ສຫລ ​ຈະຮ້ອງ​ຂໍ ​​ເມັກ​ຊິ​ໂກ ​​ສົ່ງໂຕ ລາຊາ​ຢາ​ເສບ​ຕິດ ໃຫ້​ຕົນ (ວີດີໂອ)

ບັນດາ​ໄອ​ຍະ​ການ ສະຫະລັດ ກ່າວ​ວ່າ ​ເຂົາ​ເຈົ້າ ມີ​ແຜນ​ທີ່
​ຈະຮ້ອງ​ຂໍໄປ​ຍັງ​ທາງ​ການເມັກ​ຊິ​ໂກ ​ໃຫ້​ສົ່ງໂຕ ລາຊາ​ຢາ
​ເສບ​ຕິດ​ຊາວເມັ​ກຊິ​ໂກ ທີ່​ຖືກ​ຈັບ​ໄດ້​ນັ້ນ ມາດໍາ​ເນີນ​ຄະດີ
​ໃນສະຫະລັດ ​ແຕ່​ບໍ່​ເປັນ​ທີ່​ແຈ້ງ​ຂາວ​ໃນ​ທັນ​ທີ່​ເທຶ່ອ​ວ່າ
ປະ​ເທດ​ໃດ​ຈະ​ເປັນ​ຜູ້​ດໍ​າ​ເນີນ​ຄະດີ​ກ່ອນ.

ສະຫະລັດ ​ໄດ້​ວາງຄ່າ​ຫົວ​ໄວ້ 5 ລ້ານ​ໂດ​ລາ​ ສໍາລັບທ້າ​ວ
Joanquin “El Chapo” Guzman ຫົວໜ້າ​ຄ້າ​ຢາ​ເສ​ບຕິດ
ທີ່ໂລກຕ້ອງການ​ໂຕ​ຫລາຍ​ທີ່​ສຸດ​ ຜູ້​ທີ່​ໄດ້ຖືກ​ຈັບ​ໃນ​ວັນ​ເສົາ
ຫລັງ​ຈາກ 13 ປີ ທີ່​ໄດ້​ຫລົບ​ໜີກົດໝາຍ. ຜູ້ກ່ຽວປະເຊີນ​ໜ້າ​
ກັບຂໍ້ຫາ​ຫລາ​ຍໆ​ຢ່າງ ຢູ່​ໃນ ສະຫະລັດ ​ແລະບັນດາ​ໄອ​ຍະ​
ການ ຢູ່​ນະຄອນ​ນິວຢອກກ່າວໃນ​ວັນ​ອາທິດ​ວານ​ນີ້​ວ່າ ​ເຂົາເຈົ້າ​ຕ້ອງການໃຫ້​ສົ່ງໂຕ​ຜູ້ກ່ຽວ
ມາຍັງ​ສະຫະລັດ ​ເພື່ອ​ດໍາ​ເນີນ​ຄະດີ.



​ແຕ່​ວ່າ ທ້າວ Guzman ​ອາຍຸ 56 ປີ ກໍ​ປະ​ເຊີນ ​ກັບ​ຂໍ້​ຫາ ຢູ່​ໃນປະ​ເທດເມັ​ກຊິ​ໂກຄື​ກັນ ​ແລະ ຍັງຮັບ​ໃຊ້​ໂທດ​ຈໍາ​ຄຸກຢູ່​ທີ່​ນັ້ນ ​ບໍ່​ທັນ​ໝົດ​ ຫລັງ​ຈາກໄດ້ໂຕນ​ຄຸກ ​ໃນ​ປີ 2011 ຈາກ​ຄຸກ ​ໂດຍ
​ລີ້​ຢູ່​ໃນ​ ລໍ້​ຊັກເຄຶ່ອງນຸ່ງ.

ຜູ້​ກ່ຽວ​ໄດ້​ໃຊ້​ວັນ​ອາທິດ​ວານ​ນີ້ ຢູ່​ໃນ​ຄຸກເມັກຊິ​ໂກ ທີ່​ມີ​ການ​ຄວ​ບຄຸມ​ຢ່າງ​ໜ້າ​ແໜ້ນ.

ບັນດາ​ເຈົ້າ​ໜ້າ​ທີ່​ເມັກ​ຊິ​ໂກ ​ແລະສະຫະລັດ ​ໄດ້​ຈັບ​ລາວ​ໃນ​ຕອນ​ເຊົ້າ​ມຶືດ​ ຂອງ​ວັນ​ເສົາ​ທີ່​
ຜ່ານ​ມາ ​ໂດຍປາດ​ສະຈາກ​ການ​ຍິງ​ປືນ​ແມ່ນ​ແຕ່​ລູກ​ດຽວ ຢູ່​ທີ່​ເຮືອນ condo ຂອງ​ຜູ້ກ່ຽວ ​
ໃນ​ເມືອງ Mazatlan ຕັ້ງຢູ່​ແຄມ​ມະຫາ​ສະມຸດ ​ປາຊິ​ຟິກ ບ່ອນ​ຕາກ​ອາກາດ ​ໃນ​ລັດ
Sinaloa.​