ອົງການປົກປ້ອງສິ່ງແວດລ້ອມ ຂອງ ສະຫະລັດ ຫລື EPA ໄດ້
ສັ່ງໃຫ້ບໍລິສັດຜະລິດລົດ Volkswagen ຂອງເຢຍຣະມັນຮ້ອງ
ຄືນລົດເກືອບ 500,000 ຄັນໃນຖານມີຄວາມຕັ້ງໃຈຝ່າຝືນກົດ
ໝາຍວ່າດ້ວຍອາກາດສະອາດ.
ອົງການ EPA ກ່າວໃນວັນສຸກວານນີ້ວ່າ ບໍລິສັດ Volkwagen
ໄດ້ຕິດຕັ້ງອັນທີ່ເອີ້ນວ່າ "ເຄື່ອງມືເອົາຊະນະ” ຊອບແວໃສ່ລົດທີ່
ແລ່ນດ້ວຍ “ກາຊວນ” ທີ່ຈະ ເປີດເຄື່ອງຄວບຄຸມມົນລະພິດ ໃນ
ເວລາທີ່ລົດກຳລັງຖືກກວດສອບ ແບບບັງຄັບ ເທົ່ານັ້ນ ຊຶ່ງໝາຍ
ຄວາມວ່າ ເຄື່ອງຄວບຄຸມໄດ້ປິດລົງທັງໝົດເວລາມີການຂັບລົດ
ໃນແຕ່ລະມື້.
ອົງການ EPA ກ່າວວ່າ ລົດໄດ້ປ່ອຍທາດ nitrogen oxide ສູງເຖິງ 40ເທົ່າ ກາຍຂີດ
ຈຳກັດ ທີ່ອະນຸຍາດໃຫ້ ພາຍໃຕ້ກົດໝາຍ ວ່າດ້ວຍອາກາດສະ ອາດຂອງລັດຖະບານ
ກາງ. ທາດ Nitrogen oxide ເປັນອົງປະກອບທີ່ສຳຄັນຂອງມົນລະພິດ ຊຶ່ງໄດ້ພົວພັນ
ກັບບັນຫາໂຣກຫືດ ແລະພະຍາດກ່ຽວກັບລະບົບ ຫາຍໃຈຕ່າງໆ.
ທ່ານນາງ Cynthia Giles ຮອງຫົວໜ້າອົງການ EPA ຮັບຜິດຊອບກ່ຽວກັບ ການຈັດ
ຕັ້ງປະຕິບັດກ່າວວ່າ “ພວກເຮົາຄາດໝາຍວ່າບໍລິສັດ Volkswagen ຈະເຮັດດີກວ່ານີ້.
ບັນດາຜູ້ຄວບຄຸມກົດລະບຽບ ໃນລັດ California ໄດ້ອອກຄຳເຕືອນຕ່າງຫາກ ຕໍ່ບໍລິ
ລັດລົດ Volkswagen ແລະໄດ້ຮ່ວມສົມທົບກັບອົງ ການ EPA ແລະກະຊວງຍຸຕິທຳ
ໃນການສືບສວນກ່ຽວກັບການກ່າວຫານີ້.
ບໍລິສັດ Volkswagen ໄດ້ອອກຖະແຫລງການ ກ່າວວ່າ ຕົນໄດ້ໃຫ້ການຮ່ວມມືກັບ
ການສືບສວນດັ່ງກ່າວ.
ລົດ Volkswagen ເຫຼົ່ານີ້ໄດ້ຂາຍຢູ່ໃນສະຫະລັດ ລະຫວ່າງປີ 2009 ຫາປີ 2015
ຮວມທັງລຸ້ນທີ່ໄດ້ຮັບຄວາມນິຍົມສູງເຊັນວ່າ Jetta, Beetle, Passat ແລະ Audi A3. ອົງການEPA ໄດ້ສັ່ງໃຫ້ບໍລິສັດ Volkswagen ແປງລົດທັງໝົດໂດຍໃຊ້ເງິນຕົນເອງ
ແລະອາດຈະຖືກບັງຄັບໃຫ້ຈ່າຍຄ່າປັບໃໝ 18 ພັນ ລ້ານໂດລາ ຊຶ່ງເທົ່າກັບ 37,500
ໂດລາຕໍ່ຄັນ ຂອງລົດທີ່ຮ້ອງກັບຄືນ.
