ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກຳປັ່ນລົບ ຂອງສະຫະລັດ ແລ່ນຜ່ານຊ່ອງແຄບໄຕ້ຫວັນ ອີກຄັ້ງນຶ່ງ


ພາບນີ້ໄດ້ມາຈາກກອງທັບເຮືອສະຫະລັດ ໃນວັນທີ 23 ຕຸລາ 2018 ສະແດງໃຫ້ເຫັນກຳປັ່ນພິຄາດບັນທຸກລູກສອນໄຟນຳວິຖີ ລຸ້ນອາຣເລ ເບີກ (Arleigh Burke) ທີ່ມີຊື່ວ່າ USS Curtis Wilbur ໃນຂະນະທີ່ເຂົ້າຮ່ວມໃນການຊ້ອມລົບ ຢູ່ໃນທະເລຟີລິບປິນ ໃນວັນທີ 28 ກຸມພາ 2018.
ພາບນີ້ໄດ້ມາຈາກກອງທັບເຮືອສະຫະລັດ ໃນວັນທີ 23 ຕຸລາ 2018 ສະແດງໃຫ້ເຫັນກຳປັ່ນພິຄາດບັນທຸກລູກສອນໄຟນຳວິຖີ ລຸ້ນອາຣເລ ເບີກ (Arleigh Burke) ທີ່ມີຊື່ວ່າ USS Curtis Wilbur ໃນຂະນະທີ່ເຂົ້າຮ່ວມໃນການຊ້ອມລົບ ຢູ່ໃນທະເລຟີລິບປິນ ໃນວັນທີ 28 ກຸມພາ 2018.

ກຳປັ່ນລົບຂອງສະຫະລັດ ໄດ້ແລ່ນຜ່ານເສັ້ນທາງທີ່ມີຄວາມຫຼໍ່ແຫຼມທາງທະເລອີກຄັ້ງນຶ່ງ ບ່ອນທີ່ເປັນເຂດແບ່ງແຍກໄຕ້ຫວັນ ອອກຈາກຈີນທີ່ເປັນປະເທດເພື່ອນບ້ານຍັກໃຫຍ່ຂອງຕົນ, ໃນຊ່ວງເວລາທີ່ມີຄວາມເຄັ່ງຕຶງເພີ້ມຂຶ້ນເລື້ອຍໆລະຫວ່າງໄທເປ ແລະປັກກິ່ງ ອີງຕາມລາຍງານຂອງອົງການຂ່າວຣອຍເຕີສ໌.

ກອງທັບເຮືອທີ 7 ຂອງສະຫະລັດ ໄດ້ກ່າວວ່າ ກຳປັ່ນພິຄາດບັນທຸກລູກໄຟນຳວິຖີ ລຸ້ນອາຣເລ ເບີກ (Arleigh Burke) ທີ່ມີຊື່ວ່າ USS Curtis Wilbur ໄດ້ທຳການ “ແລ່ນຜ່ານຊ່ອງແຄບໄຕ້ຫວັນ ຕາມປົກກະຕິ” ໃນວັນອັງຄານວານນີ້ ຊຶ່ງເປັນການສອດຄ່ອງກັບກົດໝາຍສາກົນ.

ກອງທັບເຮືອສະຫະລັດ ໄດ້ກ່າວວ່າ “ການແລ່ນຜ່ານຊ່ອງແຄບໄຕ້ຫວັນຂອງກຳປັ່ນນັ້ນ ສະແດງໃຫ້ເຫັນເຖິງຄວາມໝັ້ນໝາຍຂອງສະຫະລັດຕໍ່ການມີເສລີພາບແລະເປີດກວ້າງ ໃນອິນໂດ-ປາຊີຟິກ. ກອງທັບສະຫະລັດ ຈະສືບຕໍ່ສົ່ງເຮືອບິນ ກຳປັ່ນ ໃຫ້ແລ່ນຜ່ານ ແລະປະຕິບັດການຢູ່ທົ່ວທຸກແຫ່ງທີ່ກົດໝາຍສາກົນອະນຸຍາດໃຫ້.”

ກະຊວງປ້ອງກັນປະເທດຂອງໄຕ້ຫວັນ ໄດ້ກ່າວວ່າ ກຳປັ່ນລົບດັ່ງກ່າວ ໄດ້ແລ່ນຜ່ານຊ່ອງແຄບ ໂດຍມຸ່ງໜ້າໄປທາງທິດໃຕ້ ແລະ “ເປັນສະຖານະການທີ່ທຳມະດາ.”

ກອງທັບເຮືອສະຫະລັດໄດ້ ດຳເນີນການປະຕິບັດງານດັ່ງກ່າວ ໃນແຕ່ລະເດືອນຫຼື ປະມານນັ້ນ, ເຖິງແມ່ນວ່າ ຈີນຈະໂກດແຄ້ນ ຊຶ່ງພວກເຂົາໄດ້ກ່າວປະນາມການກະທຳດັ່ງກ່າວຢູ່ສະເໝີ ກໍຕາມ.

ສະຫະລັດ ຄືກັນກັບປະເທດທັງຫຼາຍ ບໍ່ໄດ້ມີສາຍສຳພັນທາງການທູດທີ່ເປັນທາງການກັບໄຕ້ຫວັນ ແຕ່ເປັນຕ່າງປະເທດໃຫ້ການສະໜັບສະໜຸນທີ່ສຳຄັນຍິ່ງຂອງໄຕ້ຫວັນ ແລະເປັນຜູ້ຂາຍອາວຸດລາຍໃຫຍ່ນຳດ້ວຍ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG