ລິ້ງ ສຳຫລັບເຂົ້າຫາ

ສັນຍານີວເຄລຍ ລະຫວ່າງ ສະຫະລັດ ແລະຣັດເຊຍ ມີຜົນບັງຄັບໃຊ້ແລ້ວ

  • ສິງ ບູຣົມມະວົງ

ລັດຖະມຸນຕີການຕ່າງປະເທດສະຫະລັດ ທ່ານນາງ Hillary Rodham Clinton, ເບື້ອງຂວາ ແລະທ່ານ Sergey Lavrov ລັດຖະມຸນຕີການຕ່າງປະເທດຣັດເຊຍ ແລກປ່ຽນເອກະສານກັນ ທີ່ ນະຄອນ Munich ປະເທດເຢຍຣະມັນ ວັນທີ 5 ກຸມພາ 2011.

ສົນທິສັນຍາ​ລົດ​ຜ່ອນ​ກໍາລັງ​ອາວຸດ​ຍຸດ​ທະ​ສາດ​ສະບັບ​ໃໝ່​ລະຫວ່າງ​ສະຫະລັດ​ແລະຣັດ​ເຊຍ ທີ່​ຈໍາກັດ​ຈໍານວນ​ຫົວ​ລະ​ເບີດ​ນີວ​ເຄລຍທີ່ທັງ​ສອງປະ​ເທດ​ສາມາດ​ມີ​ຢູ່​ໃນ​ຄວາມ​ຄອບ
ຄອງ​ໄດ້​ນັ້ນ​ໄດ້​ມີ​ຜົນ​ບັງຄັໃຊ້ນັບ​ແຕ່​ວັນ​ເສົາ​ວານ​ນີ້ເປັນຕົ້ນ
ໄປ.

ທ່ານ​ນາງ Hillary Clinton ລັດຖະມຸນຕີ​ການ​ຕ່າງປະ​ເທດ​
ສະຫະລັດ ແລະ​ທ່ານ Sergei Lavrov ລັດຖະມຸນຕີ​ການ
ຕ່າງປະ​ເທດຣັດ​ເຊຍ ​ໄດ້ແລກປ່ຽນ​ເອກ​ະສານ​ທີ່​ເຮັດ​ໃຫ້ສົນ
ທິສັນຍາດັ່ງກ່າວ​ ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ​ກັນຢູ່​
ນອກ​ກອງ​ປະຊຸມ​ວ່າ​ດ້ວຍ​ຄວາມ​ໝັ້ນຄົງ​ບັ້ນ​ນຶ່ງ ທີ່​ນະຄອນ
Munich ປະ​ເທດເຢຍຣະມັນ.

ສັນຍາ​ສະບັບ​ໃໝ່ຊຶ່ງ​ຈະ​ມີ​ຜົນ​ບັງຄັບ​ໃຊ້​ເປັນ​ເວລາ 10 ປີ ລົດ​ຜ່ອນຈໍານວນ​ຫົວ​ລະ​ເບີດ​ນີວ​ເຄລຍຍຸດ​ທະ​ສາດ​ຂອງ​ສະຫະລັດ​ແລະຣັດ​ເຊຍ​ລົງ​ຈາກ 2200 ລົງ​ມາ​ເປັນ 1550 ຫົວ.

ພາຍ​ໃຕ້​ຂໍ້​ຕົກລົງ​ດັ່ງກ່າວ ທັງ​ສອງ​ຝ່າຍ​ຈະ​ຕ້ອງ​ແລກປ່ຽນຂໍ້​ມູນກັນກ່ຽວກັບ​ຈໍານວນ​ສະຖານ​
ທີ່​ເກັບ​ມ້ຽນ ​ແລະ​ລັກສະນະ​ຂອງ​ພວກ​ອາວຸດ​ທີ່ບົ່ງ​ໄວ້​ໃນ​ສັນຍາ​ສະບັບ​ນີ້​ພາຍ​ໃນ 45 ມື້.

ທ່ານ​ນາງຄລິນ​ຕັນ​ເອີ້ນ​ຂໍ້​ຕົກລົງ​ດັ່ງກ່າວ​ວ່າ ​ເປັນ​ຄວາມ​ຮ່ວມ​ໄມ້​ຮ່ວມ​ມື​ກັນ​ຢ່າງ​ຈະ​ແຈ້ງ ທີ່
ເປັນ​ຜົນ​ປະ​ໂຫຍ​ດຕໍ່​ໝົດ​ທຸກ​ຄົນ. ສ່ວນ​ທ່ານ Lavrov ນັ້ນ ກ່າວ​ວ່າ ສັນຍາ​ສະບັບ​ນີ້​ຈະ​ຍົກ​
ສູງ​ສະຖຽນ​ລະ​ພາບລະຫວ່າງຊາດ.

ປະທານາທິບໍດີ​ບາຣັກໂອ​ບາ​ມາ ​ແຫ່ງ​ສະຫະລັດ​ແລະປະທານາທິບໍດີ Dmitry Medvedev
ແຫ່ງຣັດ​ເຊຍ​ໄດ້​ລົງ​ນາມ​ໃນ​ສົນທິສັນຍາ​ດັ່ງກ່າວ​ໃນ​ເດືອນເມສາ​ປີ​ແລ້ວ​ນີ້ ​ທີ່​ກຸງ Prague.

XS
SM
MD
LG