ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສົງ​ຄາມ​ຕ້ານ ​ການກໍ່​ການ​ຮ້າຍ ເຮັດ​ໃຫ້ຄົນ​ ເສຍ​ຊີ​ວິດ ຢູ່​ ອັ​ຟ​ກາ​ນິ​ສ​ຖານ ປາ​ກິ​ສ​ຖານ ແລະ​ ອີ​ຣັກ ເກືອບຮອດ ​5 ແສນ ຄົນ


Protesters raise a giant sign depicting Russia's President Vladimir Putin as an octopus with its arms wrapping around the countries of Georgia, Syria and Ukraine, as well as the world globe, during a demonstration in the city of Binnish in Syria's northwestern rebel-held Idlib province.
Protesters raise a giant sign depicting Russia's President Vladimir Putin as an octopus with its arms wrapping around the countries of Georgia, Syria and Ukraine, as well as the world globe, during a demonstration in the city of Binnish in Syria's northwestern rebel-held Idlib province.

ການ​ສຶກ​ສາ​ຄົ້ນ​ຄວ້າ ທີ່​ເປີດ​ເຜີຍ​ອອກ​ມາ​ໃນວັນ​ພະ​ຫັດ​ວານນີ້ ພົບ​ວ່າສົງ​ຄາມ​ຕ້ານ
​ການກໍ່​ການ​ຮ້າຍ​ທີ່​ນຳ​ໜ້າ​ໂດຍ​ສະ​ຫະ​ລັດ​ນັ້ນໄດ້​ສັງ​ຫານ​ຊີ​ວິດ ປະ​ມານ 507,000
ຄົນ​ໃນ​ອີ​ຣັກ, ອັ​ຟ​ກາ​ນິ​ສ​ຖານ ແລະ​ປາ​ກິ​ສ​ຖານ ຢູ່​ໃນ​ໄລ​ຍະ 17 ປີ​ແຫ່ງ​ການ​ເຮັດ​ສົງ​
ຄາມ​ດັ່ງ​ກ່າວນີ້ ແລະ​ໄດ້​ສະ​ແດງ​ໃຫ້​ເຫັນ​ວ່າຈຳ​ນວນ​ຄົນ​ຕາຍ ໄດ້​ເພີ້ມ​ຂຶ້ນ 22 ເປີ​ເຊັນ
​ໃນ​ສອງ​ປີ​ຜ່ານ​ມານີ້.

ໃນ​ຈຳ​ນວນ​ພວກ​ເສຍ​ຊີ​ວິດ​ລວມ​ມີ ທະ​ຫານຂອງ​ສະ​ຫະ​ລັດ ແລະ​ຂອງ​ປະ​ເທດ​ພັນ​ທະ​
ມິດ, ພົນ​ລະ​ເຮືອນ​ຢູ່​ໃນ​ເຂດ​ທີ່​ມີ​ສົງ​ຄາມ, ກຳ​ລັງ​ທະ​ຫານ ແລະ​ຕຳ​ຫລວດ​ໃນທ້ອງ​ຖິ່ນ​
ດັ່ງ​ກ່າວ ລວມ​ທັງ​ພວກ​ນັກ​ລົບ​ຫົວ​ຮຸນ​ແຮງ ທີ່​ເສຍ​ຊີ​ວິດ​ຍ້ອນ​ຄວາມ​ຮຸນ​ແຮງ​ຂອງ​ສົງ​
ຄາມ, ອີງ​ຕາມ​ການ​ລາຍ​ງານ​ຂອງ​ໂຄງ​ການ​ຄ່າ​ເສຍ​ຫາຍ ຂອງ​ສົງ​ຄາມ​ຂອງ​ມະ​ຫາ​ວິ​
ທະ​ຍາ​ໄລ​ບ​ຣາວ.

ບົ​ດ​ລາຍ​ງານ​ດັ່ງ​ກ່າວ​ຍັງ​ເວົ້າ​ອີກວ່າ ຈຳ​ນວນ​ຄົນ​ທີ່​ເສຍ​ຊີ​ວິດ​ແບບ​ທາງ​ອ້ອມ ແມ່ນ
​ຫລາຍກວ່າ​ການ​ຕາຍ​ຍ້ອນຄວາມ​ຮຸນ​ແຮງ​ຂອງ​ສົງ​ຄາມ​ໂດຍ​ກົງ ຊຶ່ງ​ເຮັດ​ໃຫ້​ມີ​ຄົນ
​ເສຍ​ຊິ​ວິດ​ທັງ​ໝົດ​ຫລາຍ​ກວ່າ 1 ລ້ານ​ຄົນ​ນັ້ນ ຕັ້ງ​ຫລາຍ​ເທົ່າ.

ຈຳນວນຄົນ​ເສຍ​ຊີ​ວິດ ຢູ່​ອັ​ຟ​ກາ​ນິ​ສ​ຖານຮອດ​ເດືອນ​ຕຸ​ລາ 2018 ມີ​ປະ​ມານ 147,000
ຊຶ່ງ​ລວມ​ທັງ​ກຳ​ລັງ​ຮັກ​ສາ​ຄວາມ​ສະ​ຫງົບ, ພົນ​ລະ​ເຮືອນ, ແລະ​ນັກ​ລົບ​ຂອງ​ຝ່າຍ​ກົງ​ກັນ​
ຂ້າມ. ໃນ​ຈຳ​ນວນນີ້ ຍັງ​ລວມ​ມີການ​ເສຍ​ຊີ​ວິດ​ຂອງ ທະ​ຫານ​ອາ​ເມ​ຣິ​ກັນ ແລະ​ພວກ​ສັນ
​ຍາ​ຈ້າງ 6,334 ຄົນ ລວມ​ທັງ​ທະ​ຫານ​ຂອງ​ພວກ​ພັນ​ທະ​ມິດ 1,100 ຄົນ.

