ສະຫະລັດ ແລະຢູເຄຣນ ຈະລົງນາມໃນຂໍ້ຕົກລົງດ້ານແຮ່ທາດຫາຍາກ ທ່ານ ດໍໂນລ ທຣໍາ ກ່າວ

ປະທານາທິບໍດີສະຫະລັດ ທ່ານ ດໍໂນລ ທຣໍາ ກ່າວເມື່ອວັນພຸດວານນີ້ວ່າ ທ່ານ ແລະ ປະທານາທິບໍດີ ທ່ານ ໂວໂລດີເມຍ ເຊເລນສກີ ຂອງ ຢູເຄຣນ ຈະລົງນາມຂໍ້ຕົກລົງທີ່ໃຫ້ສະຫະລັດ ມີສິດທິໃນແຮ່ທາດຫາຍາກອັນມີລາຄາສູງຂອງກີຢິບ ໃນປະລິມານມະຫາສານ ແລະ ຈະຊົດເຊີຍໃຫ້ວໍຊິງຕັນສຳລັບຄ່າອາວຸດທີ່ສົ່ງໄປຍັງຢູເຄຣນ ເພື່ອຕໍ່ສູ້ໃນສົງຄາມຮຸກຮານທີ່ດຳເນີນມາເປັນເວລາ 3 ປີ ຂອງຣັດເຊຍອີງຕາມອົງການຂ່າວວີໂອເອລາຍງານ.

ທ່ານ ເຊເລນສກີ ຈະມາຢູ່ທີ່ທຳນຽບຂາວ ໃນວັນສຸກມື້ອື່ນ ເພື່ອລົງນາມໃນຂໍ້ຕົກລົງ ແລະຫາລືເຖິງສະຖານະຂອງສົງຄາມ ທ່ານ ດໍໂນລ ທຣໍາ ກ່າວໃນກອງປະຊຸມຄະນະລັດຖະມົນຕີ ຄັ້ງທຳອິດຂອງວາລະການດຳລົງຕໍາແໜ່ງປະທານາທິບໍດີຊຸດໃໝ່ຂອງທ່ານ.

ທ່ານ ດໍໂນລ ທຣໍາກ່າວວ່າ ຂໍ້ຕົກລົງດັ່ງກ່າວ “ ນໍາມາຊຶ່ງຄວາມຮັ່ງມີຢ່າງຫຼວງຫຼາຍ” ແຕ່ເປົ້າໝາຍທຳອິດຂອງທ່ານກໍ່ຄືຍຸຕິສົງຄາມຊຶ່ງມີຜູ້ຄົນເສຍຊີວິດ ຫຼືບາດເຈັບ ທະຫານຣັດເຊຍແລະຢູເຄຣນ ລວມເຖິງພົນລະເຮືອນຊາວຢູເຄຣນໄປແລ້ວຫຼາຍແສນຄົນ.

ທ່ານ ດໍໂນລ ທຣໍາ ກ່າວເຖິງອາວຸດມູນຄ່າກ່ວາ 1 ແສນລ້ານໂດລາທີ່ວໍຊິງຕັນສົ່ງໄປຍັງນະຄອນຫຼວງກີຢິບເພື່ອສະໜັບສະໜູນເຮືອບີນລົບວ່າ “ ສິ່ງສຳຄັນອັນດັບສອງຂອງຂ້າພະເຈົ້າຄືການໄດ້ຮັບເງິນຄືນ” ຫາກບໍ່ມີອຸປະກອນຂອງເຮົາສົງຄາມນັ້ນ ຄົງຈົບລົງຢ່າງວ່ອງໄວ” ໂດຍຣັດເຊຍຈະເຂົ້າຍຶດຄອງຢູເຄຣນ.

ໃນຂະນະນີ້ ຣັດເຊຍຄວບຄຸມດິນແດນຂອງຢູເຄຣນ ທີ່ໄດ້ຮັບການຍອມຮັບໃນລະດັບນາ ໆ ຊາດ ຢູ່ປະມານ ນຶ່ງໃນຫ້າ ແລະ ຣັດເຊຍໄດ້ໃຫ້ຄຳໝັ້ນສັນຍາວ່າ ຈະບໍ່ສົ່ງຄືນດິນແດນໃດ ໆ ໃຫ້ກັບຢູເຄຣນ ດ້ວຍວິທີິການເຈລະຈາ ສັນຕິ ພາບທີ່ຈະເກີດຂຶ້ນນັ້ນ.

