ຊາວອາເມຣິກັນທົ່ວປະເທດພາກັນຊຸມເຂົ້າປິ້ງຊີ້ນ barbecues ປິກນິກກັນ ຊົມການເດີນສວນສະໜາມແລະຂະບວນລົດແຫ່ ທີ່ສະແດງເຖິງຈິດໃຈຮັກຊາດ ຊົມການສະແດງດົນຕີ ການຈູດກະໂພກແລະບັ້ງໄຟດອກແລະກິດຈະກຳອື່ນໆ ໃນຂະນະທ່ີປະເທດຊາດສະເຫລີມສະ ຫລອງວັນຄ້າຍວັນເກີດ ຄົບຮອບ 234 ປີ ໃນມື້ນີ້.
ວັນພັກສະຫລອງເອກກະລາດ ວັນທີ 4 ກໍລະກົດ ມ່ນເປັນຂີດໝາຍ ໂອກາດອັນສຳຄັນຂອງປະເທດນີ້ໃນປີ 1776 ເວລາ 13 ອະນານິຄົມ ຫລືຫົວເມືອງຂຶ້ນຂອງອັງກິດ ຢູ່ໃນດິນແດນແຫ່ງນີ້ ປະກາດເປັນເອກກະລາດຢ່າງເປັນທາງການ ແລະສະຖາປະນາຕົນເອງເປັນປະເທດສະຫະລັດອາເມຣິກາ.
ທ່ີນະຄອນຫລວງວໍຊິງຕັນ ດີຊີ ຄາດວ່າ ປະຊາຊົນຫລາຍແສນຄົນຈະພາກັນໄປເຕົ້າໂຮມຢູ່ທ່ີສະໜາມຫລວງແຫ່ງຊາດ ເພື່ອຊົມການສະແດງດົນຕີ ໂບກທຸງຊາດອະເມຣິກັນໄປພ້ອມ ແລະຊົມການຈູດບັ້ງໄຟດອກ ໃນຂະນະທ່ີການສະເຫລີມສະຫລອງພວກດຳເນີນໄປນັ້ນ. ການສະເຫລີມສະຫລອງໃນທຳນອງຄ້າຍຄືກັນນີ້ ກຳນົດຈະມີຂຶ້ນໃນຫົວເມືອງຕ່າງໆໃນທົ່ວປະເທດ.
ໃນວັນເສົາວານນີ້ ປະທານາທິບໍດີບາຣົກໂອບາມາ ໄດ້ອອກຖະແຫລງ ການເນື່ອງໃສນວັນເອກກະລາດວ່າ ຄວາມໜັກແໜ້ນ ການຕັດສິນໃຈ ຢ່າງເດັດດ່ຽວ ແລະຄວາມອົງອາດກ້າຫານຂອງພວກກໍ່ຕັ້ງປະເທດ ຕໍ່ ໜ້າອຸປະສັກອັນໃຫຍ່ຫລວງຕ່າງໆ ທ່ີບໍ່ໜ້າເປັນໄປບໍ່ໄດ້ນັ້ນ ໄດ້ກາຍ ມາເປັນພື້ນຖານທີ່ແຂງແກ່ງຄືກັນກັບກ້ອນຫີນ ຂອງປະເທດນີ້.
ນອກນັ້ນ ປະທານາທິບໍດີຍັງໄດ້ກ່າວສະດຸດີບັນດາຊາຍແລະຍິງ ທ່ີກຳ ລັງຮັບໃຊ້ຢູ່ໃນກອງທັບສະຫະລັດໃນທົ່ວໂລກ ຕະຫລອດທັງຜູ້ທ່ີໄດ້ ສະລະຊີວິດ ໃນຂະນະທ່ີຮັບໃຊ້ໃນກອງທັບແຫ່ງຊາດນີ້ເຊັ່ນກັນ.