ຄົນ​ລໍ​ຖ້າ​ຫາມ​ເອົາ​ສົບ​ຂອງ​ສະ​ມາ​ຊິກ​ຄອບ​ຄົວ ທີ່​ເສຍ​ຊີ​ວິດ​ຍ້ອນການ​ໂຈມ​ຕີ​ຢູ່​ໂຮງ​ຮຽນຝຶກ​ຕຳ​ຫລວດຢູ່​ເມືອງ Quetta ຂອງ​ປາ​ກິ​ສ​ຖານໃນ​ວັນ​ທີ 25 ຕຸ​ລາ 2016
ຄົນ​ລໍ​ຖ້າ​ຫາມ​ເອົາ​ສົບ​ຂອງ​ສະ​ມາ​ຊິກ​ຄອບ​ຄົວ ທີ່​ເສຍ​ຊີ​ວິດ​ຍ້ອນການ​ໂຈມ​ຕີ​ຢູ່​ໂຮງ​ຮຽນຝຶກ​ຕຳ​ຫລວດຢູ່​ເມືອງ Quetta ຂອງ​ປາ​ກິ​ສ​ຖານໃນ​ວັນ​ທີ 25 ຕຸ​ລາ 2016

ບົດ​ລາຍ​ງານນັ້ນ​ເວົ້າ​ອີກວ່າ ຄວາມ​ຮຸນ​ແຮງ​ທີ່​ກ່ຽວ​ຂ້ອງ​ກັບ​ສົງ​ຄາມ ໄດ້​ສັງ​ຫານ​ຊີ​ວິດຂອງ
65,000 ຄົນໃນ​ປາ​ກິ​ສ​ຖານ​ປະ​ເທດ​ເພື່ອ​ບ້ານນັ້ນ ຊຶ່ງ​ລວມ​ມີ ພວກ​ສັນ​ຍາ​ຈ້າງ 90 ຄົນ
ແລະພະ​ນັກ​ງານ​ຮັກ​ສາ​ຄວາມ​ປອດ​ໄພ​ໃນ​ທ້ອງ​ຖິ່ນເກືອບ​ຮອດ 9,000 ຄົນ ແລະ​ພົນ​ລະ
​ເຮືອນ​ຫລາຍກວ່າ 23,000 ຄົນ. ສ່ວນ​ຈຳ​ນວນ​ຄົນ​ຕາຍ​ທີ່​ຍັງ​ເຫລືອ​ແມ່ນ​ພວກ​ນັກ​ຕໍ່​ສູ້​
ຕ້ານ​ລັດ​ຖະ​ບານ.

ໃນ​ຈໍ​ນວນ​ຄົນ​ຕາຍ​ເຫລົ່າ​ນີ້, ປະ​ມານ 268,000 ຫາ 295,000 ຄົນ​ແມ່ນ​ເກີດ​ຂຶ້ນ​ຢູ່​ອີ​ຣັກ
ທີ່​ການ​ເຂົ້າ​ແຊກ​ແຊງ​ທາງ​ທະ​ຫານ​ທີ່​ນຳ​ພາ​ໂດຍ​ສະ​ຫະ​ລັດ ທີ່​ເລີ້ມ​ຂຶ້ນ​ໃນ​ປີ 2003.

ບົດ​ລາຍ​ງານ​ດັ່ງ​ກ່າວ​ເວົ້າ​ວ່າ "ເຖິງ​ແມ່ນ​ວ່າ​ສົງ​ຄາມ​ຕ້ານ​ການກໍ່ການ​ຮ້າຍ​ມັກ​ຈະ​ຖືກມອງ
​ຂ້າມໂດຍ​ປະ​ຊາ​ຊົນ​ອາ​ເມຣິ​ກັນ, ວົງ​ການ​ຂ່າວ ແລະ​ພວກ​ສະ​ມາ​ຊິກລັດ​ຖະ​ສະ​ພາກໍ​ຕາມ
ການ​ເພີ້ມ​ຂຶ້ນ​ຂອງ​ຈຳ​ນວນ​ຄົນ​ເສຍ​ຊີ​ວິດ​ໄດ້​ສົ່ງ​ສັນ​ຍານ​ທີ່ສະ​ແດງ​ໃຫ້​ເຫັນ​ວ່າສົງ​ຄາມນີ້
​ຍັງ​ມີ​ຄວາມ​ໜັກ​ໜ່ວງ​ຢູ່, ​ຈະບໍ່​ຫລຸດ​ຖອຍ​ໄປ​ໄດ້​ງ່າຍ. ມັນ​ຍັງກ່າວ​ຢ່າງ​ໂສກ​ເສົ້າ​ວ່າ ສົງ
​ຄາມ​ສະ​ຫະ​ລັດ ໄດ້ ແລະ​ກໍ​ສືບ​ຕໍ່​ເຮັດ​ໃຫ້​ປະ​ຊາ​ຊົນ​ໃນ​ອັ​ຟ​ກາ​ນິ​ສ​ຖານ, ອີ​ຣັກ ແລະ​ປາ
​ກິ​ສ​ຖານອົບ​ພະ​ຍົບ​ຫລົບ​ໜີຢ​ປ​ຈາກ​ບ້ານ ຢູ່​ອາ​ໄສ​ຂອງ​ຕົນ.

ທ່ານ​ສາ​ມາດ​ອ່ານ​ບົດ​ລາຍ​ງານນີ້ ໄດ້​ໃນ​ເວັບ​ໄຊ https://watson.brown.edu/costsofwar/


ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ກະຈາຍສຽງຂອງວີໂອເອລາວ ວັນທີ 29 ມີນາ 2024

XS
SM
MD
LG