ຜູ້ບັນຊາການກອງທັບຂອງເວເນຊູເອລາກ່າວວ່າ ປະທານາທິບໍດີ ຮູໂກ ຊາເວຊ ຍັງຄົງກໍາ ອໍານາດປົກຄອງປະເທດຢູ່ ຫລັງຈາກການຜ່າຕັດສອງຄັ້ງຢູ່ໃນຄິວບາ ໂຮມທັງການຜ່າຕັດ ເນື້ອງອກມະເຮັງອອກ.
ໃນວັນເສົາວານນີ້ ລັດຖະມົນຕີຕ່າງປະເທດຂອງທ່ານ Chavez ກ່າວວ່າ ການຜ່າຕັດ ມະເຮັງເທື່ອຫລ້າສຸດນີ້ ແມ່ນຢູ່ບ່ອນດຽວກັນກັບການຜ່າຕັດໃນເບື້ອງຕົ້ນ ເມື່ອສາມອາທິດ ຜ່ານມາ ຄືວັນທີ່ 10 ມິຖຸນາ ເພື່ອເອົາກະດູກ ງ່າມທີ່ເປັນໜອງອອກນັ້ນ.
ທ່ານ Nicolas Maduro ກ່າວວ່າ ການຜ່າຕັດທີ່ໃຊ້ເວລາຫົກຊົ່ວໂມງນັ້ນ ນັບວ່າອັນຕະ ລາຍສົມຄວນ ແລະວ່າ ນາຍແພດໄດ້ທໍາການກວດອະໄວຍະວະທັງໝົດຂອງຮ່າງກາຍ ຂອງທ່ານ Chavez ແລະພົບວ່າຢູ່ໃນສະພາບດີທຸກຢ່າງ.
ອົງການຂ່າວແຫ່ງລັດຂອງເວເນຊູເອລາ AVN ໄດ້ລົງພິມສີ່ຮູບພາບຂອງ ທ່ານ Chavez ເມື່ອວັນເສົາວານນີ້ ໂຮມທັງຮູບທີ່ທ່ານອອກຍ່າງຕາມປົກກະຕິ ເປັນເວລາ 10 ນາທີ ຢູ່ ນະຄອນຫລວງຮາວານາຂອງຄິວບາ ກັບ ລັດຖະມົນຕີຕ່າງປະເທດ Maduro ແລະເຈົ້າ ໜ້າທີ່ຄົນອື່ນໆ. ສ່ວນຮູບພາບອື່ນສະແດງໃຫ້ເຫັນ ທ່ານ Chavez ກັບລູກສາວສອງຄົນ ຂອງທ່ານ.
