ພະສັນຕະປາປາ Francis ທີ່ໄດ້ຮັບເລືອກໃໝ່ຊົງເລີ່ມຕົ້ນຕໍາແໜ່ງ ຜູ້ນຳຂອງສາສະໜາ ໂຣມັນຄາທໍລິກ ມື້ທໍາອິດຕະຫຼອດມື້ ໃນວັນພະຫັດມື້ນີ້.
ພະສັນຕະປາປາອົງໃໝ່ ຊຶ່ງເປັນຄົນອະເມຣິກາລາຕິນອົງທໍາອິດ ຊົງໃຊ້ເວລາສວດມົນເປັນເວລາສັ້ນໆທີ່ວັດແຫ່ງນຶ່ງໃນກຸງໂຣມ ທີ່ຮູ້ກັນໃນນາມ ວັດ Santa Maria Maggoire. ໃນເວລາຕໍ່ມາຂອງວັນດຽວກັນນີ້ ພະ ສັນຕະປາປາ Francis ກໍຊົງໄດ້ປະກອບພິທີທາງສາສະໜາສ່ວນຕົວ ທີ່ ວັດ Sistine ພ້ອມກັບພະ Cardinals ທັງ ຫຼາຍ ຊຶ່ງເປັນຜູ້ເລືອກເອົາພະອົງ ເມື່ອວັນພຸດວານນີ້.
ໃນບໍ່ດົນນີ້ ພະອົງຊົງມີແຜນການ ທີ່ຈະພົບກັບພະສັນຕະປາປາອົງກ່ອນ ຄືພະສັນຕະ ປາປາ Benedict ທີ່ໄດ້ຊົງລາອອກເມື່ອເດືອນຜ່ານມາແລະຊົງພໍານັກຢູ່ທີ່ບ້ານພັກລະ ດູຮ້ອນ ຂອງພະສັນຕະປານາ ທີ່ຕັ້ງຢູ່ນອກກຸງໂຣມ. ບັດນີ້ພະສັນຕະປາປາ Benedict ໄດ້ເປັນທີ່ຮູ້ກັນໃນນາມ ພະສັນຕະປາປາ ທີ່ປົດກະສຽນແລ້ວແຕ່ຍັງກຳຕຳແໜ່ງກິຕິມະສັກຢູ່ ຫຼື Pope Emeritus.
ພະສັນຕະປາປາ Francis ມີພະນາມກ່ອນນີ້ວ່າ Jorge Bergoglio ຈາກປະເທດ Argentina ເປັນນັກບວດຄະນະ Jesuit ຜູ້ທໍາອິດ ທີ່ໄດ້ຖືກເລືອກໃຫ້ເຂົ້າຮັບໃນຕໍາແໜ່ງນີ້ ແລະຊົງເປັນສັນຕະປາປາອົງທໍາອິດທີ່ມີພະນາມວ່າ Francis.
ບັນດາຜູ້ນໍາຈາກທົ່ວໂລກໄດ້ສົ່ງສານສະແດງຄວາມຍິນດີ ຕໍ່ພະສັນຕະປາ ປາອົງໃໝ່ ຜູ້ທີ່ຈະຊົງຖືກແຕ່ງຕັ້ງຢ່າງເປັນທາງການໃນວັນອັງຄານອາທິດໜ້ານີ້.
ພ້ອມນີ້ ປະທານາທິບໍດີ ບາຣັກ ໂອບາມາ ໄດ້ສະແດງຄວາມຊື່ນຊົມ ກັບ ການເລືອກເອົາພະສັນຕະປາປາອົງທໍາອິດຈາກຂົງເຂດອາເມຣິກາ ໂດຍກ່າວວ່າ ມັນເວົ້າເຖິງຄວາມເຂັ້ມແຂງ ແລະພະລັງໃຈຂອງຂົງເຂດ ທີ່ທ່ານໂອບາມາເວົ້າວ່າ ອັນເປັນການ ຫຼໍ່ຫຼອມໂລກເພີ່ມຂຶ້ນໄປເລື້ອຍໆ. ທ່ານໂອບາມາ ແມ່ນນຶ່ງໃນຜູ້ທໍາອິດທີ່ໄດ້ສະແດງຄວາມປາດຖະໜາດີຕໍ່ພະສັນຕະ ປາປາອົງໃໝ່ ທີ່ທ່ານໂອບາມາເອີ້ນວ່າ ແຊມປ້ຽນ ຂອງພວກຄົນທຸກຈົນ ແລະພວກຄົນທີ່ອ່ອນແອນັ້ນ.
ຮອງປະທານາທິບໍດີ ໂຈ ບາຍເດັນ ທີ່ນັບຖືສາສະໜາໂຣມັນ ຄາທໍລິກ ຈະນໍາພາຜູ້ຕາງ ໜ້າສະຫະລັດ ເພື່ອເຂົ້າຮ່ວມໃນພິທີສາບານຕົວເຂົ້າຮັບຕໍາແໜ່ງພະສັນຕະປາປາ ຫຼື Pope ທີ່ວາຕິກັນ ໃນວັນອັງຄານອາທິດໜ້ານີ້.