ທ່ານ ດໍໂນລ ທຣໍາ ກ່າວວ່າ ທ່ານຄາດຫວັງວ່າ ຈະບັນລຸຂໍ້ຕົກລົງກັບ ທ່ານ ເຊເລນສກີ ແລະ ປະທານາທິບໍດີ ວລາດີເມຍ ປູຕິນ ຂອງ ຣັດເຊຍ ໃນທີ່ສຸດ ເພື່ອຍຸຕິການສູ້ລົບ. ທ່ານ ດໍໂນລ ທຣໍາເປັນຜູ້ເລີ້ມການເຈລະຈາກັບ ທ່ານ ປູຕິນ ກ່ຽວກັບການຍຸຕິຄວາມຂັດແຍ້ງ ແຕ່ການປຶກສາຫາລືຄັ້ງທຳອິດ ເມື່ອອາທິດຜ່ານມາ ລະຫວ່າງນັກການທູດລະດັບສູງຂອງສະຫະລັດ ແລະ ຣັດເຊຍໄດ້ແກ່ ທ່ານ ມາຣໂກ ຣູບິໂອ ລັດຖະມົນຕີກະຊວງການຕ່າງປະເທດຂອງສະຫະລັດ ແລະ ທ່ານ ເຊີເກ ລາວຣອຟ ລັດຖະມົນຕີກະຊວງການຕ່າງປະເທດຂອງຣັດເຊຍ ບໍ່ລວມເຖິງເຈົ້າໜ້າທີ່ຂອງຢູເຄຣນແລະຢູໂຣບ.

ທ່ານ ດໍໂນລ ທຣໍາ ປະກາດວ່າ “ ເພາະຂ້າພະເຈົ້າໄດ້ຖືກເລືອກ ໃນການເລືອກຕັ້ງ ສົງຄາມຄັ້ງນີ້ຈະຕ້ອງສິ້ນສຸດລົງ” ແລະ ທ່ານ ປູຕິນກໍ່ກ່າວວ່າ “ ບໍ່ມີເຈດຕະນາຈະຍຸຕິເລື້ອງນີ້ເຮົາຈະຕ້ອງບັນລຸຂໍ້ຕົກລົງ.”

ບັນດານັກວິເຄາະ ກ່າວວ່າ ຂໍ້ຕົກລົງນີ້ ບໍ່ແມ່ນສ່ວນນຶ່ງຂອງຫລັກສູດສັນຕິພາບດັ່ງເດີມຂອງທ່ານເຊເລນສກີ.

ອ່ານຂ່າວເປັນພາສາອັງກິດ

President Donald Trump said Wednesday that he and Ukrainian President Volodymyr Zelenskyy will sign a deal that will give the United States substantial rights to Kyiv's lucrative rare earth minerals and compensate Washington for weapons sent to Ukraine to fight Russia's three-year war of aggression.

Zelenskyy will be at the White House Friday to sign the pact and discuss the state of the war, Trump said at the first Cabinet meeting of his new presidential term.

The deal "brings us great wealth," Trump said, but his first goal is to end the war, which has killed or wounded several hundred thousand Russian and Ukrainian soldiers and Ukrainian civilians.

"My No. 2 thing is to get paid back," Trump said of the more than $100 billion in munitions Washington has shipped to Kyiv to support its fighters. "Without our equipment, that [war] would have been over very quickly," with Russia overrunning Ukraine.

As it is, Russia now controls about a fifth of Ukraine's internationally recognized territory and has vowed to not give any of it back in a would-be peace settlement.

the fighting. Trump initiated talks with Putin about ending the conflict, but the first discussions last week between the top U.S. and Russian diplomats, U.S. Secretary of State Marco Rubio and Russian Foreign Minister Sergey Lavrov, excluded Ukrainian and European officials.

"Because I got elected, this war is going to come to an end," Trump declared. He said Putin "had no intention of settling this. We're going to have a deal."

Analysts say this deal was part of Zelenskyy's original peace formulation.