ສະຫະພັນແຮງງານການກະເສດສະຫະລັດໄດ້ທ້າທາຍຕໍ່ພວກຫວ່າງງານອະເມຣີກັນທ່ີໄປຈົດຊື່ຊອກຫາເຮັດວຽກເກັບກ່ຽວ
ຜົນລະປູກເຂົ້າປາອາຫານໃນອະເມລິກາ ຊຶ່ງວຽກການເຫລົ່ານີ້ໃນປັດຈຸບັນສ່ວນໃຫຍ່ແມ່ນວຽກຂອງພວກແຮງງານ
ທ່ີບໍ່ມີເອກະສານທ່ີຖືກຕ້ອງຕາມກົດໝາຍທ່ີອາໄສຢູ່ໃນສະຫະລັດນັ້ນ.
ສະຫະພັນແຮງງານການກະເສດກຳລັງຮຽກຮ້ອງໃຫ້ຊາວອະເມຣິກັນກອກຟອມທາງອິນເທີແນ໊ດ ຊອກຫາວຽກການໃນ
website ທ່ີ Takeourjobs.org.
ທ່ານ Arturo Rodriguez ປະທານສະຫະພັນແຮງງານການກະເສດກ່າວວ່າ ມີປະຊາຊົນ 3 ຄົນເທົ່ານັ້ນທ່ີໄດ້ທຳການທ້າທາຍ
ດັ່ງກ່າວແລະເວລານີ້ເຮັດວຽກໃນຟາມນັ້ນ.
ການປຸກລະດົມຂອງສະຫະພັນແຮງງານການກະເສດມີຂຶ້ນໃນຂະນະທ່ີລັດ Arizona ໃນພາກຕາເວັນຕົກສຽງໃຕ້
ຂອງສະຫະລັດກຳນົດຈະເລີ້ມປະຕິບັດກົດໝາຍທ່ີເປັນບັນຫາໂຄ້ແຍ່ງກັນໃນເດືອນນີ້ທ່ີມີວັດຖຸປະສົງແນໃສ່ພວກຄົນເຂົ້າເມືອງ
ທ່ີຜິດກົດໝາຍໃນລັດນັ້ນ. ລັດຖະບານ
ທ່ານໂອບາມາໄດ້ຍື່ນຄຳຟ້ອງຮ້ອງຂອງຕົນເລ້ວເພື່ອກີດກັນບໍ່ໃຫ້ມີການປະຕິບັດກົດໝາຍລັດ Arizona ນີ້.
ກະຊວງແຮງງານສະຫະລັດ ກ່າວວ່າ ພວກແຮງງານການກະເສດຈຳຫລາຍກວ່າເຄິ່ງນຶ່ງແມ່ນພວກແຮງງານ
ເຂົ້າເມືອງຜິດກົດໝາຍ.
ສະຫະພັນແຮງງານການກະເສດຫລື UFW ໂຕ້ແຍ້ງວ່າ ພວກແຮງງານການກະເສດທ່ີຜິດກົດໝາຍບໍ່ໄດ້ເອົນວຽກເອົາການ
ຫລືຍາດວຽກຈາກຄົນອະເມຣິກັນ ເພາະວ່າຄົນອະເມຣິກັນບໍ່ຢາກເຮັດວຽກອັນນີ້.