ລາຍງານປະຈໍາປີນີ້ ຂອງຄະນະກໍາທິການ USCIRF ເວົ້າວ່າ ສິດເສລີພາບໃນການເຊື່ອຖື
ສາສະໜາໄດ້ກຳນົດໄວ້ຢູ່ໃນລັດຖະທຳມະນູນຂອງ ສປປ ລາວແຕ່ຂໍ້ກຳນົດກ່ຽວກັບການປະ
ຕິບັດດ້ານສາສະໜາຂອງດຳລັດເລກທີ 92/ນຍ ຂອງນາຍົກລັດຖະມົນຕີ ສປປ ລາວທີ່ອອກ
ໃນປີ 2002 ນັ້ນ ບັນຈຸພາສາທີ່ອຳນວຍໃຫ້ລັດຖະບານສາມາດຄວບຄຸມແລະແຊກແຊງເຂົ້າ
ໃນກິດຈະການຂອງສາສະໜາໄດ້. ພວກຜູ້ນຳຂອງສາສະໜາຕ່າງໆ ລາຍງານວ່າ ກິດຈະກຳ
ຕ່າງໆທາງດ້ານສາສະໜາ ທີ່ໄດ້ຮັບອະນຸຍາດຕາມກົດໝາຍ ເຊັ່ນ ການຊັກຊວນໃຫ້ຄົນເຂົ້າ
ສາສະໜາ ແລະການພິມເອກກະສານ ກ່ຽວກັບສາສະໜານັ້ນ ໄດ້ມີການຈຳກັດຮັດແຄບ ໃນ
ພາກປະຕິບັດໂຕຈິງ. ພວກຜູ້ນຳຂອງສາສະໜາເຫຼົ່ານີ້ ຍັງຈົ່ມທຸກວ່າ ການບັງຄັບໃຫ້ຂໍອະນຸ
ຍາດ ກ່ຽວກັບການປະຕິບັດສາສະໜາກິດທີ່ໃໝ່ໆນັ້ນ ແມ່ນໃຊ້ເພື່ອຈຳກັດຮັດແຄບຄວາມສາ
ມາດໃນການນຳເຂົ້າ ເອກກະສານດ້ານສາສະໜາ ແລະການກໍ່ສ້າງສະຖານທີ່ທາງສາສະໜາ
ຕ່າງໆ. ນອກເໜືອໄປຈາກການບັງຄັບໃຫ້ຂໍອະນຸຍາດທີ່ຍຸ່ງຍາກສັບສົນນັ້ນແລ້ວ ດຳລັດເລກ
ທີ 92/ນຍ ຍັງບັນຈຸການຫ້າມແບບຄຸມເຄືອ ກ່ຽວກັບກິດຈະກຳຕ່າງໆທີ່ສ້າງຄວາມແບ່ງແຍກ
ທາງດ້ານສັງຄົມຫຼືຄວາມວຸ້ນວາຍ ແລະໄດ້ກ່າວຢໍ້າ ເຖິງບາງພາກສ່ວນຂອງກົດໝາຍອາຍາ
ຂອງລາວ ທີ່ໄດ້ມີການນຳໃຊ້ໂດຍພະລະການໃນໄລຍະຜ່ານມາເພື່ອຈັບກຸມຄຸມຂັງຊາວຄຣິສ
ຕຽນທີ່ເປັນຊົນກຸ່ມນ້ອຍ.
