ລິ້ງ ສຳຫລັບເຂົ້າຫາ

ສະຫະລັດ ຂໍຄວາມຮ່ວມມື ຈາກນາໆຊາດ ເພື່ອໂຈມຕີ ຊີເຣຍ (ວີດິໂອ)


ທ່ານ Chuck Hagel ລັດຖະມົນຕີປ້ອງກັນປະເທດສະຫະລັດ ຕອບຄໍາຖາມນັກຂ່າວ ກ່ຽວກັບສະຖານະການຊີເຣຍ ທີ່ຟິລິບປິນ
ທ່ານ Chuck Hagel ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ​ເວົ້າວ່າ ສະຫະລັດ​ຈະ​ສືບຕໍ່​ຂໍ​ຮ້ອງການ​ຮ່ວມ​ມື​ຂອງ​ນານາ​ຊາດ​ໃນ​ການ​ຕອບ​ໂຕ້​ຕໍ່​ຊີ​ເຣຍ ທີ່​ຖືກ​ກ່າວ​ຫາ​ວ່າໄດ້​ໃຊ້​ອາ​ວຸດ​ເຄມີ​ເຂັ່ນຂ້າ​ປະຊາຊົນ ​ເຖິງ​ແມ່ນ​ບັນດາ​ສະມາຊິກ​ສະພາ​ຂອງ​ອັງກິດ​ຄັດຄ້ານ​ຕໍ່​ການ​ໃຊ້​ກໍາລັງ​ທະຫານ​ໃນ​ເລຶ່ອງນີ້​ກໍ​ຕາມ.

​ລັດຖະມົນຕີ Hagel ກ່າວ​ຕໍ່​ພວກ​ນັກ​ຂ່າວ​ທີ່​ນະຄອນຫຼວງມະນິລາ
ປະ​ເທດ​ຟິລິບ ປິນ ​ເມື່ອ​ວັນ​ສຸກ​ມື້​ນີ້​ ຫຼັງຈາກ​ສະພາຕໍ່າ​ຂອງ​ອັງກິດ
​ໄດ້​ປະຕິເສດ​ຕໍ່​ ຄໍາ​ສະ​ເໜີ​ເພື່ອ​ປະກອບສ່ວນຂອງ​ອັງກິດໃນ​ການ
​ໂຈມ​ຕີ​ທາງ​ທະຫານນັ້ນ. ການ​ລົງ​ຄະແນນ​ສຽງ​ທີ່​ບໍ່ມີ​ຂໍ້​ຜູກ​ມັດ ​
ທີ່​ໄດ້​ຢຸດ​ຍັ້ງ​ທ່ານ David Cameron ນາຍົກລັດຖະມົນຕີອັງກິດ
ທີ່​ໄດ້​ບອກ​ສະມາຊິກ​ສະພາ​ວ່າການ​ໂຈມ​ຕີ​ທາ​ງທະຫານ ຈະ​ແມ່ນ​ເພື່ອ​ຕອບ​ໂຕ້​ຕໍ່ສົງຄາມ
​ອາຊະຍາກໍາເທົ່ານັ້ນ ບໍ່​ແມ່ນ​ເພື່ອ​ໂຄ່ນ​ລົ້ມ​ລັດຖະບານ​ຊີເຣຍ​ແຕ່​ຢ່າງ​ໃດ.

​ເມື່ອ​ວັນ​ສຸກ​ມື້​ນີ້ ທ່ານ Francois Hollande ປະທານາທິບໍ​ດີຝຣັ່ງ ​ເວົ້າ​ວ່າ ຜົນ​ການ​ລົງ​ຄະ​ແນນ​ສຽງ​ຂອງ​ອັງກິດ ບໍ່​ໄດ້​ສ້າງ​ຜົນ​ກະທົບ​ໃດໆ​ຕໍ່​ທ່າ​ທີຂອງຝຣັ່ງກ່ຽວ​ກັບ​ຊີ​ເຣຍເລີຍ.​ ​
ໃນ​ການ​ໃຫ້​ສໍາພາດ​ຕໍ່​ໜັງສືພິມ Le Monde ວ່າ ທ່ານ​ບໍ່​ມັກ​ການ​ແຊກ​ແຊງ​ຂອງ​ນາໆຊາດ
ທີ່​ພຽງ​ແຕ່​ເພື່ອ ​ໂຄ່ນ​ລົ້ມ​ລັດຖະບານ​ຊີ​ເຣຍ​ເທົ່າ​ນັ້ນ ​ແຕ່ຍ້ອນ​ການ​ຈູ່​ໂຈມ​ດ້ວຍ​ອາວຸດ​ເຄມີ ທີ່​ຈະຕ້ອງ​ໄດ້​ຖືກລົງ​ໂທດ​.

