ເວ​ເນຊູ​ເອລາ​ ໄດ້ຮັບ​ຄໍາ​ຮ້ອງ ​ຂໍ​ລີ້​ໄພ ຂອງທ້າ​ວ Snowden ແລ້ວ (ວີດີໂອ)

ເວ​ເນຊູ​ເອລາ​ໄດ້​ຮັບ​ຄໍາ​ຮ້ອງ​ຂໍ​ລີ້​ໄພ​ ຢ່າງເປັນ​ທາງ​ ການ​ຈາກ
ອະດີດພະນັກງານສັນຍາຈ້າງ​ຂອງ​ອົງການ​ສືບ​ລັບ​ສະຫະລັດ
ທ້າ​ວ Edward Snowden.

ປະທານາທິບໍດີ Nicolas Maduro ຂອງເວ​ເນຊູ​ເອລາ​ ໄດ້​ຢືນ
ຢັນການ​ໄດ້​ຮັບ​ຄໍາ​ຮ້ອງ​ຂໍດັ່ງກ່າວ​ໃນ​ວັນ​ຈັນ​ວານ​ນີ້. ທ່ານ​ກ່າວ​
ວ່າ ທ້າ​ວ Snowden ຈະ​ຕ້ອງ​ຕັດສິນ​ໃຈ​ແລ້ວ​ວ່ າ​ເມື່ອ​ໃດລາວ
​ຕ້ອງ​ການ​ທີ່​ຈະ​ບິນ​ໄປ​ເວ​ເນຊູ​ເອລາ​ ​ແລະລາວ​ຢາກ​ໄປ​ແທ້​ ຫລື
​ບໍ່​.

ທ່ານ​ໄດ້​ອອກ​ຄວາມ​ເຫັນ​ດັ່ງກ່າວ ບໍ່​ເທົ່າ​ໃດ​ຊົ່ວ​ໂມງ​ຫຼັງ​ຈາກ​ທີ່​ທາງ​
ສະຖານທູດນີ​ກາຣາກົວ​ ໃນ​ກຸງ​ມົສກູ​ກ່າວ​ວ່າ ຕົນ​ໄດ້​ຮັບຈົດໝາຍ​ຂໍລີ້​ໄພຈາກ​ທ້າວ
Snowden.

ບັນດາ​ຜູ້​ນໍາຂອງປະ​ເທດເວ​ເນຊູ​ເອລາ​ ນີ​ກາຣາກົວ ​ແລະ​ໂບລີ​ເວຍ ​ໄດ້​ກ່າວ​ວ່າ ​ພວກ​ຕົນ​ຈະ​
ຮັບ​ເອົາທ້າ​ວ Snowden ໄວ 30 ປີ ທີ່​ໄດ້ເປີດ​ເຜີຍລາຍ​ລະອຽດລັບຂອງ​ໂຄງການ​ເກັບ​ກໍາ​
ຂໍ້າມູນ​ໂດຍ​ອົງການ​ຄວາມ​ໝັ້ນຄົງ​ແຫ່ງ​ຊາດສະຫະລັດ.

​ເຊື່​ອກັນ​ວ່າ ທ້າ​ວ Snowden ນັ້ນ​ຍັງ​ຢູ່​ໃນ​ເຂດ​ລໍຖ້າຕໍ່​ຍົນ​ໃນ​ສະໜາມ​ບິນມົສກູ​ ນັບ​ຕັ້ງ​ແຕ່
ໄດ້​ບິນ​ອອກ​ຈາກ​ຮົງ​ກົງ 2 ອາທິດ​ແລ້ວ​ນີ້. ລາວບໍ່​ສາມາດ​ເດີນທາງ​ອອກ​ໄປ​ໄກ​ກ່ວາ​ນີ້ໄດ້
ເພາະວ່າ​ທາງ​ສຫະຫລັດ​ໄດ້​ຍົກ​ເລີກໜັງສື​ເດີນທາງ​ຂອງ​ລາວ.

ຍັງ​ບໍ່​ທັນ​ເປັນ​ທີ່​ຈະ​ແຈ້ງ​ເທື່ອ​ວ່າ ທ້າ​ວ Snowden ຈະ​ເດີນທາງ​ອອກ​ໄປ​ສູ່ ເວ​ເນຊູ​ເອລາ​
​ໄດ້​ຢ່າງ​ໃດ​? ປະ​ເທດຄິວ​ບາ ຊຶ່ງ​ເປັນ​ທາງ​ຜ່ານ​ທີ່​ສໍາຄັນ​ ຫຼື​ຈຸດເຊື່ອ​ມຕໍ່ຈາກຣັດ​ເຊຍສູ່
ບັນດາ​ປະ​ເທດ​ອາ​ເມຣິກາ​ລາ​ຕິນນັ້ນ ​ຍັງ​ບໍ່​ທັນ​ໄດ້ເວົ້າວ່າ ຕົນ​ຈະ​ໃຫ້ທ້າ​ວ Snowden
ຜ່ານ ຫຼື​ບໍ່? ​ແຕ່ປະທານ​ປະ​ເທດຄິວ​ບາ ທ່ານ Raul Castro ​ໄດ້​ກ່າວ​ສະ​ແດງການສະໜັບ
ສະ​ໜູນ​ຕໍ່​ບັນດາ​ປະ​ເທດ​ອາ​ເມຣິກາ​ລາ​ຕິນ ທີ່​ສະ​ເໜີໃຫ້ການຮັບລີ້​ໄພ​ໃຫ້​ແກ່ທ້າ​ວ Snowden. ທ່ານ Castro ກ່າວວ່າ:

“ພວກເຮົາສະໜັບສະໜຸນສິດອະທິປະໄຕ ຂອງເວເນຊູເອລາ ແລະໝົດທຸກ ປະເທດໃນຂົງເຂດ ໃນການອະນຸຍາດໃຫ້ລີ້ໄພແກ່ພວກທີ່ຖືກປະຫັດປະຫານ ຍ້ອນອຸດົມການຂອງເຂົາເຈົ້າ ຫລືບໍ່ກໍຍ້ອນການຕໍ່ສູ້ເພື່ອສິດທິປະຊາທິປະໄຕ ຂອງເຂົາເຈົ້າ.”

ທ້າ​ວ Snowden ​ໄດ້ຮຽກຮ້ອງ​ຍືນ​ຂໍລີ້ໄພ ​ໄປ​ຍັງ 20 ກວ່າ ປະ​ເທດ​, ​ແຕ່​ສ່ວນ​ໃຫຍ່​ໄດ້​ປະຕິ​
ເສດ ຫລື​ບໍ່​ກໍກ່າວ​ວ່າ ທ້າ​ວ Snowden ຕ້ອງ​ຢູ່​ໃນເຂດ​ນໍ້າດິນ​ແດນ ຫຼືຢູ່​ໃນສະຖານທູດ​
ແຫ່ງ​ໃດແຫ່ງ​ນຶ່ງ​ຂອງ​ຕົນເສຍກ່ອນ ຈຶ່ງຈະ​ຮັບພິຈາລະນາ​ຄໍາ​ຮ້ອງ​ຂໍ​ລີ້​ໄພຂອງ​ຜູ້ກ່ຽວ.