ປະທານາທິບໍດີ Hugo Chavez ແຫ່ງ Venezuela ກ່າວຄຳປາ ໄສຕໍ່ພວກສະ
ໜັບສະໜຸນຈຳນວນຫຼາຍພັນຄົນ ທີ່ຮ້ອງເຊຍທ່ານ ຢູ່ນອກລະບຽງທໍານຽບປະທາ
ນາທິບໍດີທີ່ນະຄອນກາຣາກາສໃນມື້ວານນີ້ ໃນເວລາບໍ່ເທົ່າໃດຊົ່ວໂມງຫຼັງຈາກທ່ານ
ເດີນທາງກັບຄືນປະເທດຈາກ ຄິວບາ ທີ່ທ່ານໄດ້ຮັບການຜ່າຕັດກ່ຽວກັບໂຣກມະ
ເຮັງນັ້ນ.
ປະທານາທິບໍດີ Chavez ໄດ້ເວົ້າເລື່ອງສຸຂະພາບຂອງທ່ານ ໃນລະຫວ່າງການກ່າວ
ປາໄສເປັນເວລາ 30 ນາທີໃນຕອນແລງວັນຈັນວານນີ້ ໂດຍກ່າວຕໍ່ປະຊາຊົນວ່າ ທ່ານ
ຈະຊະນະໃນການຕໍ່ສູ້ເພື່ອຊີວິດຂອງທ່ານ. ປະທານາທິບໍດີທີ່ໃສ່ຊຸດເຄືອງແບບສີຂຽວ
ທະຫານແລະໃສ່ງ່ອມສີແດງ ຍັງເວົ້າເຊ່ນກັນວ່າ ທ່ານຈະຕ້ອງທໍາການປິ່ນປົວສຸຂະ
ພາບຢ່າງເຂັ້ມງວດ.
ພວກສະໜັບສະໜຸນທ່ານຫລາຍຄົນພາກັນໂບກທຸງຊາດ Venezuela ຕະຫລອດ
ທັງປ້າຍຄໍາຂວັນຕ່າງໆທີ່ມີຮູບພາບຂອງທ່ານແລະຫລາຍຄັ້ງໄດ້ຖືກລົບກວນດ້ວຍສຽງ
ໂຮຮ້ອງສະໜັບສະໜຸນໃນລະຫວ່າງທ່ານກ່າວປາໄສຢູ່ນັ້ນ. ໃນຈຸດນຶ່ງ ລະຫວ່າງກ່າວ
ປາໄສນັ້ນ ປະທານາທິບໍດີໄດ້ຍົກຮູບໄມ້ກາງເຂນນ້ອຍໆອັນນຶ່ງຂຶ້ນແລະຈູບໄມ້ກາງ
ເຂນດັ່ງກ່າວ.
ການກັບຄືນສູ່ປະເທດຂອງຜູ້ນໍາເວເນຊູເອລາໃນທະວີບອາເມຣິກາໃຕ້ໃນຕອນເຊົ້າ
ມືດວັນຈັນວານນີ້ ມີຂຶ້ນໃນເວລາ 1 ມື້ກ່ອນປະເທດຈະສະເຫລີມສະຫລອງວັນເອ
ກະລາດຄົບຮອບ 200 ປີຈາກສະເປນ.
