ບັນດາເຈົ້າໜ້າທີ່ສະຫະລັດ ກຳລັງດຳເນີນງານເພື່ອໃຫ້ການ
ຢືນຢັນ ກ່ຽວກັບຄວາມໜ້າເຊື່ອຖື ຂອງວິດີໂອ ທີ່ກຸ່ມຫົວຮຸນ
ແຮງລັດອິສລາມ ກ່າວສະແດງໃຫ້ເຫັນເຖິງ ການຕັດຫົວນັກ
ຂ່າວອາເມຣິກັນຄົນນຶ່ງເພື່ອເປັນຄຳເຕືອນໃຫ້ສະຫະລັດຢຸດ
ເຊົາການແຊກແຊງຢູ່ໃນອີຣັກ.
ໂຄສົກສະພາຄວາມໝັ້ນຄົງແຫ່ງຊາດຂອງສະຫະລັດ ທ່ານນາງ
Caitlin Hay-den ກ່າວໃນຕອນແລງວັນອັງຄານວານນີ້ວ່າ ຖ້າ
ຫາກວ່າ ວີດີໂອ ສະແດງໃຫ້ເຫັນເຖິງການຕັດຫົວຂອງທ່ານ
James Foley ເປັນຄວາມຈິງແທ້ ສະຫະລັດແມ່ນມີ “ຄວາມຕົກ
ໃຈກ່ຽວກັບການສັງຫານຢ່າງປ່າເຖື່ອນ” ດັ່ງກ່າວ.
ແມ່ຂອງ ທ່ານ Foley ທ່ານນາງ Diane ໄດ້ຮຽກຮ້ອງໃຫ້ພວກນັກລົບລັດອິສລາມ ຢ່າໄດ້
ທໍາ ຮ້າຍບັນດາໂຕປະກັນເພີ້ິມຕື່ມອີກ ໂດຍກ່າວວ່າ ເຂົາເຈົ້າ “ບໍ່ຮູ້ເລື່ອງຫຍັງໝົດ” ແລະບໍ່ມີສ່ວນພົວພັນໃດໆ ກັບການປະຕິບັດງານ ຂອງລັດຖະ ບານສະຫະລັດ ຢູ່ໃນອີຣັກ ແລະຊີເຣຍ. ທ່ານນາງກ່າວຢູ່ໃນຖະແຫຼງຂ່າວສະບັບ ນຶ່ງ ທີ່ພິມເຜີີຍທາງ Facebood ວ່າ ລູກຊາຍຂອງທ່ານນາງ “ໄດ້ສະຫຼະຊີວິດຂອງລາວ ເພື່ອພະຍາຍາມເປີດເຜີຍໃຫ້ໂລກຮູ້ເຖິງຄວາມທຸກທໍລະມານຂອງປະ ຊາຊົນຊີເຣຍ.”
ຢູ່ໃນວີດີໂອ ພວກຫົວຮຸນແຮງຍັງໄດ້ກ່າວອ້າງ ກ່ຽວກັບການຈັບນັກຂ່າວອາເມ ຣິກັນອີກ
ຄົນນຶ່ງຄື ທ່ານ Steven Sokoloff ຊຶ່ງພວກເຂົາເວົ້າວ່າ ຊີວິດຂອງລາວ ແມ່ນຂຶ້ນຢູ່ກັບ
ການປະພຶດ ຂອງປະທານາທິບໍດີ Barack Obama.
