ນັກວິທະຍາສາດຄົນນຶ່ງແລະພັນ ລະຍາຂອງຜູ້ກ່ຽວ ຊຶ່ງທັງສອງ ຕ່າງກໍເຮັດວຽກ ຢູ່ທີ່ສູນກາງຄົ້ນ ຄວ້າ ທາງດ້ານນິວເຄລຍຂອງ ສະຫະລັດ ໄດ້ຖືກຈັບແລະຖືກ ກ່າວຫາວ່າພະຍາຍາມຈະຂາຍ ຄວາມລັບ ໃນການສ້າງອາວຸດ ນິວເຄລຍ ໃຫ້ແກ່ຄົນໆນຶ່ງ ທີ່ພວກເຂົາເຈົ້າຄິດວ່າ ເປັນເຈົ້າໜ້າທີ່ ຂອງເວເນຊູເອລາ.
ກະຊວງຍຸດຕິທຳຂອງສະຫະລັດກ່າວວ່າ ທ່ານ Pedro Leonardo Mascheroni ຄົນອະ ເມຣິກັນເຊື້ອສາຍອາເຈັນຕິນາແລະພັນລະຍາຂອງທ່ານນາງ Majorie Roxby Masche- roni ໄດ້ຖືກຈັບ ໃນມື້ວັນສຸກວານນີ້ ແລະໄດ້ໄປປາກົດໂຕ ທີ່ສານຂອງລັດຖະບານກາງສະ ຫະລັດ ຢູ່ເມືອງ Albuquerque ໃນລັດນິວເມັກຊິໂກ. ບຸກຄົນທັງສອງ ເຄີຍເປັນອະດີດພະ ນັກງານ ສັນຍາຈ້າງ ທີ່ສູນກາງຄົ້ນຄວ້າແຫ່ງຊາດ Los Alamos ຂອງສະຫະລັດ.
ສຳນວນຟ້ອງບໍ່ໄດ້ກ່າວຫາເວເນຊູເອລາຫຼືບຸກຄົນໃດບຸກຄົນນຶ່ງທີ່ດຳເນີນການ ໃນນາມຂອງ ປະເທດດັ່ງກ່າວ ຊອກສະແຫວງຫາ ຫຼືໄດ້ຮັບ ຂໍ້ມູນລັບໃດໆ.
ຄະນະໄອຍະການ ໄດ້ຟ້ອງຮ້ອງໃນຄວາມຜິດ 22 ກະທົງ ທີ່ທ່ານ Mascheroni ໄດ້ກ່າວ ຕໍ່ສາຍລັບຂອງອົງການສັນຕິບານກາງ FBI ຂອງສະຫະລັດ ທີ່ວ່າ ທ່ານສາມາດຊ່ອຍເວເນ ຊູເອລາໄດ້ ໃນການສ້າງອາວຸດນິວເຄລຍ ພາຍໃນເວລາ 10 ປີ.
