ຄວາມເຄັ່ງຕຶງ ເພີ່ມທະວີຂຶ້ນ ທ່າມກາງ ການປະທ້ວງ ໂຕ້ຕອບກັນ ທີ່ເວເນຊູເອລາ (ວີດີໂອ)

ປະທານາທິບໍດີ Nicolas Maduro ​ແຫ່ງ Venezuela ​
ໄດ້​ທຳ​ການ​ຕອບ​ໂຕ້​ໃນ​ວັນ​ເສົາວານ​ນີ້​ ຕໍ່​ການ​ປະ​ທ້ວງ​ຂອງ
​ຝ່າຍ​ຄ້ານ​ທີ່​ກຳລັງ​ດຳ​ເນີນ​ໄປຢ່າງ​ບໍ່​ລົດ​ລະ​ນັ້ນ ດ້ວຍການ
ຈັດ​ການ​ເດີນ​ຂະ​ບວນຕອບ​ໂຕ້ ຂອງພວກ​ທີ່​ສະໜັບສະໜຸນ​
ທ່ານ​ຫຼາຍ​ພັນ​ຄົນ.

ປະທານາທິບໍດີ Madura ​ໄດ້​ສວຍໃຊ້​ການໂຮມຊຸມນຸມ
ຂອງ​ພວກ​ທີ່​ນິຍົມ​ລັດຖະບານ​ໃນ​ນະຄອນຫຼວງ Caracas
ເມື່ອ​ວັນ​ເສົາ​ວານ​ນີ້ ປະນາມ​ທ່ານ Leopoldo Lopez ຜູ້
ນຳ​ຝ່າຍ​ຄ້ານ.

ຕຳຫຼວດ​ໄດ້​ອອກ​ໝາຍ​ຈັບ​ທ່ານ Lopez ​ໃນ​ຖານ​ເປັນ​ຜູ້​ຈັດ​ແຈງ​ໃຫ້​ມີ ການ​ປະ​ທ້ວງຕໍ່
ຕ້ານ​ລັດຖະບານ​ໃນ​ວັນ​ພຸດ​ຜ່ານ​ມາ ​ທີ່​ກາຍ​ເປັນ​ຄວາມ​ຮຸນ​ແຮງ ​ເຮັດ​ໃຫ້ປະຊາຊົນ 3 ຄົນ​
ເສຍ​ຊີວິດ ຮວມທັງ​ພວກ​ປະ​ທ້ວງ​ຝ່າຍ​ຄ້ານ 2 ຄົນ.

ທ່ານ Madura ​ເອີ້ນ​ທ່ານ Lopez ວ່າ​ເປັນ​ຜູ້​ຖື​ລັດທິ fascist ​ແລະ​ເປັນ​ຄົນ​ຂີ້​ຂາດຕາ
ຂາວໃນ​ວັນ​ເສົາ​ວານ​ນີ້ ​ແລະ​ຮຽກຮ້ອງ​ໃຫ້​ທ່ານ​ເຂົ້າ​ມອບ​ໂຕ ​ຕໍ່​ເຈົ້າ​ໜ້າ​ທີ່.

ທ່ານ John Kerry ລັດຖະມົນຕີ​ຕ່າງປະ​ເທດ​ສະຫະລັດ ກ່າວ​ວ່າ ການ​ອອກ​ໝາຍ​ຈັບ
ທ່ານ Lopez ມີ​ຜົນ​ກະທົບ ຕໍ່​ສິດທິ​ຂອງ​ພົນລະ​ເມືອງ Venezuela ​ໃນ​ການສະ​ແດງ​
ຄວາມ​ບໍ່ພໍ​ໃຈ​ຂອງ​ເຂົາ​ເຈົ້າ ອອກ​ມາຢ່າງ​ສັນຕິ​ນັ້ນ.

​ທ່ານ Kerry ກ່າວໃນ​ຖະ​ແຫຼ​ງການ​ສະບັບ​ນຶ່ງ ​ວ່າ ລັດຖະບານ Venezuela ມີ​ພັນທະ
​ທີ່ຈະ​ຕ້ອງ​ປົກ​ປ້ອງ​ເສລີພາບຂັ້ນ​ພື້ນຖານ​ຕ່າງໆ ​ແລະ​ຄວາມ​ປອດ​ໄພ​ຂອງ​ພົນລະເມືອງ​
ຂອງຕົນ.