ເຮືອບິນລົບຂອງກອງທັບອາກາດສອງລຳໄດ້ກຽມພ້ອມໃນການຕໍ່ສູ້ຂອງເຮືອບິນໃນລັດ ຄາລິຟໍເນຍ. ເຊິ່ງລຳນຶ່ງແມ່ນບັນຊາໂດຍຄົນຂັບເຮືອບິນ ແລະ ອີກລຳນຶ່ງບໍ່ແມ່ນ.
ເຮືອບິນລົບລຳທີສອງນັ້ນແມ່ນຂັບໂດຍປັນຍາປະດິດ, ໂດຍມີພົນລະເຮືອນທີ່ມີຕຳແໜ່ງສູງສຸດຂອງກອງທັບອາກາດຂີ່ໄປນຳໃນຕັ່ງໜ້າ. ມັນເປັນການສະແດງທີ່ສຸດຍອດ ກ່ຽວກັບ ວ່າກອງທັບອາກາດໄດ້ກ້າວໜ້າໄປໄກຊ່ຳໃດໃນການພັດທະນາເທັກໂນໂລຈີດ້ວຍຮາກເຫງົ້າຂອງມັນໃນຊຸມປີ 1950. ແຕ່ມັນເປັນພຽງສິ່ງບົ່ງບອກ ກ່ຽວກັບ ເທັກໂນໂລຈີທີ່ຈະມີຂຶ້ນໃນອະນາຄົດ.
ສະຫະລັດ ແມ່ນກຳລັງແຂ່ງຂັນເພື່ອນຳໜ້າຈີນ ກ່ຽວກັບ ປັນຍາປະດິດ ແລະ ການໃຊ້ລະບົບອາວຸດຂອງເຂົາເຈົ້າ. ການເພັ່ງເລັງໃສ່ປັນຍາປະດິດແມ່ນໄດ້ກໍ່ໃຫ້ເກີດຄວາມເປັນຫ່ວງຂອງສາທາລະນະວ່າ ສົງຄາມໃນອະນາຄົດຈະເປັນການຕໍ່ສູ້ໂດຍເຄື່ອງຈັກທີ່ເລືອກ ແລະ ໂຈມຕີເປົ້າໝາຍໂດຍປາສະຈາກການແຊກແຊງຂອງມະນຸດໂດຍກົງ. ບັນດາເຈົ້າໜ້າທີ່ກ່າວວ່າສິ່ງນີ້ຈະບໍ່ມີວັນເກີດຂຶ້ນ, ຢ່າງໜ້ອຍບໍ່ແມ່ນໃນຝ່າຍຂອງ ສະຫະລັດ. ແຕ່ມັນມີຄຳຖາມຕ່າງໆ ກ່ຽວກັບ ສັດຕູທີ່ອາດເປັນໄປໄດ້ໃນອະນາຄົດ ຈະໃຊ້, ແລະ ກອງທັບບໍ່ເຫັນທາງເລືອກອື່ນ ແຕ່ສ້າງຄວາມສາມາດຂອງ ສະຫະລັດ ໃຫ້ໄວ.
ພົນເຮືອເອກ ຄຣິສໂຕເຟີ ເກຣດີ, ຮອງປະທານຂອງເສນາທິການຮ່ວມກ່າວວ່າ “ບໍ່ວ່າເຈົ້າຢາກຈະເອີ້ນມັນວ່າການແຂ່ງຂັນຫຼືບໍ່, ມັນແມ່ນຢ່າງແນ່ນອນ. ພວກເຮົາທັງສອງໄດ້ຮັບຮູ້ວ່ານີ້ຈະເປັນອົງປະກອບທີ່ສຳຄັນຫຼາຍໃນສະໜາມລົບໃນອະນາຄົດ. ຈີນ ແມ່ນກຳລັງເຮັດວຽກ ກ່ຽວກັບ ມັນຢ່າງໜັກຄືກັນກັບພວກເຮົາ.”
ຟໍຣັມສະແດງຄວາມຄິດເຫັນ