ຖະແຫລງການຮ່ວມລະຫວ່າງສະຫະລັດ ກັບ ສປປ ລາວ ໃນໂອກາດການມາຢ້ຽມຢາມຂອງຮອງນາຍົກລັດຖະມົນຕີລາວ ມີເນື້ອໃນດັ່ງຕໍ່ໄປນີ້:
ໃນໂອກາດຄົບຮອບ 55 ປີ ແຫ່ງສາຍພົວພັນທາງການທູດສອງຝ່າຍນີ້ ທ່ານນາງ Hillary Rodham Clinton ລັດຖະມຸນຕີການຕ່າງປະເທດສະຫະລັດ ແລະທ່ານ ດຣ ທອງລຸນ ສີສຸລິດ ຮອງນາຍົກລັດຖະມຸນຕີແລະລັດຖະມຸນຕີການຕ່າງປະເທດລາວ ໄດ້ພົບປະກັນໃນວັນອັງຄານວານນີ້ ເພື່ອທຳການໂອ້ລົມສົນທະນາກັນຢ່າງຈິງໃຈແລະມີໝາກຜົນກ່ຽວກັບຜົນປະໂຫຍດຮ່ວມກັນໃນຂົງເຂດເອເຊຍຕາເວັນອອກສຽງໃຕ້ ແລະກ່ຽວກັບພາກສ່ວນຕ່າງໆຂອງການຮ່ວມໄມ້ຮ່ວມມືກັນລະຫວ່າງ ສອງຝ່າຍ ທີ່ນັບມື້ນັບຂະຫຍາຍໂຕກ້ວາງອອກນັ້ນ.
ສະຫະລັດແລະລາວສືບຕໍ່ການຮ່ວມໄມ້ຮ່ວມມືກັນທີ່ມີມາຢາງດົນນານໃນການຊອກຄົ້ນຫາຊາວອະເມຣິກັນ ທີ່ຫາຍສາບສູນໄປຕັ້ງແຕ່ປາງສົງ ຄາມອິນໂດຈີນ ແລະການເກັບກູ້ລະເບີດທີ່ຍັງບໍ່ທັນແຕກທີ່ຫລົງເຫລືອມາຕັ້ງແຕ່ປາງສົງຄາມ ແລະການຕໍ່ສູ້ຕ້ານການຕິດຢາເສບຕິດແລະ ການລັກລອບຄ້າຢາເສບຕິດທີ່ຜິດກົດໝາຍ. ໂດຍຫລ້າສຸດນັ້ນ ທັງ ສອງປະເທດໄດ້ດຳເນີນງານຮ່ວມກັນຢ່າງໃກ້ຊິດ ເພື່ອປ້ອງກັນການໂຜ່ໂຕຂຶ້ນມາຂອງໂຣກລະບາດຕ່າງໆ ແລະສືບຕໍ່ເສີມຂະຫຍາຍການຮ່ວມ ມືລະຫວ່າງທະຫານແລະທະຫານຂຶ້ນເທື່ອລະກ້າວ ລຸນຫລັງໄດ້ມີການ ແລກປ່ຽນອຸປະທູດທະຫານກັນ. ລັດຖະມຸນຕີການຕ່າງປະເທດຄລິນ ຕັນ ແລະຮອງນາຍົກລັດຖະມຸນຕີທອງລຸນ ໄດ້ສະແດງຄວາມຍິນດີນຳ ການລົງນາມໃນຂໍ້ຕົກລົງວ່າດ້ວຍການຂົນສົ່ງທາງອາກາດລະຫວ່າງ ລັດຖະບານສະຫະລັດອະເມຣິກາ ແລະລັດຖະບານສາທາລະນະລັດປະ ຊາທິປະໄຕປະຊາຊົນລາວ ທ່ີຈະອຳນວຍໃຫ້ມີການແລກປ່ຽນໃນດ້ານ ການຄ້າ ແລະການທ່ອງທ່ຽວລະຫວ່າງກັນຫລາຍຂຶ້ນ. ນອກນັ້ນ ພວກທ່ານທັງສອງຍັງໄດ້ໂອ້ລົມສົນທະນາກັນເລື້ອງໂອກາດຕ່າງໆ ເພື່ອຂະ ຫຍາຍບົດບາດຂອງອົງການພັດທະນາລະຫວ່າງຊາດຂອງສະຫະລັດຂຶ້ນຢູ່ໃນ ສປປ ລາວ ນັ້ນ.
ລັດຖະມຸນຕີການຕ່າງປະເທດຄລິນຕັນແລະຮອງນາຍົກລັດຖະມຸນຕີ ທອງລຸນຕ່າງກໍໄດ້ກ່າວເນ້ນວ່າ ການແລກປ່ຽນແລະການຮ່ວມໄມ້ຮ່ວມມືກັນທີ່ເພີ່ມທະວີຂື້ນນັບມື້ ລະຫວ່າງສະຫະລັດອະເມຣິກາແລະສປປ ລາວ ນັ້ນ ກຳລັງສ້າງຜົນປະໂຫຍດໃຫ້ແກ່ທັງສອງຝ່າຍ ແລະສາຍພົວພັນໃນທາງເສີມສ້າງ ທີ່ຊ່ວຍນຳມາຊຶ່ງສັນຕິພາບ ສະຖຽນລະພາບແລະການຮ່ວມມືກັນ ສຳລັບການພັດທະນາຢູ່ໃນຂົງເຂດ ກໍຄືຢູ່ໃນໂລກ.