​ໃນ​ຂະນະ​ດຽວ​ກັນນີ້ ບັນດາ​ເຈົ້າໜ້າອາວຸ​ໂສ​ທີ່​ຂອງ​ລັດຖະບານ​ທ່ານ​ໂອ​ບາ​ມາ ​ໄດ້​ໃຫ້ ການໂດຍ​ສັງ​ເຂ​ບຕໍ່​ສະມາຊິກ​ສະພາ​ຄອງ​ແກ​ຣສສະຫະລັດ​ເມື່ອ​ວັນ​ພະຫັດ​ວານ​ນີ້ ວ່າ ບໍ່​ຕ້ອງ​ສົງ​ໄສ​ເລີຍ​ວ່າ​ລັດຖະບານ​ຊີ​ເຣຍ​ໄດ້​ໃຊ້​ອາວຸດ​ເຄມີ​ໂຈມຕີ ​ເມື່ອອາທິດ​ຜ່ານ​ມາ ຢູ່​ໃກ້​ນະຄອນຫຼວງດາ​ມັສກັສນັ້ນ.

ທ່ານ Eliot Engel ສະມາຊິກ​ສະພາ​ຕໍ່າ​ຈາກ​ລັດ​ນີວຢ໊ອກ ​ເວົ້າ​ວ່າ ​ເຈົ້າໜ້າ​ທີ່​ສະຫະ ລັດ ​ໄດ້​ອ້າງ​ເຖິງ ການ​ສື່ສານ​ທີ່​ຖືກ​ຈັບ​ໄດ້​ລະຫວ່າງ​ເຈົ້າໜ້າ​ທີ່​ອາວຸໂສ​ຂອງ​ຊີ​ເຣຍ. ຊຶ່ງ​ທ່ານ Engel ຍັງ​ເວົ້າອີກວ່າຜົນ​ການ​ສືບ​ລັບ ພົບ​ວ່າ ຊີ​ເຣຍໄດ້​ຍົກຍ້າຍ​ວັດຖຸ​ເຄມີ​ກ່ອນ ການ​ໂຈມ​ຕີດ່ັງກ່າວເກີດ​ຂຶ້ນ.

​ເມື່ອ​ຕອນ​ເຊົ້າ​ວັນ​ພະຫັດ​ວານ​ນີ້ ທ່ານ Josh Earnest ​ໂຄສົກ​ທໍານຽບຂາວ ​ເວົ້າ​ວ່າ ​ເຫດການ​ດັ່ງກ່າວ​ພ້ອມ​ດ້ວຍຫຼັກຖານ​ທີ່​ພົບ​ເຫັນ​ນັ້ນຈຶ່ງ​ພາ​ໃຫ້ສະຫະລັດ​ເຊື່ອວ່າ ລັດ ຖະບານຊີ​ເຣຍ​ໄດ້​ທຳ​ການ​ໂຈມ​ຕີ​ແທ້​ໂດຍບໍ່​ມີ​ການ​ສົງ​ໄສ.​

​ເວລາ​ນີ້ ປະທານາທິບໍດີ​ໂອ​ບາ​ມາ ຍັງ​ຢູ່​ໃນ​ຂັ້ນ​ຈະ​ຕັດສິນ​ໃຈ​ຢ່າງ​ໃດ ​ເພື່ອ ຕອບ​ໂຕ້​ຊີ​ເຣຍ. ການ​ໂຈມ​ຕີ​ທາງ​ທະຫານຕໍ່ຕ້ານ​ລັດ​ຖະບານ​ຂອງ​ທ່ານ ອັດ​ຊັດ​ນັ້ນ ປາກົດ​ວ່າ​ຈະ​ເປັນ​ວິທີ​ດຽວ​ເທົ່າ​ນັ້ນ.

ຂະນະ​ດຽວ​ກັນ ຊີ​ເຣຍປະຕິ​ເສດ​ວ່າ​ຕົນ​ບໍ່​ໄດ້​ໃຊ້​ອາວຸດ​ເຄມີ​ໂຈມຕີ​ແຕ່​ຢ່າງ​ໃດ ​ແລະ​ໄດ້​ກ່າວ​ຫາ​ພວກ​ຕໍ່ຕ້ານ​ຊີ​ເຣຍຫັ້ນຫຼ່ະ ວ່າ​ເປັນ​ຜູ້​ໃຊ້​ອາວຸດ​ເຄມີ​ຕໍ່​ພວກທະຫານ​ຂອງ​ຊີ​ເຣຍ.

ເບິ່ງວີດີໂອ:






ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG