ລິ້ງ ສຳຫລັບເຂົ້າຫາ

ວັນພະຫັດ, ໒໕ ເມສາ ໒໐໒໔

ອຸບປະທູດ Venezuela ປະຈໍາ Kenya ຖືກບີບຄໍຕາຍ


ຕໍາຫລວດເຄັນຢາຄົນນຶ່ງ ຢືນຍາມຢູ່ໜ້າບ້ານພັກຂອງອຸບປະທູດ ເວເນຊູເອລາ ທີ່ຄຸ້ມ Runda ໃນນະຄອນຫລວງ Nairobi, ວັນສຸກທີ 27 ກໍລະກົດ, 2012.
ຕໍາຫລວດເຄັນຢາຄົນນຶ່ງ ຢືນຍາມຢູ່ໜ້າບ້ານພັກຂອງອຸບປະທູດ ເວເນຊູເອລາ ທີ່ຄຸ້ມ Runda ໃນນະຄອນຫລວງ Nairobi, ວັນສຸກທີ 27 ກໍລະກົດ, 2012.

ເຈົ້າ​ໜ້າ​ທີ່​ຕໍາຫລວດ ​Kenya ກ່າວ​ວ່າ ຜູ້ວ່າການ​ແທນເອກ​ອັກ​ຄະ​ລັດຖະທູດ Venezuela
ປະ​ຈໍາ ​Kenya ​ໄດ້​ຖືກ​ພົບ​ເຫັນ​ ​ໃນ​ສະພາບ​ສິ້ນ​ຊີວິດ​ ຍ້ອນຖືກບີບ​ຄໍ ທີ່​ບ້ານ​ພັກ​ທາງ​ການ​
ຂອງ​ທ່ານ​ນາງ ໃນນະຄອນຫລວງ ​Nairobi.

​ໃນມື້​ວັນ​ສຸກວານ​ນີ້ ຫົວໜ້າ​ຕໍາຫລວດ​ ​Nairobi ທ່ານ Anthony Kibuchi ​ໄດ້​ຊີ້​ໂຕ​ຜູ້​ເຄາະ​
ຮ້າຍ​ວ່າ ​ແມ່ນ​ທ່ານ​ນາງ Olga Fonseca Gimenez ອຸບ​ປະ​ທູດ ​ແລະ​ວ່າການ​ແທນເອກ​
ອັກ​ຄະ​ລັດຖະທູດ​ ຂອງ Venezuela ປະ​ຈໍາ Kenya.

​ເຈົ້າ​ໜ້າ​ທີ່ Kenya ກ່າວ​ວ່າ ທ່ານ​ນາງ Fonseca ​ໄດ້​ເດີນ​ທາງ​ໄປເຖິ​ງ Nairobi ເມື່ອ​ວັນ​ທີ
15 ເດືອນກໍລະກົດ ​ເພື່ອ​ວ່າການ​ແທນ​ເອກ​ຄະ​ລັດຖະທູດ Gerardo Carillo-Silva.

ອົງການ​ຂ່າວ Associated Press ລາຍ​ງານ​ວ່າ ທ່ານ​ Carillo-Silva ໄດ້​ອອກ​ຈາກເຄັນຢາ
ໄປ ຫລັງ​ຈາກພະ​ນັກ​ງານ​ຜູ້​ຊາຍ​ສາມ​ຄົນ ພາກັນ​ຢື່ນໜັງສືຟ້ອງ​ແລະ​ຈົ່ມ​ທຸກ​ວ່າ ທ່ານທໍາການ
​ລວນ​ລາມ​ທາງ​ເພດ ຕໍ່ພວກ​ເຂົາ​ເຈົ້າ​.

ລາຍ​ງານ​ເວົ້າ​ວ່າ ທ່ານ​ນາງ Fonseca ​ໄດ້​ເຂົ້າ​ແຊກ​ແຊງ​ຫລາຍ​ຄັ້ງ​ຫລາຍ​ຫົນ ​ແລະຂູ່ຈະ​ໄຫລ່​
ພວກ​ພະນັກງານ​ເຫລົ່າ​ນັ້ນອອກ​ ຖ້າ​ຫາກ​ວ່າ​ບໍ່​ຖອນ​ການ​ຟ້ອງ​ຮ້ອງ.

​ເຈົ້າ​ໜ້າ​ທີ່​ຕໍາຫລວດ​ກໍາລັງ​ສືບ​ສວນ​ການ​ສັງຫານທ່ານ​ນາງ Fonseca ​ແຕ່​ບໍ່​ໄດ້​ກ່າວເຖິງສາ
​ເຫດ​ທີ່​ອາດ​ເປັນ​ໄປ​ໄດ້ ຂອງ​ການ​ສັງຫານ​ນັ້ນ.

XS
SM
MD
LG