![ປະມວນພາບ ການເລືອກຕັ້ງເອົາ ພະສັນຕະປາປາ ອົງໃໝ່]()
Photo Gallery:
ພະສັນຕະປາປາອົງໃໝ່ ຊຶ່ງເປັນຄົນອະເມຣິກາລາຕິນອົງທໍາອິດ ຊົງໃຊ້ເວລາສວດມົນເປັນເວລາສັ້ນໆທີ່ວັດແຫ່ງນຶ່ງໃນກຸງໂຣມ ທີ່ຮູ້ກັນໃນນາມ ວັດ Santa Maria Maggoire. ໃນເວລາຕໍ່ມາຂອງວັນດຽວກັນນີ້ ພະ ສັນຕະປາປາ Francis ກໍຊົງໄດ້ປະກອບພິທີທາງສາສະໜາສ່ວນຕົວ ທີ່ ວັດ Sistine ພ້ອມກັບພະ Cardinals ທັງ ຫຼາຍ ຊຶ່ງເປັນຜູ້ເລືອກເອົາພະອົງ ເມື່ອວັນພຸດວານນີ້.
ໃນບໍ່ດົນນີ້ ພະອົງຊົງມີແຜນການ ທີ່ຈະພົບກັບພະສັນຕະປາປາອົງກ່ອນ ຄືພະສັນຕະ ປາປາ Benedict ທີ່ໄດ້ຊົງລາອອກເມື່ອເດືອນຜ່ານມາແລະຊົງພໍານັກຢູ່ທີ່ບ້ານພັກລະ ດູຮ້ອນ ຂອງພະສັນຕະປານາ ທີ່ຕັ້ງຢູ່ນອກກຸງໂຣມ. ບັດນີ້ພະສັນຕະປາປາ Benedict ໄດ້ເປັນທີ່ຮູ້ກັນໃນນາມ ພະສັນຕະປາປາ ທີ່ປົດກະສຽນແລ້ວແຕ່ຍັງກຳຕຳແໜ່ງກິຕິມະສັກຢູ່ ຫຼື Pope Emeritus.
ພະສັນຕະປາປາ Francis ມີພະນາມກ່ອນນີ້ວ່າ Jorge Bergoglio ຈາກປະເທດ Argentina ເປັນນັກບວດຄະນະ Jesuit ຜູ້ທໍາອິດ ທີ່ໄດ້ຖືກເລືອກໃຫ້ເຂົ້າຮັບໃນຕໍາແໜ່ງນີ້ ແລະຊົງເປັນສັນຕະປາປາອົງທໍາອິດທີ່ມີພະນາມວ່າ Francis.
ບັນດາຜູ້ນໍາຈາກທົ່ວໂລກໄດ້ສົ່ງສານສະແດງຄວາມຍິນດີ ຕໍ່ພະສັນຕະປາ ປາອົງໃໝ່ ຜູ້ທີ່ຈະຊົງຖືກແຕ່ງຕັ້ງຢ່າງເປັນທາງການໃນວັນອັງຄານອາທິດໜ້ານີ້.
ພ້ອມນີ້ ປະທານາທິບໍດີ ບາຣັກ ໂອບາມາ ໄດ້ສະແດງຄວາມຊື່ນຊົມ ກັບ ການເລືອກເອົາພະສັນຕະປາປາອົງທໍາອິດຈາກຂົງເຂດອາເມຣິກາ ໂດຍກ່າວວ່າ ມັນເວົ້າເຖິງຄວາມເຂັ້ມແຂງ ແລະພະລັງໃຈຂອງຂົງເຂດ ທີ່ທ່ານໂອບາມາເວົ້າວ່າ ອັນເປັນການ ຫຼໍ່ຫຼອມໂລກເພີ່ມຂຶ້ນໄປເລື້ອຍໆ. ທ່ານໂອບາມາ ແມ່ນນຶ່ງໃນຜູ້ທໍາອິດທີ່ໄດ້ສະແດງຄວາມປາດຖະໜາດີຕໍ່ພະສັນຕະ ປາປາອົງໃໝ່ ທີ່ທ່ານໂອບາມາເອີ້ນວ່າ ແຊມປ້ຽນ ຂອງພວກຄົນທຸກຈົນ ແລະພວກຄົນທີ່ອ່ອນແອນັ້ນ.
ຮອງປະທານາທິບໍດີ ໂຈ ບາຍເດັນ ທີ່ນັບຖືສາສະໜາໂຣມັນ ຄາທໍລິກ ຈະນໍາພາຜູ້ຕາງ ໜ້າສະຫະລັດ ເພື່ອເຂົ້າຮ່ວມໃນພິທີສາບານຕົວເຂົ້າຮັບຕໍາແໜ່ງພະສັນຕະປາປາ ຫຼື Pope ທີ່ວາຕິກັນ ໃນວັນອັງຄານອາທິດໜ້ານີ້.
ປະມວນພາບ ການເລືອກຕັ້ງເອົາ ພະສັນຕະປາປາ ອົງໃໝ່
Pope Francis has started his first full day as head of the Roman Catholic Church.