ລັດຖະບານລາວບໍ່ເຕັມໃຈຫຼືບໍ່ສາມາດທີ່ຈະດຳເນີນການຢ່າງເປັນການເປີດເຜີຍຕໍ່ພວກເຈົ້າໜ້າ
ທີ່ແຂວງ ຫຼືເຈົ້າໜ້າທີ່ຮັກສາຄວາມສະຫງົບ ທີ່ໄດ້ລ່ວງລະເມີດຢ່າງຮ້າຍແຮງ ຕໍ່ພວກຊົນກຸ່ມ
ນ້ອຍທີ່ນັບຖືສາສະໜາໂປຣແຕັສຕັງ. ພວກເຈົ້າໜ້າທີ່ລາວຍັງສືບຕໍ່ຖືວ່າການແຜ່ຜາຍຢ່າງໄວ
ວາຂອງສາສະໜາຄຣິສຕ໌ ໃນໝູ່ພວກຊົນກຸ່ມນ້ອຍຕ່າງໆ ໂດຍສະເພາະແລ້ວພວກທີ່ເຄີຍຕໍ່ສູ້
ຕ້ານຢັນຫຼືບໍ່ພໍໃຈ ກັບການຄວບຄຸມຂອງລັດຖະບານນັ້ນ ແມ່ນເປັນການນຳເຂົ້າຄ່ານິຍົມຂອງ
ອາເມຣິກາ ທີ່ອາດຈະເປັນໄພຂົ່ມຂູ່ຕໍ່ລະບອບການເມືອງຄອມມູນິສຂອງລາວ ແຕ່ແນວໃດກໍ
ຕາມພວກເຈົ້າໜ້າທີ່ຂອງສູນກາງແນວລາວສ້າງຊາດໃນປັດຈຸບັນພວມຊອກຫາຊ່ອງທາງທີ່ຈະ
ແກ້ໄຂບັນຫາຂັດແຍ່ງລະຫວ່າງກຸ່ມສາສະໜາຕ່າງໆແລະພວກເຈົ້າໜ້າແຂວງ.
ກ່ຽວກັບການລ່ວງລະເມີດສິດເສລີພາບໃນການເຊື່ອຖືສາສະໜານັ້ນ ລາຍງານຂອງຄະນະກຳ
ມາທິການ USCIRF ເວົ້າວ່າ ມີລາຍງານແຈ້ງວ່າເຈົ້າໜ້າທີ່ທ້ອງຖິ່ນຂອງລາວໄດ້ແຊກແຊງ
ເຂົ້າໃນສິດທິການປະຕິບັດສາສະໜາກິດ ຂອງຊາວໂປຣແຕັສຕັງຢູ່ໃນຫຼາຍໆເຂດ. ການລະ
ເມີດຮ້າຍແຮງສ່ວນໃຫຍ່ໃນຮອບປີຜ່ານມານີ້ທີ່ມີຮວມທັງການຄຸມຂັງ ການຂັບໄລ່ອອກຈາກ
ບ້ານແບບບັງຄັບ ການຈັບ ການປະຕິເສດບໍ່ຍອມໃຫ້ບໍລິການຂອງລັດຖະບານ ແລະການບັງ
ຄັບໃຫ້ປະລະສາສະໜານັ້ນ ໄດ້ມີຂຶ້ນໃນແຂວງສາລະວັນ ວຽງຈັນ ບໍ່ແກ້ວ ສະຫວັນນະເຂດ
ຄຳມ່ວນ ຫຼວງນໍ້າທາ ແລະຫຼວງພະບາງ.
