ລັດຖະມົນຕີລາວຢືນຢັນວ່າ ຈະຈັດຕັ້ງປະຕິບັດວຽກງານໃນ 5 ດ້ານ ທີ່ກ່ຽວກັບຜົນ
ກະທົບທີ່ຕົກຄ້າງຢູ່ລາວ ໂດຍແນໃສ່ຫລຸດຈໍານວນຜູ້ໄດ້ຮັບເຄາະຮ້າຍລົງໃຫ້ຕໍ່າ
ກວ່າ 40 ຄົນໃນປີ 2020.
ທ່ານຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະສະຫວັດດີການສັງຄົມ
ຢືນໃນການຈັດຕັ້ງແຜນການເກັບກູ້ລະເບີດ ແລະຜົນກະທົບຈາກລະເບີດບໍ່ທັນແຕກ
ຫລື UXO ທີ່ຕົກຄ້າງຢູ່ລາວ ໃນປັດຈຸບັນ ໄປເຖິງປີ 2020 ລັດຖະບານລາວໄດ້ກໍານົດ
ໜ້າວຽກໄວ້ໃນ 5 ດ້ານດ້ວຍກັນ ໂດຍນອກຈາກຈະແນໃສ່ການສໍາຫລວດ ແລະເກັບ
ກູ້UXO ໃນເນື້ອທີ່ເປົ້າໝາຍໄດ້ຕາມແຜນການທີ່ວາງເອົາໄວ້ແລ້ວ ກໍຍັງແນໃສ່ຫລຸດ
ຜ່ອນຜົນກະທົບຕໍ່ປະຊາຊົນລາວອີກດ້ວຍດັ່ງທີ່ທ່ານໄດ້ຖະແຫລງ ຢືນຢັນວ່າ:
“ໃນຊຸມປີຕໍ່ໜ້ານີ້ ພວກເຮົາກໍຈະຕ້ອງໄດ້ສຸມໃສ່ຈັດຕັ້ງປະຕິບັດຄາດໝາຍວຽກງານ
ແກ້ໄຂບັນຫາ ລະເບີດບໍ່ທັນແຕກ ດັ່ງຕໍ່ໄປນີ້. 1. ການສໍາຫລວດທີ່ບໍ່ແມ່ນທາງດ້ານ
ວິຊາການ ຢູ່ 3,860 ບ້ານທີ່ມີຂໍ້ມູນການຖິ້ມລະເບີດເພື່ອຊອກຫາຫລັກຖານລະ
ເບີດບໍ່ທັນແຕກ. 2. ການສໍາຫລວດທາງດ້ານວິຊາການເພື່ອຊອກຫາຫລັກຖານລະ
ເບີດບໍ່ທັນແຕກ. 3. ດໍາເນີນການເກັບກູ້ລະເບີດບໍ່ທັນແຕກຕາມບໍລິມະສິດຈຸດສຸມ
ຂອງການພັດທະນາ. 4. ສືບຕໍ່ດໍາເນີນການໂຄສະນາເຖິງທີ່ມາແລະຜົນຮ້າຍຂອງ
ລະເບີດບໍ່ທັນແຕກ ແນໃສ່ຫລຸດຈໍານວນຜູ້ໄດ້ຮັບເຄາະຮ້າຍລົງ ໃຫ້ຕໍ່າກວ່າ 40
ຄົນຕໍ່ປີ. 5. ສືບຕໍ່ຊ່ວຍເຫລືອຜູ້ໄດ້ຮັບເຄາະຮ້າຍ ຈາກລະເບີດບໍ່ທັນແຕກໃນດ້ານ
ການປິ່ນປົວ ແລະປະກອບອາຊີບໃຫ້ໄດ້ 1,500 ຄົນ.”
ສໍາລັບປີ 2017 ນີ້ ຄະນະກຳມະການຄຸ້ມຄອງແຫ່ງຊາດເພື່ອແກ້ໄຂບັນຫາລະເບີດ
ບໍ່ທັນແຕກທີ່ຕົກຄ້າງຢູ່ໃນ ສປປ ລາວ ລາຍງານວ່າ ເປົ້າໝາຍການເກັບກູ້ລະເບີດບໍ່
ທັນແຕກ UXO ໃຫ້ໄດ້ໃນພື້ນທີ່ 4,500 ເຮັກຕາແລະສືບຕໍ່ໃຫ້ການຊ່ວຍເຫຼືອຜູ້ຖືກ
ເຄາະຮ້າຍຈາກ UXO ໃນດ້ານການປິ່ນປົວ, ການຟື້ນຟູສຸຂະພາບ ແລະປະກອບອາ
ຊີບໃຫ້ເຂົ້າເຈົ້າ ພ້ອມທັງການໂຄສະນາເຜີຍແຜ່ຜົນຮ້າຍຂອງ UXO ແນໃສ່ຫຼຸດຈຳ
ນວນຜູ້ບາດເຈັບ ຫຼື ເສຍຊີວິດໃຫ້ໄດ້ຕໍ່າກວ່າ 50 ຄົນ.
