ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ທ້າວ Manning ພົ້ນຂໍ້ຫາ ຊ່ວຍສັດຕູ ໂດຍທາງອ້ອມ (ວີດິໂອ)


ພົນທະຫານ Bradley Manning ຖືກນໍາຕົວອອກຈາກຫ້ອງສານໃນຄ້າຍ Fort Meade, ລັດ Maryland ລຸນຫລັງໄດ້ຮັບຄໍາຕັດສິນ ໂດຍສານທະຫານໃນວັນທີ 30 ກໍລະກົດ 2013.
ພົນທະຫານ Bradley Manning ຖືກນໍາຕົວອອກຈາກຫ້ອງສານໃນຄ້າຍ Fort Meade, ລັດ Maryland ລຸນຫລັງໄດ້ຮັບຄໍາຕັດສິນ ໂດຍສານທະຫານໃນວັນທີ 30 ກໍລະກົດ 2013.
ສານທະຫານສະຫະລັດພົບ​ເຫັນວ່າ ພົນທະຫານຄົນນຶ່ງທີ່ຖືກ
ກ່າວຫາວ່າ​ເປີດເຜີຍຄວາມລັບຂອງສະຫະລັດໃຫ້​ແກ່ເວັບໄຊ
Wikileaks ນັ້ນ ບໍ່ມີຄວາມຜິດ ໃນຖານຊ່ວຍສັດຕູ ໂດຍທາງ
ອ້ອມ ຊຶ່ງເປັນຂໍ້ກ່າວຫາທີ່ສາມາດເຮັດໃຫ້ຜູ້ກ່ຽວຖືກຈໍາຄຸກຕະ
ຫລອດຊີວິດໄດ້.

ແຕ່ຢ່າງໃດກໍຕາມ ໃນວັນອັງຄານວານນີ້ ສານຢູ່ທີ່​ຄ້າຍ Fort
Meade ລັດ Maryland ໄດ້ຕັດສິນວ່າ ພົນທະຫານ Manning
ທີ່ມາຈາກລັດ Oklahoma ມີຄວາມຜິດ ໃນຂໍ້ຫາຖານເບົາກວ່າ
ຫລາຍກະທົງ ຊຶ່ງລວມທັງການລັກລອບຊັບສິນຂອງສ່ວນລວມ,
ການຈາລະກໍາ ແລະການສໍ້ໂກງ​ໂດຍການໃຊ້ຄອມພີວເຕີ. ການລົງໂທດສໍາລັບການກໍ່
ອາດຊະຍາກໍາເຫລົ່ານີ້ ສາມາດເຮັດໃຫ້ມີການຈໍາຄຸກ ທີ່ລວມເຂົ້າກັນເປັນ​ເວລາ​ດົນກວ່າ 100 ປີ.

ພົນທະຫານ Manning ຖືກກ່າວຫາວ່າ ມີຄວາມຜິດທາງອາຍາ ທັງໝົດ 21 ກະທົງ ທີ່
ກ່ຽວພັນກັບການເປີດເຜີຍເອກະສານຂອງສະຫະລັດຫລາຍກວ່າ 7 ແສນສະບັບ ໃຫ້ແກ່
ເວັບໄຊ ທີ່ຕໍ່ຕ້ານການສືບລັບຊາບ. ເອກະສານເຫລົ່ານັ້ນ ລວມທັງໂທລະເລກທາງການ
ທູດ ແລະລາຍງານລັບດ້ານການທະຫານ ຈາກສົງຄາມໃນອີຣັກ ແລະອັຟການິສຖານ.

ສ່ວນພົນທະຫານ Manning ກໍໄດ້ຍອມຮັບຜິດຕໍ່ຂໍ້ຫາທີ່ມີ​ຄວາມ​ຜິດ​ເບົາກວ່າ ໃນຫລາຍໆ
ກະທົງແລ້ວ. ​

ເບິ່ງວີດິໂອກ່ຽວກັບເລື້ອງນີ້:

XS
SM
MD
LG