ມີລາຍງານຂ່າວວ່າ ໄດ້ມີລົມຫົວກຸດ ຫລາຍກວ່າ 100 ຫົວ ຄຸກຄາມຢູ່ໃນພາກ
ກາງຂອງສະຫະລັດ ໃນຕະຫລອດຄໍ່າຄືນວັນອາທິດວານນີ້ ໃນຂະນະທີ່ລະບົບ
ລົມພາຍຸອັນຮ້າຍແຮງ ພັດຖະຫລົ່ມເຂດດັ່ງກ່າວ ແລະເຮັດໃຫ້ມີຜູ້ເສຍຊີວິດ 5 ຄົນ
ຢູ່ທີ່ລັດ Oklahoma.
ເດັກນ້ອຍສາມຄົນລວມຢູ່ໃນຈໍານວນຜູ້ເສຍຊີວິດ ແລະຫລາຍສິບຄົນໄດ້ຮັບບາດ
ເຈັບ. ເຮືອນຊານບ້ານຊ່ອງຫລາຍໆຫລັງໄດ້ຖືກທໍາລາຍກາຍມາເປັນກອງໄມ້ ຢູ່
ບາງເຂດຂອງລັດ Oklahoma Iowa ແລະ Kansas ແລະປະຊາກອນຫລາຍ
ຮ້ອຍພັນຄົນ ບໍ່ມີໄຟຟ້າໃຊ້.
ພະແນກດິນຟ້າອາກາດແຫ່ງຊາດ ໄດ້ອອກຄໍາເຕືອນລ່ວງໝ້າກ່ຽວກັບ ອາກາດ
ທີ່ຮ້າຍແຮງໃນມື້ວັນເສົາ ແຕ່ວ່າລົມຫົວກຸດກໍໄດ້ປະທະຫລາຍໆ ບ້ານຫລາຍໆ
ເມືອງຢ່າງບໍ່ຄາດຝັນ.