ທາງດ້ານທ່ານ ພູຂຽວ ຈັນທະສົມບູນ ຫົວໜ້າຫ້ອງການຄະນະກຳມະການຄຸ້ມຄອງ
ແຫ່ງແຕກທີ່ຕົກຄ້າງຢູ່ໃນ ລາວ ໄດ້ສະແດງຄວາມເຊື່ອໝັ້ນວ່າຈະສາມາດຈັດຕັ້ງ ປະຕິບັດເພື່ອໃຫ້ບັນລຸເປົ້າໝາຍດັ່ງກ່າວຢ່າງ ເປັນຮູບປະທຳໂດຍຈະສືບຕໍ່ສຳຫຼວດ
ແບບບໍ່ແມ່ນວິຊາການໃຫ້ໄດ້ໃນພື້ນທີ່ 950 ບ້ານເພື່ອຊອກຫາຂອງ UXO ແລະ ສຳຫຼວດແບບວິຊາການໃຫ້ໄດ້ໃນເຂດ 338 ບ້ານເພື່ອແລະ ເກັບກູ້ UXO ອອກ ຈາກເຂດທີ່ຢູ່ອາໄສ ແລະທີ່ທຳກິນຂອງປະຊາຊົນສ່ວນການຊ່ວຍເຫຼືອຜູ້ຖືກເຄາະ ຮ້າຍນັ້ນກໍຈັດຕັ້ງປະຕິບັດໄດ້ດີສົມຄວນ
ທາງການລາວ ໄດ້ສຳຫຼວດ ແລະ ເກັບກູ້ UXO ນັບຕັ້ງແຕ່ປີ 1997 ເປັນຕົ້ນມາ ໂດຍ
ມາຮອດປະຈຸບັນນີ້ກໍປາກົດວ່າ ສາມາດເກັບກູ້ UXO ໄດ້ໃນພື້ນທີ່ລວມ 29,701 ເຮັກ
ຕາ ໂດຍໃນນີ້ແບ່ງເປັນດິນກະສິກຳ 18,541 ເຮັກຕາ, ດິນພັດທະນາ 11,160 ເຮັກຕາ
ແລະ ທຳລາຍ UXO ໄດ້ 552,968 ໜ່ວຍ ໃນນີ້ກໍລວມເຖິງລະເບີດລູກຫວ່ານ
259,421 ໜ່ວຍ, ລະເບີດຂະໜາດໃຫຍ່ 1,489 ໜ່ວຍ ແລະລະເບີດຊະນິດຕ່າງໆ
ດ້ວຍ.
ທາງດ້ານທ່ານນາງ ເຣນາ ບິດເທີ (Ms. Rena Bitter) ເອກອັກຄະລັດຖະທູດ ສະຫະລັດປະຈຳນະຄອນຫຼວງວຽງຈັນ ໄດ້ຢືນຢັນວ່າ ລັດຖະບານສະຫະລັດ ຈະ
ຮັກ ສາຄຳໝັ້ນສັນຍາກ່ຽວກັບ ການໃຫ້ການຊ່ວຍເຫຼືອແກ່ ລາວ ທີ່ໄດ້ຕົກລົງໃນ
ໂອກາດທີ່ທ່ານ ບາຣັກ ໂອບາມາ ປະທານາທິບໍດີ ສະຫະລັດ ຄົນກ່ອນໄດ້ເດີນ
ທາງມາຢ້ຽມຢາມ ສປປ ລາວ ຢ່າງເປັນທາງການ ແລະເຂົ້າຮ່ວມກອງປະຊຸມສຸດ
ຍອດ ອາຊຽນ ທີ່ນະຄອນຫຼວງວຽງຈັນໃນເດືອນກັນຍາຊຶ່ງທ່ານ ໂອບາມາ ໄດ້ປະ ກາດໃຫ້ການຊ່ວຍເຫຼືອແກ່ລັດຖະບານລາວ ໃນມູນຄ່າລວມ 90 ລ້ານໂດລາເພື່ອ ການພັດທະນາຢ່າງຮອບດ້ານ ຊຶ່ງລວມເຖິງການເກັບກູ້ UXO ແລະການຊ່ວຍເຫຼືອ ຜູ້ຖືກເຄາະຮ້າຍຈາກ UXO ດ້ວຍ.
ໂດຍທາງການ ສະຫະລັດ ໄດ້ເພີ່ມການຊ່ວຍເຫຼືອສຳລັບການເກັບກູ້ UXO ໃນລາວ
ເປັນ 13 ລ້ານໂດລາຕໍ່ປີນັບຈາກປີ 2015 ເປັນຕົ້ນມາ. ທັງຍັງໄດ້ສົມທົບທຶນໃນມູນ
ຄ່າ 2 ລ້ານໂດລາໃນກຸ່ມທີ່ປຶກສາເພື່ອການເກັບກູ້ລະເບີດໃນ ລາວ ຫຼື MAG ເພື່ອ
ນຳໃຊ້ໃນການເກັບກູ້ UXO ຢູ່ແຂວງຊຽງຂວາງ ອັນຖືເປັນພາກສ່ວນໜຶ່ງຂອງໂຄງ
ການທີ່ທາງການ ສະຫະລັດ ໄດ້ລິເລີ່ມຂຶ້ນໃໝ່ ເພື່ອໃຫ້ການຊ່ວຍເຫຼືອແກ່ປະຊາຊົນ
ລາວ ທີ່ໄດ້ຮັບຜົນກະທົບຈາກ UXO ອີກດ້ວຍ.