ໃນຂະນະທີ່ສະແດງຄວາມຂອບອົກຂອບໃຈຢ່າງຈິງໃຈຂອງທ່ານຕໍ່ການຕ້ອນຮັບຢ່າງອົບອຸ່ນ ທີ່ທາງສະຫະລັດໄດ້ມອບໃຫ້ທ່ານພ້ອມດ້ວຍ ຄະນະຂອງທ່ານນັ້ນ ຮອງນາຍົກລັດຖະມຸນຕີລາວໄດ້ເຊື້ອເຊີນລັດຖະ ມຸນຕີການຕ່າງປະເທດສະຫະລັດ ໄປຢ້ຽມຢາມ ສປປ ລາວ ໃນເວລາໃດທ່ີທ່ານນາງສະດວກນັ້ນ.
ຫລັງຈາກນັ້ນ ສະຫະລັດແລະລາວກໍໄດ້ລົງນາມໃນຂໍ້ຕົກລົງວ່າດ້ວຍການຂົນສົ່ງທາງອາກາດຢ່າງຮອບດ້ານ ຢູ່ທ່ີກະຊວງການຕ່າງປະເທດ ເພື່ອເສີມຂະຫຍາຍແລະເປີດກ້ວາງສາຍພົວພັນທາງດ້ານການບິນພົນ ລະເຮືອນທ່ີເສຣີລະຫວ່າງກັນ. ທ່ານ Jose W. Fernandez ລັດ ຖະມຸນຕີຊ່ອຍວ່າການກະ ຊວງການຕ່າງປະເທດສະຫະລັດ ວ່າດ້ວຍກິດຈະການດ້ານເສດຖະກິດ ພະລັງງານແລະທຸລະກິດ ເປັນຜູ້ລົງນາມໃນຂໍ້ຕົກລົງຕ່າງໜ້າສະຫະ ລັດ ແລະທ່ານແສງ ສຸຂະທິວົງ ເອກອັກ ຄະລັດຖະທູດລາວປະຈຳສະຫະລັດ ໄດ້ລົງນາມໃນຂໍ້ຕົກລົງໃນນາມ ສປປ ລາວ ພາຍໃຕ້ການເປັນສັກຂີພິຍານຂອງ ທ່ານທອງລຸນ ສີສຸລິດ ຮອງນາຍົກລັດຖະມຸນຕີ ແລະລັດຖະມຸນຕີຕ່າງປະເທດລາວ.
ຂໍ້ຕົກລົງວ່າດ້ວຍການຂົນສົ່ງທາງອາກາດ ຫລື Open Skies Agreement ລະຫວ່າງສະຫະລັດແລະ ສປປ ລາວ ແມ່ນເປັນໂຕແບບຂອງວີທີການເຂົ້າຫາສາຍພົວພັນທາງການບິນລະຫວ່າງກັນ ທີ່ອີງ ໃສ່ຕະຫລາດ. ຂໍ້ຕົກລົງທີ່ວ່ານີ້ຈະສົ່ງເສີມການເຊື່ອມໂຍງດ້ານການຄ້າ ແລະການທ່ອງທ່ຽວກັບລາວ ແລະອຳນວຍໂອກາດໃໝ່ໆທາງດ້ານການຄ້າໃຫ້ແກ່ສາຍການບິນຂອງສະຫະລັດແລະລາວ ແລະປະຊາຊົນຜູ້ເດີນ ທາງ ໃນຂະນະດຽວກັນກໍຮັກສາໄວ້ແຫ່ງຄວາມໝັ້ນໝາຍຂອງພວກເຮົາຕໍ່ຄວາມປອດໄພແລະຄວາມໝັ້ນຄົງທາງດ້ານການບິນ.
ກ່ອນໜ້ານີ້ ສະຫະລັດໄດ້ເຊັນຂໍ້ຕົກລົງດ້ານການບິນໃນທຳນອງດຽວກັນນີ້ ກັບເກືອບ 100 ປະເທດ ມາກ່ອນແລ້ວ.
ຖະແຫລງການຮ່ວມລະຫວ່າງ ສະຫະລັດກັບ ສປປ ລາວ
- ສິງ ບູຣົມມະວົງ
ດັ່ງທີ່ເຮົາໄດ້ລາຍງານໄປແລ້ວໃນພາກຂ່າວຮອບໂລກ ທ່ານດອກເຕີ້ ທອງລຸນ ສີສຸລິດ ຮອງນາຍົກລັດຖະມົນຕີແລະລັດຖະມົນຕີການຕ່າງ ປະເທດ ແຫ່ງ ສປປ ລາວ ໄດ້ເຂົ້າຢ້ຽມຄຳນັບແລະພົບປະສົນທະນາກັບທ່ານນາງ ຮິລເລີຣີ ຄລິນຕັນ ລັດຖະມົນຕີການຕ່າງປະເທດສະຫະ ລັດ ໃນວັນອັງຄານວານນີ້ໃນໂອກາດມາຢ້ຽມຢາມນະຄອນຫລວງວໍຊິງຕັນ ຕາມຄຳເຊື້ອເຊີນຂອງທ່ານນາງຄລິນຕັນ. ຫລັງຈາກພົບປະກັນ ທັງສອງຝ່າຍກໍໄດ້ອອກຖະແຫລງ ການຮ່ວມສັ້ນໆສະບັບນຶ່ງ.
