ການສັນຈອນທາງອາກາດໃນທົ່ວຢູໂຣບ ຍັງຖືກລົບກວນຢ່າງຮ້າຍແຮງ ຢູ່ຕໍ່ມາ ເປັນມື້ທີ່ 4 ໃນວັນອາທິດນີ້ ຍ້ອນວ່າຂີ້ເຖົ່າທີ່ພູໄຟໃນປະເທດ ເກາະໄອສະແລນ ພົ່ນຂື້ນສູ່ອາກາດເປັນເຝື້ອທີ່ໜາແໜ້ນນັ້ນ ຍັງໄຫລ ໄປປົກຄຸມຢູ່ໃນທົ່ວຜືນແຜ່ນດິນໃຫຍ່ຢູໂຣບ.
ອົງການຈະລາຈອນທາງອາກາດຂອງສະຫະພາບຢູໂຣບກ່າວວ່າ ທິດ ທາງປິວຂອງລົມ ສໍ່ສະແດງວ່າ ພູໄຟລະເບີດຄັ້ງນີ້ຍັງຈະສືບຕໍ່ມີຜົນກະ ທົບຕໍ່ການບິນຢູ່ໃນທົ່ວໂລກ ໃນອີກຫລາຍມື້ຂ້າງໜ້າ.
ຖ້ຽວບິນຈາກທົ່ວຢູໂຣບໄດ້ຖືກລົບລ້າງແລະຕັດລົງມາ ເຫລືອພຽງນຶ່ງ ສ່ວນສີ່ຂອງຈຳນວນຖ້ຽວບິນຕາມປົກກະຕິໃນວັນເສົາວານນີ້ ສົ່ງຜົນກະ ທົບຕໍ່ຜູ້ໂດຍສານຫລາຍແສນຄົນໃນທົ່ວໂລກ ແລະເຮັດໃຫ້ພວກສາຍການບິນທັງຫລາຍເສຍເງິນ ໄປຫລາຍຮ້ອຍລ້ານດອລລ່າໃນແຕ່ລະມື້. ພວກຄົນເດີນທາງພາກັນລຸຫລັ່ງ ໄປອັດແອແຫຍ້ກັນ ຂີ່ລົດໄຟ ລົດເມ ກຳປັ່ນຂ້າມຟາກ ແລະລົດແທັກຊີ້ ເພື່ອໃຫ້ເດີນທາງໄປຮອດຈຸດໝາຍ ປາຍທາງຂອງເຂົາເຈົ້າ. ພວກບໍລິສັດລົດແທັກຊີ້ເວົ້າວ່າ ເຂົ້າເຈົ້າໄດ້ຮັບ ເງິນຄ່າຈ້າງຫລາຍພັນດອລລ່າ ເພື່ອໃຫ້ຂັບພາຜູ້ໂດຍສານເດີນທາງຂ້າມຢູໂຣບ.
