ລິ້ງ ສຳຫລັບເຂົ້າຫາ

ສຫລ ຈະຍຸຕິ ເນລະເທດ ພວກຊາວໜຸ່ມ ທີ່ເຂົ້າເມືອງ ຜິດກົດໝາຍ


ປະທານາທິບໍດີ Barack Obama ຕອບຄໍາຖາມ ໃນຂະນະທີ່ທ່ານຖືກຫລົບ ກວນກ່ຽວກັບການປະກາດວ່າ ລັດຖະບານຂອງທ່ານ ຈະຢຸດການເນລະເທດ ຊາວໜູ່ມຕ່າງດ້າວອອກຈາກ ສະຫະລັດ ອາເມຣິກາ. ກ່າວໃນວັນສຸກ ທີ່ 15 ມິຖຸນາ ທີ່ Rose Garden ທໍານຽບຂາວ.

ປະທານາທິບໍດີສະຫະລັດ ທ່ານ Barack Obama ​ໄດ້​ຫລຸດ​ຜ່ອນ​ຂໍ້​ບັງ​ຄັບ​ ກ່ຽວ​ກັບ
ກົດ​ໝາຍ​ຄົນ​ຕ່າງ​ດ້າວສຳ​ຫຼັບພວກໜຸ່ມນ້ອຍທີ່​ເຂົ້າ​ເມືອງຜິດ​ກົດ​ໝາຍ ​ໂດຍ​ກ່າວ​ວ່າ
“ມັນ​ເປັນການປະຕິບັດ​ທີ່​ຖືກຕ້ອງ​ແລ້ວ​.”

​ໃນ​ການ​ຖະ​ແຫຼງທີ່​ທໍາ​ນຽບຂາວ ​ໃນ​ວັນ​ສຸກວານ​ນີ້ ປະທານາທິບໍດີ Obama ​ກ່າວ​ວ່າ
ລັດຖະບານສະຫະລັດຈະ​ຢຸດ​ເຊົາ​ການ​ເນລະ​ເທດພວກຊາວໜຸ່ມຕ່າງ​ດ້າວ ຜູ້​ທີ່​ໄດ້​ເຂົ້າ​
ມາ​ໃນ​ສະຫະລັດຕັ້ງແຕ່​ຍັງເປັນ​ເດັກນ້ອຍ​ແລະ​ເປັນ​ຜູ້​ທີ່​ໄດ້ຢູ່ ພາຍ​ໃຕ້​ລະບຽບກົດໝາຍ.
ທໍາ​ນຽບຂາວ​ກ່າວ​ວ່າ ການ​ປ່ຽນ​ນະ​ໂຍບາ​ຍທີ່​ວ່າ​ນີ້ ຈະ​ມີ​ຜົນ​ຕໍ່​ຊາວ​ຕ່າງ​ດ້າວ​ປະມານ
800.000 ຄົນ.

ປະທານາທິບໍດີ Obama ກ່າວ​ວ່າ ມັນ​ບໍ່​ມີ​ຄວາມ​ໝາຍ​ໃດໆທີ່​ຈະ​ຜັກ​ດັນພວກ​ຊາວ
​ໜຸ່ມທີ່​ມີ​ພ​ອນສະຫວັນ ຊຶ່ງ​ທ່ານ​ກ່າວ​ວ່າ ​ທັງ​ໝົດ​ແມ່ນ​ມີ​ຄວາມ​ຕັ້ງ​ໃຈແລະ​ຈຸດປະສົງ​
ຢາກ​ເປັນ​ຄົນອາ​ເມຣິກັນ ພໍ​ພຽງ​ແຕ່​ວ່າ ການ​ປະຕິບັດ​ຂອງ​ຜູ້​ປົກ​ຄອງ​ຂອງ​ພວກເຂົາ
​ເຈົ້າຫຼືຍ້ອນວ່າ​ການ​ບໍ່​ດຳ​ເນີນ​ການ​ໃດໆຂອງພວກ​ນັກ​ການ​ເມືອງ.

ປະທານາທິບໍດີ Obama ​ເວົ້າ​ວ່າ ການ​ເຄື່ອນ​ໄຫວດັ່ງກ່າວ​ບໍ່​ແມ່ນ​ການໃຫ້ອະໄພໂທດ
​ແລະ​ບໍ່​ແມ່ນ​ການ​ແກ້​ໄຂ​ທີ່​ຖາວອນ ​ແລະ​ກ່າວ​ຕື່ມ​ວ່າ ການ​ແກ້​ໄຂນະ​ໂຍບາຍ​ທີ່​ຖາວອນ
ຕ້ອງ​ມາ​ຈາກລັດຖະ​ສະພາ​.

ຜູ້​ສະມັກ​ເປັນ​ປະທານາທິບໍດີຂອງພັກ​ຣີ​ພັບບ​ລິກັນ ທ່ານ Mitt Romney ກ່າວ​ວ່າ
ການ​ເຄື່ອນ​ໄຫວ​ຂອງປະທານາທິບໍດີ ​ເຮັດ​ໃຫ້ການ​ແກ້ໄຂລະຍະ​ຍາວ​ຍາກ​ຂື້ນ​ກວ່າເກົ່າ.
ສະມາຊິກ​ພັກ​ຣີພັບ​ບລີກັນຄົນ​ອື່ນໆໄດ້​ທ້າ​ທາຍຕໍ່ອໍານາດ​ທາງກົດ​ໝາຍຂອງ ທ່ານ
Obama ​ທີ່​ຈະ​ນຳ​ໃຊ້​ແຜນການ​ຂອງ​ທ່ານ.

ທ່ານ Obama ​ໄດ້​ຖະ​ແຫຼງບໍ່​ເທົ່າ​ໃດຊົ່ວ​ໂມງ​ຫຼັງຈາກລັດຖະມົນຕີ​ຮັກສາ​ຄວາມ ​ປອດ​
ໄພ​ແຫ່ງ​ຊາດຂອງ​ສະຫະລັດ ທ່ານ​ນາງ Janet Napolitano ​ໄດ້​ປະກາດ​ກ່ຽວ​ກັບການ​
ປ່ຽນ​ແປງ​ນະ​ໂຍບາຍ. ທ່ານ​ນາງ Napolitano ກ່າວ​ວ່າ ບັນດາ​ຊາວ​ໜຸ່ມຕ່າງ​ດ້າວ ​ທີ່​
ເຫັນວ່າ​ບໍ່​ເປັນ​ໄພ​ຕໍ່ຄວາມ​ໝັ້ນຄົງ​ຂອງປ​ະ​ເທດ ​ແລະ​ມີ​ຄຸນ ສົມບັດ​ທີ່​ສຳຄັນ​ໃນ​ດ້ານ​ອື່ນ
ຢູ່​ແລ້ວນັ້ນ ຈະ​ມີ​ສິດ​ຢູ່​ໃນ​ສະຫະລັດ​ ​ແລະ​ຂໍ​ໃບອະ​ນຸ ຍາດ​ເຮັດ​ວຽກ​ໄດ້.​

XS
SM
MD
LG