ລິ້ງ ສຳຫລັບເຂົ້າຫາ

ວັນພຸດ, ໐໖ ທັນວາ ໒໐໒໓

ສຫລ ຈະສົ່ງກໍ່າປັນ ຕັດນໍ້າກ້ອນ ໄປຊ່ວຍ ກໍ່າປັ່ນ ຣັດເຊຍ ແລະຈີນ ຢູ່ຂົ້ວໂລກໃຕ້ (ວີດີໂອ)


ກໍ່າປັ່ນ MV Akademik Shokalskiy ຂອງ ຣັດເຊຍ ທີ່ຕິດຄາ ແຜ່ນນໍ້າກ້ອນ ຢູ່ຂົ້ວໂລກໃຕ້
ກໍ່າປັ່ນ MV Akademik Shokalskiy ຂອງ ຣັດເຊຍ ທີ່ຕິດຄາ ແຜ່ນນໍ້າກ້ອນ ຢູ່ຂົ້ວໂລກໃຕ້
ໜ່ວຍ​ຍາມ​ຝັ່ງ​ສະຫະລັດ​ ເວົ້າ​ວ່າ ກໍ່າ​ປັ່ນ​ຂອງ​ຕົນ​ລໍາ​ນຶ່ງ​ ກໍາລັງ​ຕອບ​ສະໜອງ ຕາມ​ຄໍາ​ຮ້ອງ​ຂໍ​ຂອງ​ອອສ​ເຕຣ​ເລຍ ຣັດ​ເຊຍ ​ແລະ​ຈີນ ​ເພື່ອ​ຊ່ວຍກູ້ເອົາ​ກໍ່າ​ປັ່ນ​ສອງ​ລໍາ​ທີ່​ຕິດຄາ​ຢູ່ແຜ່ນ​ນໍ້າກ້ອນ​ໃນ ເຂດ​ຂົ້ວ​ໂລກ​ໃຕ້ນັ້ນ.

ໜ່ວຍ​ຍາມ​ຝັ່ງ​ເວົ້າ​ເມື່ອ​ວັນເສົາ​ວານ​ນີ້​ວ່າ ກໍ່າ​ປັ່ນ​ Polar Star ຊຶ່ງ​ເປັນ ກໍ່າ​ປັ່ນ​ຕັດ​ນໍ້າ​ແຂງຂອງ​ຕົນ ​ໄດ້​ຕັດ​ເວລາ​ລົງ​ໃນແຜນການ ຢຸດ​ແວ່​ຢູ່ເມືອງ ທ່າ Sydney ປະ​ເທດ​ອອສ​ເຕຣເລ​ຍ ​ເພື່ອ​ຊ່ວຍ​ກໍ່າ​ປັ່ນ​ສໍາຫຼວດ Akademik Shokalskiy ຂອງຣັດ​ເຊຍ ​ແລະ​ກໍ່າ​ປັ່ນຕັດນໍ້າ​ກ້ອນມັງກອນ ຫິມະ ​ຫລື Snow Dragon ຂອງ​ຈີນ.

​ໃນ​ຖະ​ແຫຼງການສະບັບນຶ່ງ​ນັ້ນ ນາຍ​ທະຫານ​ສະຫະລັດ ທ່ານ Paul Zukunft ​ເວົ້າ​ວ່າ ພາລະກິດສຳຄັນສຸດ​ຂອງ​ໜ່ວຍ​ຍາມ​ຝັ່ງ​ນັ້ນ ກໍ​ຄື​ຄວາມ​ປອດ​ໄພ​ຂອງ​ຊີວິດ​ຢູ່ໃນທ້ອງ​ທະ​ເລ. ທ່ານ​ພອລ ​ເວົ້າ​ວ່າ ນັ້ນ​ຄື​ເຫດຜົນ ທີ່ໜ່ວຍ​ຍາມ​ຝັ່ງ ທີ່​ຈະ​ຊ່ວຍ​ຕັດ​ນໍ້າກ້ອນ ອອກ​ຈາກ​ເສັ້ນທາງ​ເດີນ​ເຮືອ​ ສຳ ລັບ​ກໍ່າ​ປັ່ນ​ທັງ​ສອງ​ລໍາ ທີ່​ຕິດ​ຄ້າງດັ່ງກ່າວ​ນັ້ນ​.

ກໍ່າ​ປັ່ນ​ສໍາຫຼວດ Akademik Shokalskiy ຂອງ​ຣັດ​ເຊຍ ​ໄດ້​ຕິດ​ຄາ​ນໍ້າກ້ອນ ຢູ່​ເຂດ​ຂົ້ວ​ໂລກ​ໃຕ້​ ມາ​ຕັ້ງ​ແຕ່​ວັນ​ທີ 24 ​ເດືອນທັນວາ ຜ່ານ​ມາ​ນີ້. ​ເຮືອບິນ Helicopter ລໍາ​ນຶ່ງ​ຈາກ​ກໍ່າ​ປັ່ນ Snow Dragon ​ໄດ້​ຊ່ວຍ​ ກູ້ ເອົາຜູ້​ໂດຍສານ 52 ຄົນ ຈາກ​ ກໍ່າ​ປັ່ນຣັດ​ເຊຍ ​ເມື່ອ​ວັນ​ພະຫັດ​ຜ່ານ​ມາ​ນີ້ ​ໄປ​ສົ່ງໃຫ້ກໍ່​າປັ່ນຕັດນໍ້າ​ກ້ອນ Aurora Australis ຂອງ​ ອອສ​ເຕຣ​ເລຍແລ້ວ​.

​ແຕ່​ກໍ່າ​ປັ່ນ Snow Dragon ຂອງ​ຈີນ ກໍ​ໄດ້​ຕິດ​ຄາ​ນໍ້າ​ກ້ອນ​ເຊັ່ນ​ກັນ.

Antarctica Ship
please wait
Embed

No media source currently available

0:00 0:00:44 0:00
XS
SM
MD
LG