ວັນອັງຄານມື້ນີ້ ບໍ່ມີຖານະ “ພິເສດຫຼື super” ຄືກັນກັບວັນອັງ
ຄານອື່ນໆໃນເດືອນນີ້ ແຕ່ວ່າພັກຣີພັບບລິກັນຈະຕິດຕາມສິ້ງ
ຊອມເບິ່ງຢ່າງໃກ້ຊິດ ໃນການເລືອກຕັ້ງຂັ້ນຕົ້ນຢູ່ໃນລັດ Utah
ບ່ອນແຂ່ງຂັນຫລ້າສຸດ ໃນຄວາມພະຍາຍາມສະເໜີແຕ່ງຕັ້ງຜູ້
ໃດຜູ້ໜຶ່ງ ນອກເໜືອໄປຈາກຜູ້ມີຄະແນນສຽງນຳໜ້າຂອງພັກ
ທ່ານ Donald Trump.
ລັດ Utah ແມ່ນກ່ຽວກັບຕົວເລກຂອງຜູ້ຕາງໜ້າທັງໝົດ ໃນ
ຂະນະທີ່ທ່ານ Trump ພະຍາຍາມຫຍັບໃກ້ເຂົ້າໄປຕື່ມ ເພື່ອ
ໃຫ້ໄດ້ຮັບຜູ້ຕາງໜ້າ 1,237ຄົນ ທີ່ທ່ານຕ້ອງການຈະໄດ້ຮັບ
ການສະເໜີແຕ່ງຕັ້ງ ກ່ອນກອງປະຊຸມໃຫຍ່ພັກຣີພັລລິກັນ ໃນ
ເດືອນກໍລະກົດຈະມາເຖິງນີ້. ບັນດາພວກຄັດຄ້ານຕໍ່ທ່ານ ຕ້ອງການຢາກໃຫ້ທ່ານ ໄດ້ຮັບຜູ້ຕາງໜ້າຕ່ຳກວ່າໂຕເລກດັ່ງກ່າວແລະໃຫ້ກອງປະຊຸມໃຫຍ່ເປັນຜູ້ປ່ອນບັດເລືອກເອົາແທນ.
ສະມາຊິກສະພາສູງ ທ່ານ Ted Cruz ໄດ້ເປັນຜູ້ມີຄະແນນນຳໜ້າຫຼາຍທີ່ສຸດໃນການ
ຢັ່ງສຽງຢູ່ລັດ Utah ຫວ່າງມໍ່ໆມານີ້ ແຕ່ວ່າຜູ້ສະໝັກຕ້ອງການຊະນະ ການລົງຄະແນນ
ສຽງ ກາຍສຽງສ່ວນຫຼາຍ ຈຶ່ງຈະໄດ້ຮັບຜູ້ຕາງໜ້າຂອງພັກທັງ ໝົດ 40 ຄົນຂອງລັດດັ່ງ
ກ່າວ. ຖ້າໄດ້ຮັບຄະແນນສຽງ ໜ້ອຍກວ່າສຽງສ່ວນຫຼາຍແລ້ວ ແລະບັນດາຜູ້ຕາງໜ້າ
ຈະໄດ້ຖືກແບ່ງປັນກັນຕາມຈຳນວນອັດຕາທີ່ ຄະແນນທີ່ຜູ້ສະໝັກໄດ້ຮັບ ຮວມທັງຈຳ
ນວນໜຶ່ງໄປເປັນຂອງທ່ານ Trump.
ຜູ້ທີ່ຖືກສະເໜີແຕ່ງໃນປີ 2008 ຂອງພັກຣີພັບບລີກັນ ທ່ານ Mitt Romeny ກ່າວວ່າ
ທ່ານຈະປ່ອນບັດເອົາທ່ານ Cruz ໃນວັນອັງຄານມື້ນີ້ ແລະຮຽກຮ້ອງໃຫ້ຄົນອຶ່ນໆເຮັດ
ເຊັ່ນດຽວກັນ ໂດຍຮຽກຮ້ອງໃຫ້ສະໜັບສະໜູນທ່ານ Cruz ທີ່ເປັນຊ່ອງທາງດຽວ ໄປສູ່
ການເປີດກວ້າງກອງປະຊຸມໃຫຍ່ຂອງພັກ ແລະຢຸດຢັ້ງທ່ານ Trump. ໃນອາທິດແລ້ວນີ້
ທ່ານ Romney ໄດ້ສະເໜີໃຫ້ທ່ານ John Kasich ກ່ອນທີ່ຜູ້ປົກຄອງລັດ Ohio ໄດ້
ຊະນະການເລືອກຕັ້ງຂັ້ນຕົ້ນຢູ່ໃນລັດຂອງທ່ານ ຊຶ່ງໄດ້ປະຕິເສດບໍ່ໃຫ້ທ່ານ Trump ໄດ້
ຮັບຜູ້ຕາງໜ້າທັງໝົດຂອງລັດດັ່ງກ່າວ.
ແຕ່ວ່າໃນອາທິດແລ້ວນີ້ ການຢັ່ງຫາງສຽງຂອງອົງການ Y2 ສະແດງໃຫ້ເຫັນວ່າ ທ່ານ Cruz ໄດ້ຄະແນນສຽງກາຍຫ້າສິບເປີເຊັນພຽງເລັກນ້ອຍຄືມີແຕ່ 53ເປີເຊັນເທົ່ານັ້ນ
ທ່ານ Romney ກ່າວວ່າ ການປ່ອນບັດເອົາທ່ານ Kasich“ແມ່ນການລົງຄະແນນສຽງ
ໃຫ້ແກ່ທ່ານ Donald Trump.”
ນອກນັນ ພັກຣີພັບບລິກກັນຍັງແຂ່ງຂັນກັນ ຊຶ່ງຜູ້ຊະນະຈະໄດ້ຮັບຄະແນນທັງໝົດ ໃນ
ເລືອກຕັ້ງຂັ້ນຕົ້ນ ຢູ່ລັດ Arizona ຊຶ່ງມີຜູ້ຕາງໜ້າທັງໝົດ 58 ຄົນ. ການຢັ່ງສຽງສະແດງ
ໃຫ້ທ່ານວ່າ ທ່ານ Trump ນຳໜ້າຢ່າງໜ້ອຍ 10 ຢູ່ທີ່ນັ້ນ. ຫລັງຈາກວັນອັງຄານມື້ນີ້ແລ້ວ
ພັກຣີພັບບລິກັນມີການຄັດເລືອກຂັ້ນຕົ້ນຢູ່ພຽງແຕ່ໃນລັດດຽວ ຄືລັດ Wisconsin ກ່ອນ
ວັນທີ 19 ເດືອນເມສານີ້.
ສຳລັບການແຂ່ງຂັນຂອງພັກເດໂມແຄຣັດນັ້ນ ອະດີດລັດຖະມົນຕີຕ່າງປະເທດ ທ່ານນາງ
Hillary Clinton ຄາດວ່າຈະໄດ້ຊະນະຢ່າງງ່າຍດາຍໃນວັນອັງຄານມື້ນີ້ທີ່ລັດ Arizona.
ຄູ່ແຂ່ງຂອງທ່ານນາງ ສະມາຊິກສະພາສູງລັດ Vermont ທ່ານ Bernie Sanders ໄດ້
ເປັນທີ່ນິຍົມສູງກວ່່າທ່ານນາງໜ້ອຍໜຶ່ງຢູ່ໃນການເລືອກຕັ້ງຂັ້ນຕົ້ນທີ່ລັດ Utah ແລະ
ການປະຊຸມປ່ອນບັດຢູ່ລັດ Idaho.
