ສະຫະລັດແລະຫວຽດນາມຖະແຫລງວ່າ ພວກຕົນໄດ້ເສັດສີ້ນການຊອກຄົ້ນຢູ່ໃຕ້ນໍ້າທະເລ ຫາພວກທະຫານອະເມຣິກັນທີ່ຫາຍສາບສູນ ໃນປາງສົງຄາມຫວຽດ ນາມນັ້ນແລ້ວ.
ກໍາປັ່ນສໍາຫລວດພື້ນທີ່ທະເລ Bowditch ຂອງກອງທັບເຮືອສະຫະລັດ ໄດ້ປະກອບສ່ວນໃນການຄົ້ນຊອກຫາ ເປັນເວລາ 4 ອາທິດ ທີ່ໄດ້ສິ້ນສຸດລົງໃນວັນຈັນມື້ນີ້ ຊຶ່ງນັບວ່າເປັນຄັ້ງທີ່ 2 ເທົ່ານັ້ນ ທີ່ກໍາປັ່ນຂອງສະຫະລັດໄດ້ເຂົ້າຮ່ວມໃນການ ຊອກຄົ້ນຫາ ທີ່ໄດ້ມີມາແລ້ວທັງໝົດ 103 ຄັ້ງ ລະຫວ່າງສະຫະລັດແລະທາງການຫວຽດນາມນັ້ນ.
ສະຖານທູດສະຫະລັດປະຈໍາຫວຽດນາມໃນນະຄອນຫລວງຮາໂນ່ຍກ່າວວ່າ ກໍາປັ່ນ
Bowdicth ຊຶ່ງພວກລູກເຮືອເປັນພົນລະເຮືອນທັງໝົດນັ້ນ ແມ່ນເປັນພາຫະນະທີ່ເໝາະສົມ
ທີ່ສຸດ ສໍາລັບທໍາການຄົ້ນຫາຊາກຫັກພັງຂອງເຮືອບິນທີ່ຕົກລົງໄປໃນທ້ອງທະເລ.
ທາງສະຖານທູດກ່າວວ່າ ຍັງມີເຮືອບິນຂອງສະຫະລັດ ຈໍານວນ ຫລາຍຮ້ອຍລໍາ ພ້ອມກັບ
ລູກເຮືອ ຍັງຫາຍສາບສູນຢູ່ໃນທະເລນອກຝັ່ງຂອງຫວຽດນາມນັ້ນ.
ທາງສະຖານທູດສະຫະລັດບໍ່ໄດ້ກ່າວເຖິງວ່າ ໄດ້ມີການຄົ້ນພົບເຮືອບິນຫລືບໍ່ ໃນການຄົ້ນຫາ
ເທື່ອຫລ້າສຸດນີ້.
