ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອາເມຣິກາສະຫລອງວັນເກີດ ມື້ລາງ Martin Luther King Jr.


ທ່ານ Martin Luther King Jr ມື້ລາງຜູ້ຕໍ່ສູ້ເພື່ອສິດທິ ພົນລະເມືອງ
ທີ່ໄດ້ຖືກລອບສັງຫານ ໃນປີ 1968.
ທ່ານ Martin Luther King Jr ມື້ລາງຜູ້ຕໍ່ສູ້ເພື່ອສິດທິ ພົນລະເມືອງ ທີ່ໄດ້ຖືກລອບສັງຫານ ໃນປີ 1968.


















ທ່ານ​ບາຣັກ​ໂອ​ບາ​ມາ ປະທານາທິບໍດີ​ສະຫະລັດ​ ກໍານົດ​ຈະ​ໃຫ້​ກຽດ​ແກ່​ມື້​ລາງທ່ານ
Martin Luther King Jr ​ໃນ​ມື້​ນີ້ ຊຶ່ງ​ເປັນ​ວັນພັກ​ປະ​ຈໍາປີ​ແຫ່ງ​ຊາດເພື່ອ​ສະຫລອງ
ວັນ​ເກີດ​ຂອງ​ມື້​ລາງ​ຜູ້​ນໍາ​ໃນ​ການ​ຕໍ່ສູ້​ ເພື່ອສິດທິ​ພົນລະ​ເມືອງ​ ທີ່​ໄດ້​ຖືກ​ລອບ​ສັງຫານນັ້ນ.

ທ່ານ​ໂອ​ບາ​ມາ ພ້ອມ​ດ້ວຍ​ພັນ​ລະ​ຍາ ທ່ານ​ນາງ Michelle ມີ​ໝາຍ​ກໍານົດ​ຈະໄປ​ຮ່ວມ​ພິ
ທີນຶ່ງ ​ໃນ​ວັນ​ຈັນ​ມື້​ນີ້​ທີ່​ກຸງ​ວໍ​ຊິງ​ຕັນ. ​ໃນ​ຂະນະ​ດຽວ​ກັນ ​ພວກ​ສະມາຊິກ​ຂອງ​ຄະນະ​ລັດ
ຖະບານ​ຂອງ​ທ່ານ ກໍຈະ​ໄປ​ຮ່ວມ​ໃນ​ພິທີຕ່າງໆ​ໃນ​ທົ່ວ​ປະ​ເທດ.

ທ່ານ Martin Luther King Jr ​ຊຶ່ງ​ເປັນ​ນັກບວດ​ສາສະໜາ​ຄຣິສນິກາຍ Baptist ​ໄດ້​ເປັນ​ຜູ້​ນໍາພາ​ໃນ​ການຕໍ່ສູ້ຕ້ານ​ການແບ່ງ​ແຍກ​ເຊື້ອ​ຊາດ​ຜີວພັນ​ໃນ​ຊຸມ​ປີ 1950 ​ແລະ 60 ​ໂດຍ​ສ່ວນ​ໃຫຍ່​ແມ່ນ​ຢູ່​ໃນ​ພາກ​ໃຕ້​ຂອງ​ສະຫະລັດ​.

ທ່ານ​ໄດ້​ຮັບ​ຊື່​ສຽງ​ໂດ່​ງດັງ​ຂຶ້ນມາ ຫລັງ​ຈາກ​ນໍາພາ​ການ​ປະ​ທ້ວງ​ທີ່​ໄດ້​ຮັບ​ຜົນ​ສໍາ​ເລັດຕໍ່ຕ້ານ​ການ​ແບ່ງ​ແຍກ​ບໍ່​ໃຫ້​ຄົນ​ຜິວ​ດໍາ​ຂີ່​ລົດ​ເມ​ຄັນ​ດຽວ​ກັນ​ກັບ​ຄົນ​ຜິວ​ຂາວ ໃນ​ເມືອງ Montgomery
ຂອງ​ລັດ Alabama.

ໃນ​ປີ 1964 ສະຫະລັດ​ໄດ້​ຮັບ​ຜ່ານ​ຮ່າງ​ກົດໝາຍ​ວ່າ​ດ້ວຍ​ສິດທິ​ພົນລະ​ເມືອງຄັ້ງ​ປະ​ວັດ​ສາດ ​ເພື່ອ​ເຮັດ​ໃຫ້ການ​ແບ່ງ​ແຍກ​ດັ່ງກ່າວ​ເປັນ​ການ​ກະທໍາທີ່​ຜິດ​ກົດໝາຍ​. ທ່ານ King ​ໄດ້​ຮັບ​ລາງວັນ​ໂນ​ແບນ​ຂະ​ແໜງ​ສັນຕິພາບ​ໃນ​ປີ​ດຽວ​ກັນນັ້ນ.

ທ່ານ​ໄດ້​ຖືກ​ລອບ​ສັງຫານ​ໃນ​ວັນ​ທີ 4 ​ເມສາ ປີ 1968 ທີ່​ເມືອງ Memphis ລັດ Tennessee.

XS
SM
MD
LG