ສານສູງສຸດດສະຫະລັດໃນຕອນແລງວັນອັງສານສູງສຸຄານວານນີ້ໄດ້ໂຈະເປັນການ
ຊົ່ວຄາວ ຕໍ່ຄຳສັ່ງທີ່ບັງຄັບໃຫ້ລັດຖະມົນຕີການຄ້າ ທ່ານວິລເບີ ຣອສ ໄປສອບຖາມໃນ
ອາທິດນີ້ ໂດຍບັນດາທະນາຍຄວາມ ຂອງລັດຕ່າງໆ ທີ່ຟ້ອງຮ້ອງກ່ຽວກັບການຕັດສິນ
ໃຈຂອງທ່ານ ທີ່ຈະຖາມບັນດາຜູ້ຕອບ ໃນການສຳຫລວດປະຊາກອນ ປີ 2020 ນັ້ນ
ວ່າ ເຂົາເຈົ້າເປັນພົນລະເມືອງຫຼືບໍ່ ອີງຕາມລາຍງານ ອົງການຂ່າວຣອຍເຕີ້.
ຢູ່ໃນຄຳສັ່ງສັ້ນໆ ທີ່ນຳອອກເຜີຍແຜ່ໃນຕອນແລງວັນອັງຄານວານນີ້ ຜູ້ພິພາກສາ ຣູທ
ເບເດີ ກິນສເບີຣກ໌ ໄດ້ໂຈະ ການໄປໃຫ້ການຂອງທ່ານຣອສ ແລະເຈົ້າໜ້າທີ່ຂັ້ນສູງຂອງ
ກະຊວງຍຸຕິທຳຄົນນຶ່ງ ທ່ານຈອນ ກໍ ໄວ້ກ່ອນ ໃນຂະນະທີ່ສານສູງສຸດພິຈາລະນາ ຄຳ
ຮ້ອງຂໍຂອງລັດຖະບານ ເພື່ອປົກປ້ອງບັນດາເຈົ້າໜ້າທີ່ຈາກການສອບຖາມດັ່ງກ່າວ.
ສານອຸທອນລັດຖະບານກາງຢູ່ນະຄອນນິວຢອກ ໄດ້ປະຕິເສດຕໍ່ການພະຍາຍາມຂອງ
ລັດຖະບານ ທີ່ຈະຢຸດການໄປໃຫ້ການ ໃນຕອນເຊົ້າວັນອັງຄານ. ການໃຫ້ການຂອງ
ທ່ານກໍ ມີກຳນົດໃນວັນພຸດຕອນເຊົ້າມື້ນີ້ ໃນຂະນະທີ່ທ່ານ ຈະໄດ້ຖືກສອບຖາມໃນ
ວັນພະຫັດມື້ອຶ່ນນີ້.
ການໂຕ້ແຍ້ງນີ້ຈະທົດສອບເບິ່ງທັດສະນະຄວາມເຫັນຂອງສານສູງສຸດຕໍ່ພວກຜູ້ພິ
ພາກສາ ທີ່ຈະໃຫ້ການເຄົາລົບ ຕໍ່ສະມາຊິກໃນຄະນະລັດຖະບານຂອງປະທານາທິ
ບໍດີ ແລະບັນດາເຈົ້າໜ້າທີ່ຂັ້ນສູງ. ມັນເກີດຂຶ້ນໃນຂະນະທີ່ມີການແຕ່ງຕັ້ງຜູ້ພິ ພາກ
ສາສານສູງສຸດ ຂອງປະທານາທິບໍດີດໍໂນລ ທຣຳ ຄື ທ່ານແບຣັດ ຄາແວນໍ ໄດ້ຮັບຟັງ
ການໂຕ້ຖຽງເທື່ອທຳອິດຂອງທ່ານໃນຕອນເຊົ້າວັນອັງຄານວານນີ້.
ລັດຖະບານທ່ານທຣຳໄດ້ທ້າທາຍຢ່າງແຮງຕໍ່ການຕັດສິນໃນວັນທີ 21 ກັນຍາທີ່ຜ່ານ
ມາ ໂດຍໄອຍະການປະຈຳເຂດສະຫະລັດ ທ່ານແຈັດຊີ ເຟີແມນ ຢູ່ເຂດ ແມນຮັດຕັນ
ທີ່ໄດ້ສັ່ງໃຫ້ທ່ານຣອສ ຜູ້ທີ່ກະຊວງຂອງທ່ານ ໄດ້ເບິ່ງແຍງ ຫ້ອງການສຳຫລວດປະ
ຊາກອນ ໄປໃຫ້ການ ເພາະວ່າທ່ານ “ມີຄວາມຕັ້ງໃຈ ແລະຄວາມເຊື່ອໝັ້ນ ແນໃສ່
ໂດຍກົງ ຕໍ່ບັນຫາ” ໃນການຟ້ອງຮອ້ງ.
ການຟ້ອງຮ້ອງຊຶ່ງຮວມທັງ 18 ລັດ ພ້ອມທັງຫົວເມືອງແລະເຂດຕ່າງໆຈຳນວນນຶ່ງ
ແມ່ນນຳໜ້າໂດຍເຈົ້າໜ້າທີ່ພັກເດໂມແຄຣັດ. ລັດຖະທຳມະນູນສະຫະລັດກຳນົດໃຫ້
ມີການສຳຫລວດ ທຸກໆ 10 ປີ ຊຶ່ງໃຊ້ໃນການແຕ່ງຕັ້ງບ່ອນນັ່ງຢູ່ໃນສະພາ ແລະແຈກ
ຢາຍເງິນຫຼາຍພັນລ້ານໂດລາໃນກອງທຶນລັດຖະບານກາງ.
ບັນດາຜູ້ຕິຕຽນໃນການເພີ້ມຄຳຖາມກ່ຽວກັບເລື້ອງສັນຊາດຢູ່ໃນການສຳຫລວດໄດ້
ກ່າວວ່າ ຈະພິຈາລະນາປະຊາຊົນຢູ່ໃນປະຊາຄົມຄົນເຂົ້າເມືອງຈາກການເຂົ້າຮ່ວມ
ທີ່ບໍ່ສົມສ່ວນ ອັນເປັນຜົນກະທົບຕໍ່ລັດຕ່າງໆທີ່ມີທ່າອຽງໄປທາງພັກເດໂມແຄຣັດ.