ໃນຕອນທ້າຍຂອງລາຍງານ ຄະນະກຳມາທິການ USCIRF ໄດ້ໃຫ້ຄໍາສະເໜີແນະຫລາຍໆ
ຢ່າງ ສໍາຫຼັບນະໂຍບາຍຂອງລັດຖະບານສະຫະລັດ ກ່ຽວກັບ ສປປ ລາວ. ລາຍງານເວົ້າວ່າ
ສ່ວນໃຫຍ່ຂອງໂຄງການໃຫ້ຄວາມຊ່ອຍເຫຼືອຂອງສະຫະລັດໃນລາວນັ້ນ ແມ່ນໃນດ້ານສາທາ
ລະນະສຸກ ການພັດທະນາເສດຖະກິດແລະໂຄງການຕໍ່ຕ້ານຢາເສບຕິດໃຫ້ໂທດເຖິງແມ່ນວ່າ
ໄດ້ມີການໃຫ້ຄວາມຊ່ອຍເຫຼືອໃໝ່ ກ່ຽວກັບໂຄງການປະຕິຮູບ ໃນພາກສ່ວນດ້ານການຮັກສາ
ຄວາມປອດໄພເລີ່ມຂຶ້ນ ໃນຮອບປີຜ່ານມາກໍຕາມ. ມີໂຄງການນ້ອຍໆ ໃນການເຝິກອົບຮົມ
ກ່ຽວກັບສິດເສລີພາບ ໃນການເຊື່ອຖືສາສະໜາສຳຫຼັບພວກເຈົ້າໜ້າທີ່ລາວຢູ່ ແຕ່ແນວໃດກໍ
ຕາມ ໂຄງການດ້ານສິດທິມະນຸດ ການປົກຄອງດ້ວຍຕົວບົດກົດໝາຍແລະການປົກຄອງທີ່ດີ
ແມ່ນຍັງນ້ອຍຫຼາຍ ສຳຫຼັບປະເທດລາວແລະບໍ່ໄດ້ຮັບທຶນສະໜັບສະໜຸນໃນລະດັບດຽວ ກັບ
ໂຄງການໃຫ້ຄວາມຊ່ອຍເຫຼືອອື່ນໆ. ເພື່ອຈະຊຸກຍູ້ສົ່ງເສີມສິດເສລີພາບໃນການນັບຖືຫຼືຄວາມ
ເຊື່ອໃນດ້ານສາສະໜາຢູ່ລາວນັ້ນ ສະຫະລັດຄວນຈະດຳເນີນການດັ່ງນີ້:
ໃຫ້ລິເລີ່ມໂຄງການກົນໄກສິດທິມະນຸດຢ່າງເປັນທາງການເພື່ອແກ້ໄຂບັນຫາຕ່າງໆເປັນປະຈຳ
ເຊັ່ນບັນຫາການຈຳແນກກີດກັນຊົນກຸ່ມນ້ອຍ ແລະສາສະໜາ ການທໍລະມານ ແລະການກະ
ທຳທີ່ບໍ່ຖືກບໍ່ຕ້ອງອື່ນໆ ຕໍ່ພວກນັກໂທດ ການຈັບກຸມຄຸມຂັງແບບຜິດກົດໝາຍ ການຂາດກະ
ບວນການທາງກົດໝາຍແລະລະບົບຕຸລາການທີ່ເປັນອິດສະຫຼະພ້ອມທັງການຕັ້ງຖິ່ນຖານພວກ
ອົບພະຍົບ.
ໃຫ້ລິເລີ່ມ ການເຝິກອົບຮົມ
ໃນດ້ານສິດທິມະນຸດ ແລະ
ການໂຍະຍານຜ່ອນຜັນໃນ
ດ້ານສາສະໜາເພື່ອເປັນພາກ
ສ່ວນນຶ່ງ ໃນການໃຫ້ຄວາມ
ຊ່ອຍເຫຼືອໃໝ່ ໃດໆກໍຕາມ
ຂອງສະຫະລັດກ່ຽວກັບໂຄງ
ການປະຕິຮູບພາກສ່ວນການ
ຮັກສາຄວາມປອດໄພ ຂອງ
ລາວ ໃຫ້ການຄໍ້າປະກັນວ່າ
ເຈົ້າໜ້າທີ່ຄົນໃດກໍຕາມທີ່ເຂົ້າ
ຮ່ວມໃນໂຄງການເຫຼົ່ານີ້ໄດ້ມີ
ການຄັດເລືອກ ຢ່າງເຄັ່ງຄັດ
ເພື່ອໃຫ້ການຢືນຢັນວ່າພວກ
ເຂົາເຈົ້າ ບໍ່ເຄີຍມີສ່ວນພົວພັນ
ໃດໆມາກ່ອນກ່ຽວກັບການລະເມີດສິດທິມະນຸດ ແລະຖືກປະຕິເສດ ບໍ່ໃຫ້ເຂົ້າຮ່ວມໂຄງການ
ເຝິກອົບຮົມຂອງສະຫະລັດ ຖືກປະຕິເສດໃນການຂໍວີຊ່າ ຫຼືການໃຫ້ຄວາມຊ່ອຍເຫຼືອ ຕໍ່ກົມ
ກອງໃດຫຼືບຸກຄົນໃດກໍຕາມທີ່ຖືກພົບເຫັນວ່າເຄີຍໄດ້ພົວພັນໃນການລ່ວງລະເມີດສິດທິມະນຸດ
ຮວມທັງສິດເສລີພາບໃນການເຊື່ອຖືສາສະໜານຳດວ້ຍ.
