ລິ້ງ ສຳຫລັບເຂົ້າຫາ

ວັນອາທິດ, ໑໖ ມິຖຸນາ ໒໐໒໔

ການາດາ ຈະເຂົ້າຮ່ວມ ການໂຈມຕີທາງອາກາດ ຕ້ານກຸ່ມລັດອິສລາມ


ນາຍົກລັດຖະມົນຕີການາດາ ທ່ານ Stephen Harper (ຂວາ) ຢຶນຢູ່ໃນສະພາ ຫລັງຈາກການລົງຄະແນນສຽງ ຮັບຜ່ານມະຕິ ອະນຸຍາດໃຫ້ເຂົ້າຮ່ວມ ໂຈມຕີທາງອາກາດ.
ນາຍົກລັດຖະມົນຕີການາດາ ທ່ານ Stephen Harper (ຂວາ) ຢຶນຢູ່ໃນສະພາ ຫລັງຈາກການລົງຄະແນນສຽງ ຮັບຜ່ານມະຕິ ອະນຸຍາດໃຫ້ເຂົ້າຮ່ວມ ໂຈມຕີທາງອາກາດ.

ສະຫະລັດ​ໄດ້​ສະ​ແດງ​ຄວາມ​ຍິນ​ດີ ກັບການ​ຕັດສິນ​ໃຈ​ ຂອງ
ສະພາກາ​ນາ​ດາ ທີ່​ອະນຸຍາດ​ໃຫ້​ທຳ​ການ​ໂຈມ​ຕີ​ທາງ​ອາ
ກາດ ຕ້ານພວກ​ຫົວ​ຮຸນ​ແຮງ​ລັດ​ອິສລາມ ​ໃນອີຣັກ.

ມາດ​ຕະການທີ່ສະພາ​ກາ​ນາ​ດາໄດ້​ຮັບຮອງເອົາ​ ໃນ​ວັນ​ອັງ
ຄານ​ວານ​ນີ້ ແມ່ນ ​ ສະໜັບສະ​ໜູນ ​ໃຫ້​ທຳ​ການ​ໂຈມ​ຕີທາງ​
ອາກາດ ​ເປັນ​ເວລາ​ດົນ​ເຖິງຫົກ​ເດືອນ. ນອກ​ນັ້ນ​ ຍັງ​ຫ້າມ​
ການ​ໃຊ້​ກຳລັງ​ພາກ​ພື້ນ​ດິນ ​ໃນ​ການ​ປະ​ຕິບັດ​ງານສູ້​ລົບ​ໃດໆ.

ນາຍົກລັດຖະມົນຕີກາ​ນາ​ດາ ທ່ານ Stephen Harper
ກ່າວວ່າ ລັດຖະບານ​ຂອງ​ທ່ານບໍ່​ໄດ້​ຖື​ເບົາການ​ຕັດສິນ​ໃຈນີ້
​ແຕ່​ວ່າ ກຸ່ມ​ລັດ​ອິສລາມ​ແມ່ນ​ເປັນ​ໄພ​ຂົ່ມຂູ່​ຢ່າງ​ແທ້​ຈິງ.

ທ່ານ​ກ່າວ​ວ່າ ແນວ​ໂຮມທີ່​ນຳພາໂດຍສະຫະລັດນັ້ນ ຕ້ອງ​ປະຕິບັດ​ງານ​ເພື່ອ​ຢຸດ​ກຸ່​ມດັ່ງ
ກ່າວ ບໍ່​ໃຫ້​ແຜ່​ຂະຫຍາຍອອກ​ໄປ​ອີກ ​ແລະ​ຂັດຂວາງ​ບໍ່​ໃຫ້​ພວກ​ເຂົາ ສາມາດທຳ​ການ
​ໂຈມ​ຕີ ​ຢູ່​ນອກ​ຂົງ​ເຂດ​ໄດ້.

ຖະແຫລ​ງການ​ສະບັບ​ນຶ່ງ​ຈາກທຳນຽບຂາວ ກ່າວວ່າ ສະຫະລັດ ຈະ​ປະຕິບັດ​ງານຮ່ວມ​
ກັບ​ບັນດາພາຄີ​ຂອງ​ຕົນ​ ເພື່​ອ “​ເສີມຂະ​ຫຍາ​ຍ​ແນວທາງການ​ປະຕິບັດ​ງານ​ຮອບດ້ານ
​ແລະ​ຍືນ​ຍົງ​ຂອງ​ພວກ​ເຮົາ ​ເພື່ອ​ສ້າງ​ຄວາມ​ເສື່ອມ​ເສຍ ​ແລະ ​ໃນ​ທີ່​ສຸດ​ ທຳລາຍ​ໃຫ້​ດັບ
​ສູນ” ກຸ່ມ​ຫົວ​ຮຸນ​ແຮງ​ລັດ​ອິສລາມ ນັ້ນ.

​ໃນ​ຂະນະ​ດຽວກັນ ທູດ​ພິ​ເສດສະຫະ​ປະຊາ​ຊາດ ສຳ​ຫລັບ​ຊີ​ເຣຍ​ ​ເຕືອນ​ວ່າ ພວກ​ນັກ​ລົບ
​ເຄີດ ທີ່ກຳລັງ​ປ້ອງ​ກັນ ເມືອງ Kobani ທາງ​ພາ​ກ​ເໜືອ​ຂອງ​ຊີ​ເຣຍ ທີ່​ມີ​ອີກ​ຊື່​ນຶ່ງ​ວ່າ Ayn
al-Arab ນັ້ນ ​ແມ່ນໃກ້​ຈະ​ບໍ່​ສາມາດຍັບ​ຍັ້ງ ພວກ​ຫົວ​ຮຸນ​ແຮງໄວ້ໄດ້​ແລ້ວ.

ISLAMIC STATE SOTVO
please wait
Embed

No media source currently available

0:00 0:01:38 0:00

XS
SM
MD
LG