ໃນວັນອາທິດມື້ນີ້ ປະທານາທິບໍດີ ບາຣັກ ໂອບາມາ ຈະ ເດີນທາງໄປຢ້ຽມຢາມເປັນເທື່ອທໍາອິດ ພາກພື້ນດິນທີ່ໄດ້ ຮັບຄວາມຫາຍະນະຈາກລົມພາຍຸ ທໍເນໂດທີ່ຮ້າຍແຮງເອົາຊີວິດຜູ້ຄົນຫລາຍທີ່ສຸດລູກນຶ່ງ ທີ່ເຄີຍປະທະສະຫະລັດ.
ຈໍານວນຜູ້ເສຍຊີວິດໃນເມືອງ Joplin ລັດມີສຊູລີ ໃນເຂດ ພາກກາງຂອງສະຫະລັດ ຊຶ່ງເປັນເມືອງທີ່ຖືກປະທະຮຸນແຮງ ທີ່ສຸດ ແມ່ນມີຮອດ 139 ຄົນ ກັບອີກ 100 ທີ່ຍັງຊອກຫາບໍ່ເຫັນ ໃນແລງວັນເສົາວານນີ້ ພວກເຈົ້າໜ້າ ທີ່ໄດ້ປັບໂຕເລກຜູ້ເສຍຊີວິດ ລົງມາຈາກ 142 ຄົນໂດຍບໍ່ໃຫ້ຄໍາອະທິ ບາຍໃດໆ.
ພວກເຈົ້າໜ້າທີ່ກ່າວວ່າ ສົບຂອງຜູ້ເສຍຊີວິດບາງຄົນຈາກລົມພາຍຸທີ່ຮຸນແຮງທີ່ສຸດເມື່ອວັນ ອາທິດແລ້ວນີ້ ແມ່ນຢູ່ໃນສະພາບແຫລກໝຸ່ນຈົນບໍ່ ສາມາດຈະບອກໄດ້ ຊຶ່ງຈໍາເປັນຈະຕ້ອງໄດ້ມີການກວດເບິ່ງ ດີເອັນເອ ແລະປະຫວັດແຂ້ວ ເພື່ອບອກຊື່ສຽງຜູ້ຕາຍໄດ້.
ປະທານາທິບໍດີ ໂອບາມາ ມີແຜນການທີ່ຈະພົບປະກັບພວກປະຊາຊົນທີ່ຖືກກະທົບໂດຍ ລົມພາຍຸທໍເນໂດນັ້ນ ແລະຈະປຶກສາຫາລືກ່ຽວກັບເລື້ອງຄວາມພະຍາຍາມໃນການຕອບ ສະໜອງໃຫ້ຄວາມຊ່ວຍເຫລືອປະຊາຊົນ ກັບພວກເຈົ້າໜ້າທີ່ທ້ອງຖິ່ນ. ທ່ານໂອບາມາໄດ້ໃຫ້ ຄໍາໝັ້ນສັນຍາວ່າ ລັດຖະບານຈະກະທໍາທຸກໆຢ່າງທີ່ສາມາດເຮັດໄດ້ ເພື່ອຊ່ວຍພວກປະຊາ ຊົນຟື້ນຕົວຄືນ ແລະສ້າງສາຄືນໃໝ່.
ທ່ານ Jay Nixon ຜູ້ວ່າການລັດມີສຊູລີ ໄດ້ປະກາດໃຫ້ວັນອາທິດມື້ນີ້ ເປັນ “ວັນແຫ່ງ ການສວດມົນໄຫວ້ວອນ ແລະຄວາມຊົງຈໍາຂອງລັດ.”