ລັດຖະມົນຕີກະຊວງການເງິນສະຫະລັດ ທ່ານ Jack Lew
ໄດ້ຮຽກຮ້ອງໃຫ້ ກຣິສ ກວດສອບເບິ່ງ “ທຸກໆແຖວ” ຢູ່ໃນ
ງົບປະມານຂອງຕົນ ເພື່ອຮ່າງແຜນປະຕິຮູບ ໃຫ້ເປັນທີ່ພໍໃຈ
ແກ່ບັນດາຜູ້ໃຫ້ເງິນກູ້ຢືມທຸກໆປະເທດ.
ທ່ານ Lew ກ່າວຢູ່ທີ່ ນະຄອນຫລວງວໍຊິງຕັນ ໃນວັນສຸກ
ວານນີ້ ວ່າ ທ່ານມີຄວາມເຊື່ອວ່າ ລະດັບລາຍລະອຽດແມ່ນ
ມີຄວາມຈຳເປັນ. “ນີ້ບໍ່ແມ່ນການແກ້ໄຂໂດຍການກ່າວຖະ
ແຫຼງ ມັນບໍ່ແມ່ນການແກ້ໄຂໂດຍທາງສຳນວນໂວຫານ.
ທ່ານໄດ້ກ່າວເພີ້ມເຕີມວ່າ ມັນເປັນການແກ້ໄຂໂດຍວຽກ
ງານທາງດ້ານເທັກນິກ ທີ່ລະ ອຽດ.
ທ່ານໄດ້ກ່າວຫລັງຈາກໄດ້ພົບປະກັບ ບັນດາລັດຖະມົນຕີການເງິນ ຮວມທັງຂອງກຣິສ
ທ່ານ Yanis Varoufakis ໂດຍເວົ້າວ່າ ມີຄວາມຈຳເປັນອັນຮີບດ່ວນທີ່ ຕ້ອງໄດ້ຕົກລົງ
ກັນກ່ຽວກັບການແກ້ໄຂບັນຫາທີ່ລະອຽດ.
ທ່ານ Lew ໄດ້ເນັ້ນໜັກວ່າ ຄວາມບໍ່ສາມາດໃນການບັນລຸຂໍ້ຕົກລົງກັນອາດຈະ “ນຳໄປ
ສູ່ຄວາມຍາກລຳບາກໂດຍທັນທີ ຢູ່ໃນກຣິສ ແລະເພີ້ມທະວີຄວາມບໍ່ແນ່ ນອນແກ່ຢູໂຣບ ແລະເສດຖະກິດໂລກ.”
ທ່ານ Varoufakis ໄດ້ກ່າວຕໍ່ບັນດາແຂກທີ່ສະຖາບັນ Brooking ຊຶ່ງເປັນ ອົງການວິໄຈ
ໃນດ້ານນະໂຍບາຍ ທີ່ນະຄອນຫລວງວໍຊິງຕັນ ໃນວັນພະຫັດທີ່ຜ່ານມາວ່າ ກຣິສ ຈະ
“ປະນີ ປະນອມ ປະນີປະນອມ ປະນີປະນອມ ປາດສະຈາກການປະນີປະນອມ” ເພື່ອຈະ
ໄດ້ຢູ່ໃນເຂດທີ່ໃຊ້ເງິນຢູໂຣຕໍ່ໄປ.
