ສານແຫ່ງນຶ່ງຂອງຫວຽດນາມໄດ້ຕັດສິນໂທດຈຳຄຸກຜູ້ຊາຍ 3 ຄົນ ດົນເຖິງ 9 ປີໃນຄວາມ
ຜິດຖານຈັດແຈງໃຫ້ມີການນັດຢຸດງານຂອງພວກກຳມະກອນ ແລະແຈກຢາຍໃບປິວຕໍ່ຕ້ານ ລັດຖະບານ.
ຂະນະດຽວກັນ ສະມາຊິກລັດຖະສະພາແລະຄະນະກຳມາທິການທີ່ເປັນອິດສະຫຼະຂອງລັດ
ຖະບານສະຫະລັດ ກໍໄດ້ພາກັນປະທ້ວງ ຕໍ່ການດຳເນີນຄະດີໃນວັນພຸດມື້ນີ້ ພວກທີ່ນັບຖື
ສາສະໜາກາໂຕລິກ 6 ຄົນທີ່ຖືກກ່າວຫາວ່າ ທຳພິທີຝັງສົບແບບຝ່າຝືນຕໍ່ຄຳສັ່ງຫ້າມຂອງ ລັດຖະບານ.
ຄະດີດັ່ງກ່າວ ໄດ້ເນັ້ນໃຫ້ເຫັນເຖິງປະວັດໃນການນັບຖືສິດທິມະນຸດຂອງຫວຽດນາມ ຂະນະ
ທີ່ພວກຜູ້ນຳຂອງປະເທດຕ່າງໆຈາກເຂດເອເຊຍປາຊີຟິກ ເດີນທາງໄປເຖິງນະຄອນຫຼວງຮ່າ
ໂນ່ຍ ເພື່ອເຂົ້າຮ່ວມກອງປະຊຸມລະດັບສູງ.
ນຶ່ງໃນບັນດາພວກນັກເຄື່ອນໄຫວ ທາງດ້ານແຮງງານກຸ່ມນີ້ ໄດ້ຖືກຕັດສິນຈຳຄຸກເປັນເວລາ
9 ປີແລະອີກ 2 ຄົນຖືກຕັດສິນຈຳຄຸກ 7 ປີ. ນຶ່ງໃນນັ້ນແມ່ນຜູ້ກໍ່ຕັ້ງອົງການສາມັກຄີກຳມະ
ກອນ-ພໍ່ນາຂອງຫວຽດນາມ ຊຶ່ງເປັນກຳມະບານທີ່ບໍ່ໄດ້ຮັບການອະນຸມັດຈາກທາງການ ທີ່
ເຮັດວຽກຮ່ວມກັບ ພວກພໍ່ນາຊາວໄຮ່ຊາວສວນ ທີ່ຖືກພວກເຈົ້າໜ້າທີ່ ຢຶດເອົາທີ່ດິນໄປ.
