປ້າຍທີ່ກ່າວວ່າ ແມ່ນແລ້ວ ຜູ້ລົງຄະແນນສຽງໃນສະພາຈະເກີດຂຶ້ນ.

ຢູ່​ຕໍ່ໜ້າ​ຕະຫລາດ Luz supermarket ໃນ​ຄຸ້ມ Chacao ຂອງ​ນະຄອນຫຼວງ ນັກວິ​ສະ
ວະ​ກອນ Victor Maglio ກ່າວ​ຕໍ່ ວີ​ໂອ​ເອ ວ່າ ທ່ານ​ຫວັງ​ວ່າ ຈະ​ໄດ້ pasta ຈຳນວນ​ນຶ່ງ
​ແລະ​ປາກະ​ປອງ. ​ແຕ່​ວ່າ​ທ່ານ​ໄດ້​ຕິຕຽນ​ວ່າ ສ່ວນ​ໃຫຍ່​ເປັນ​ສິນຄ້າ​ເຂົ້າຢູ່​ໃ​ນຫ້າງຮ້ານ
ທຸກໆ​ແຫ່ງ ທ່ານ​ສາມາດ​ຈ່າຍ​ໄດ້​ໜ້ອຍ​ນຶ່ງເກີນ​ໄປ​ກວ່າ pasta ກັບປາ ​ແລະ​ເຂົ້າໜົມ​.

ທ່ານ Maglio ຜູ້​ທີ່​ມີ​ອາຍຸ​ລະຫວ່າງກາງ 40 ປີ ກ່າວ​ວ່າ ທ່ານ​ຈະ​ “ພະຍາ​ຍາມ​ເກັບ​ກຳ
​ເອົາ​ອາຫານ” ​ແລະ “ສິ່ງອື່ນໆ​ທີ່​ເງິນ​ມີ​ຢູ່​ໃນ​ຖົງ.”

ອ່ານຂ່າວນີ້ເພີ່ມເປັນພາສາອັງກິດ

Venezuela Strike Prep
please wait
Embed

No media source currently available

0:00 0:00:32 0:00

XS
SM
MD
LG