ກະເທີຍໄທຄູ່ນຶ່ງສະເຫຼີມສະຫຼອງວັນວາເລັນທາຍ ຫລືວັນແຫ່ງຄວາມຮັກ ດ້ວຍການຈູບ
ກັນເປັນເວລາສອງມື້. ການຈູບກັນເປັນເວລາ 50 ຊົ່ວໂມງ 25 ນາທີ ກັບນຶ່ງວິນາທີດັ່ງ
ກ່າວນີ້ ແມ່ນເປັນສະຖະຕິໃໝ່ຂອງໂລກ.
ຊາຍທັງສອງເຂົ້າປະກອບສ່ວນໃນລາຍການປະຈໍາປີ ເຊື່ອຫລືບໍ່ ຂອງ Ripley ຄືເປັນ
ລາຍການການແຂ່ງຂັນຈູບກັນທີ່ດົນນານທີ່ສຸດ ທີ່ເມືອງຕາກອາກາດພັດທະຍາ ປະເທດ
ໄທ. ອີກເຈັດຄູ່ທີ່ຮ່ວມແຂ່ງຂັນ ໄດ້ເລິ່ມຈູບກັນເມື່ອວັນອາທິດຜ່ານມາ ແລະສົບຈະຕ້ອງ
ຕິດກັນຕະຫລອດ ເວລາ ໂຮມທັງເວລາກິນ ເວລາດື່ມ ແລະເວລາໄປຫ້ອງນໍ້າ.
ນາຍ ນົນທະວັດ ຈະໂຣກິນະສົມສິນ ອາຍຸ 31 ປີ ແລະນາຍ ທະນະກອນ ສິດທຽມທອງ
ອາຍຸ 28 ປີ ຊະນະແຂ່ງຂັນ ການຈູບລາງວັນທີ່ນຶ່ງ ຊຶ່ງມີຮວມທັງແຫວນເພັດ ເງິນສົດ
ແລະບັດຄ່າໂຮງແຮມລະດັບຫ້າດາວ ມູນຄ່າ 6,500 ໂດລາ.
ເມື່ອປີຜ່ານມາ ຜູ້ຊະນະທີ່ນຶ່ງ ໄດ້ແກ່ ນາງ ລັກຄະນາ ທີຣະນະຣັດ ກັບ ສາມີຂອງນາງ
ທີ່ຈູບກັນດົນ 46 ຊົ່ວໂມງ 24 ນາທີກັບ 9 ວິນາທີ. ນາງ ທີຣະນະຣັດ ກ່າວວ່າພວກເຂົາ
ເຈົ້າບໍ່ເຂົ້າແຂ່ງໃນປີນີ້ ຍ້ອນເຫັນແກ່ຄວາມຮັກ
ເບິ່ງສະໄລດ໌ ກ່ຽວກັບວັນແຫ່ງຄວາມຮັກ