ເວເນຊູເອລາ ເນລະເທດ ນັກການທູດ ສຫລ 3 ທ່ານ ເພື່ອ ຕອບ​ໂຕ້ ຕໍ່​ວໍ​ຊິງ​ຕັນ ( ວີດີໂອ )

ປະທານາທິບໍດີ​ຂອງ​ເວ​ເນ​ຊູ​ເອລາ ​ໄດ້​ສັ່ງ​ໃຫ້​ເນລະ​ເທດ​ ​
ເຈົ້າ​ໜ້າ​ທີ່​ປະຈຳ​ສະຖານທູດສະຫະລັດ 3 ທ່ານ ທີ່​ບໍ່
​ບອກ​ຊື່​ໃຫ້​ຊາບ ​ໃນ​ການ​ເຄື່ອນ​ໄຫວ​ຕອບ​ໂຕ້ຕໍ່​ການ​ທີ່
​ລັດຖະບານ​ວໍ​ຊິງ​ຕັນ ​ໄດ້​ກ່າວປ້ອງ​ກັນ ​ທ່ານ Leopol
do Lopez ຜູ້ນຳ​ຝ່າຍ​ຄ້ານນັ້ນ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry
ກ່າວ​ໃນ​ວັນ​ເສົາ​ຜ່ານ​ມາ​ນີ້​ວ່າການ​ອອກ​ໝາຍ​ຈັບ​ກຸມ​
ທ່ານ Lopez ມີ​ຜົນ​ກະທົບທີ່​ເຮັດ​ໃຫ້ພົນລະ​ເມືອງ Vene-
zuela ​ມີ​ຄວາມ​ຢ້ານ​ກົວ ທີ່​ຈະຊົມ​ໃຊ້ສິດທິ ໃນສະ​ແດງ
ຄວາມ​ບໍ່ພໍ​ໃຈ​ຂອງ​ເຂົາ​ເຈົ້າ ອອກ​ມາຢ່າງ​ສັນຕິ​ນັ້ນ.

​ໃນ​ແລງ​ວັນ​ອາທິດ​ວານ​ນີ້ ປະທານາທິບໍດີ Nicolas Maduro ​ໄດ້ກ່າວ​ຫາສະຫະລັດ​
ວ່າ ໜຸນ​ຫຼັງ​ການ​ປະ​ທ້ວງ ​ຂອງ​ພວກ​ຝ່າຍ​ຄ້ານ ​ແລະ​ກ່າວ​ວ່າ ທ່ານ​ບໍ່ “​ຮັບເອົາ​ຄຳ​ສັ່ງ​ ​
ຈາກ​ຄົນໃດ​ໃນ​ໂລກ​.”

ຫຼັງ​ຈາກ​ມີ​ການ​ປະ​ທ້ວງ​ຕໍ່ຕ້ານ​ລັດຖະບານ​ມາ​ເປັນ​ເວລາ​ຫຼາຍ​ມື້ ທ່ານ​ມາ​ດູ​ໂຣ ​ໄດ້​ຈັດ​
ແຈງ​ໃຫ້​ມີການ​ເດີນ​ຂະ​ບວນປະ​ທ້ວງ​ຕອບ​ໂຕ້ຂຶ້ນແລະ​ໃຊ້​ການ​ຊຸມນຸມ​ປະ​ທ້ວງທີ່​ນິຍົມ
ຝ່າຍ​ ລັດຖະບານ ​ໃນ​ນະຄອນຫຼວງ Caracas ​ກ່າວ​ປະນາມ​ທ່ານ Lopez.

ພວກ​ເຈົ້າ​ໜ້າ​ທີ່​ ກຳລັງ​ຊອກ​ຫາ​ໂຕ​ທ່ານ Lopez ​ໃນ​ຂໍ້​ຫາ​ຈັດ​ຕັ້ງ​ການ​ປະ​ທ້ວງ​ຕໍ່ຕ້ານ
ລັດຖະບານ​ຂຶ້ນ ທີ່​ໄດ້​ກາຍ​ເປັນຄວາມ​ຮຸນ​ແຮງ​ຂຶ້ນ ທີ່​ພາ​ໃຫ້​ມີ 3 ຄົນ​ເສຍ​ຊີວິດ ໃນສັບ
ປະດາ​ແລ້ວ​ນີ້ ຮວມທັງ​ພວກ​ປະ​ທ້ວງ​ຝ່າຍ​ຄ້ານ 2 ຄົນ​.

ທ່ານ ມາ​ດູ​ໂຣ ​ເອີ້ນ​ທ່ານ Lopez ວ່າ ​“ຜູ້​ນິຍົມ​ລັດທິ fascist ​ແລະ​ເປັນ​ຄົນ​ຂີ້​ຂາດ​ຕາ
ຂາວ ​ໃນ​ວັນ​ເສົາ​ຜ່ານ​ມາ ​ແລະ​ຮຽກຮ້ອງ​ໃຫ້​ທ່ານ Lopez ​ເຂົ້າ​ມອບ​ໂຕ​ຕໍ່​ເຈົ້າ​ໜ້າ​ທີ່.