ໃຫ້ລິເລີ່ມໂຄງການໃຫ້ຄວາມຊ່ອຍເຫຼືອທາງດ້ານເຕັກນິກແລະດ້ານສິດທິມະນຸດທີ່ສະໜັບສະ
ໜຸນຕໍ່ເປົ້າໝາຍ ໃນການປົກປ້ອງຄຸ້ມຄອງ ແລະຊຸກຍູ້ສິດເສລີພາບໃນການເຊື່ອຖືສາສະໜາ
ຮວມທັງໂຄງການປົກຄອງດ້ວຍຕົວບົດກົດໝາຍ ແລະໂຄການແລກປ່ຽນທາງດ້ານກົດໝາຍ
ທີ່ເພັ່ງເລັງໃສ່ ການດັດແປງແກ້ໄຂດຳລັດເລກທີ 92/ນຍ ໃຫ້ການເຝິກອົບຮົມແກ່ພວກເຈົ້າ
ໜ້າທີ່ແຂວງ ກ່ຽວກັບມາດຕະຖານການເຄົາລົບນັບຖືສິດທິມະນຸດ ຂອງນາໆຊາດ ແລະກົດ
ໝາຍຂອງລາວ ກ່ຽວກັບສິດເສລີພາບ ໃນການນັບຖືສາສະໜາ ໃຫ້ລິເລີ່ມໂຄງການເຝິກອົບ
ຮົມແລະແລກປ່ຽນ ໃນດ້ານສິດທິມະນຸດ ການປົກຄອງດ້ວຍຕົວບົດກົດໝາຍ ແລະສິດເສລີ
ພາບໃນການເຊື່ອຖືສາສະໜາແກ່ຕຳຫຼວດລາວ ພວກຜູ້ນຳສາສະໜາແລະພວກນັກວິຊາການ
ຕະຫຼອດທັງການເສີມສ້າງຄວາມສາມາດໃຫ້ແກ່ກຸ່ມສັງຄົມພົນລະເຮືອນຂອງລາວທີ່ເຮັດໜ້າທີ່
ເປັນອົງການກຸສົນ ດ້ານການແພດ ແລະກິດຈະການດ້ານພັດທະນາຕ່າງໆເພື່ອໃຫ້ສອດຄ່ອງ
ກັບກົດໝາຍໃໝ່ຂອງລາວວ່າດ້ວຍອົງການຈັດ ຕັ້ງທີ່ບໍ່ຂຶ້ນກັບລັດຖະບານ.
ແລະສຸດທ້າຍ ໃຫ້ສືບຕໍ່ອະນຸດມັດເງິນສະໜັບສະໜຸນຢ່າງພຽງພໍ ແກ່ວິທະຍຸສຽງອາເມຣິກາ
ແລະວິທະຍຸເອເຊຍເສລີ ພາກພາສາລາວ ແລະເພີ່ມການດຳເນີນຄວາມພະຍາຍາມເພື່ອສະ
ໜອງລະບົບອິນເຕີແນັດທີ່ບໍ່ມີການກວດກາ ແລະຂໍ້ມູນຂ່າວສານອື່ນໆ ໃຫ້ເຂົ້າເຖິງປະເທດ
ລາວ.