ທິມນ້ອຍໆທິມໜຶ່ງ ຂອງກຳລັງພາກພື້ນດິນສະຫະລັດ ຈະຖືກ
ສົ່ງໄປຍັງພາກເໜືອຂອງຊີເຣຍ ເພື່ອໃຫ້ການຊ່ວຍເຫລືອ ບັນ
ດາກຸ່ມຕໍ່ຕ້ານລັດຖະບານ ໃນການສູ້ລົບ ກັບພວກຫົວຮຸນແຮງ
ລັດອິສລາມ.
ການສົ່ງທະຫານດັ່ງກ່າວ ແມ່ນຂີດໝາຍເທື່ອທຳອິດໃນການສົ່ງ
ກຳລັງພາກພື້ນດິນຂອງສະຫະລັດໄປຍັງຊີເຣຍ ນອກເໜືອຈາກ
ການບຸກໂຈມຕີ ຫລືການປະຕິ ບັດງານໂດຍສະເພາະ.
ທຳນຽບຂາວ ກ່າວໃນວັນສຸກວານນີ້ວ່າ ປະທານາທິບໍດີ ໄດ້ອານຸ
ມັດໃຫ້ສົ່ງກຳ ລັງພິເສດຂອງສະຫະລັດ ເກືອບ 50 ຄົນ ໄປຊ່ວຍ
ປະສານງານ ກັບພວກນັກ ລົບໃນທ້ອງຖິ່ນຂອງຊີເຣຍ ໃນຄວາມພະຍາຍາມຂອງສະຫະລັດເພື່ອນຳພາກຳ ລັງແນວໂຮມ.
ໂຄສົກທຳນຽບຂາວ ທ່ານ Josh Earnest ກ່າວຕໍ່ບັນດານັກຂ່າວວ່າ "ກຳລັງພິເສດຂອງ
ສະຫະລັດ ທີ່ສົ່ງໄປຊີເຣຍ ຈະໃຫ້ການເຝິກແອບ ໃຫ້ຄຳແນະນຳ ແລະຊ່ວຍເຫລືອບາງຢ່າງ” ແກ່ພວກທີ່ກຳລັງທຳການສູ້ລົບ ກັບຫົວຮຸນແຮງຈັດ ລັດອິສລາມຫຼື IS.
ທ່ານ Earnest ກ່າວເພີ້ິມອີກວ່າ “ນີ້ເປັນຍຸດທະສາດເພື່ອເພີ້ມທະວີການໂຈມຕີ ທີ່ປະທາ
ນາທິບໍດີ ໄດ້ປະກາດກວ່າໜຶ່ງປີກ່ອນ ແລະວ່າ ຈຸດໃຈກາງຂອງຍຸດທະສາດສະຫະລັດ ໃນ
ອີຣັກ ແລະຊີເຣຍ ຍັງຄົງເດີມຄື “ສ້າງສະມັດຖະພາບຂອງກຳລັງພາກພື້ນດິນໃນທ້ອງຖິ່ນ.”
ກຳລັງທະຫານສະຫະລັດ ຈະເຂົ້າໄປໃນຊີເຣຍ ໃນບໍ່ເທົ່າໃດອາທິດຂ້າງໜ້ານີ້ ແລະຢູ່ໃນ
ປະເທດບໍ່ກາຍ 60 ມື້ ໃນແຕ່ລະເທຶຶ່ອ ອີງຕາມເຈົ້າໜ້າທີ່ຂັ້ນສູງຂອງ ກະຊວງປ້ອງກັນ
ປະເທດ. ເຂົາເຈົ້າຈະຕັ້ງຄ້າຍຢູ່ “ກອງບັນຊາການ” ຂອງກຳ ລັງທ້ອງຖິ່ນຊີເຣຍ ທີ່ປະກອບ
ດ້ວຍຊາວອາຣັບ ເຄີດ ແລະເທິກ ເພື່ອຊ່ວຍດ້ານກົນລະຍຸດ ວາງແຜນປະຕິບັດງານ ແລະ
ດ້ານພະລາທິການ.
ເຈົ້າໜ້າທີ່ຂັ້ນສູງຄົນໜຶ່ງກ່າວວ່າ “ພວກເຮົາຕ້ອງການລົງສູ່່ພື້ນທີ່ ພົບປະກັບເຂົາເຈົ້າ ບໍ່
ມີຫຍັງທີ່ຄືກັນກັບການຕິດຕໍ່ກັນ ແບບໜ້າຕໍ່ໜ້າ.”
