ລິ້ງ ສຳຫລັບເຂົ້າຫາ

ເຈົ້າໜ້າທີ່ສະຫະລັດ ຈະເດີນທາງໄປຈີນ ເພື່ອເຈລະຈາ ກັບເກົາຫລີເໜືອ


ທູດພິເສດຂອງສະຫະລັດ ຮັບຜິດຊອບກ່ຽວກັບເລື່ອງເກົາຫຼີເໜືອ ທ່ານ Glyn Davies

ບັນດາເຈົ້າ​ໜ້າ​ທີ່ຂອງສະຫະລັດ ຈະເດີນ​ທາງ​ໄປ​ປະ​ເທດ​ຈີນ​ໃນ​ເດືອນ​ນີ້​ເພື່ອສົນທະນາ​
ຫາລືກັບ​ເກົາຫລີ​ເໜືອກ່ຽວ​ກັບ​ບັນຫາ​ນີວ​ເຄລຍ ​ຊຶ່ງຈະ​ຟື້ນຟູການ​ເຈລະ​ຈາ​ທີ່​ໄດ້​ຖືກ​ໂຈະ
ໃນ​ປີ​ກາຍ​ນີ້ ເນື່ອງ​ຈາກ​ການເຖິງ ​ແກ່​ອະສັນ​ຍະ​ກຳ​ຂອງຜູ້​ນໍາ​ເກົາຫຼີ​ເໜືອ​
ທ່ານ Kim Jong-II.

ໂຄສົກ​ຍິງ​ຂອງ​ກະ​ຊວງ​ການ​ຕ່າງປະ​ເທດສະຫະລັດທ່ານ​ນາງ Victoria Nuland ກ່າວ​ວ່າ
ທ່ານ Glyn Davies ທູດ​ພິ​ເສດຂອງ​ສະຫະລັດຮັບ ຜິດ​ຊອບກ່ຽວ​ກັບ​ເກົາຫລີ​ເໜືອຈະ​ໄດ້​
ພົບ​ປະ​ ກັບ​ຮອງ​ລັດ​ຖະ​ມົນຕີກະ​ຊວງ​ການ​ຕ່າງປະ​ເທດ​ເກົາຫຼີ​ເໜືອ ທ່ານ Kim Kye
Gwan ​ໃນວັນ​ທີ 23 ກຸມພາຈະ​ມາ​ເຖິງ​ນີ້.

ສະຫະລັດ ​ໄດ້​ທຳ​ການ​ເຈ​ລະ​ຈາສອງ​ຄັ້ງກັບ​ເກົາຫຼີ​ເໜືອ​ໃນ​ປີ​ກາຍ​ນີ້ ທີ່​ກຸງປັກ​ກິ່ງ ​ແລະນະ
ຄອນເຈ​ນີວາ ຊຶ່ງ​ແນ​ໃສ່ເພື່ອເລີ້ມການ​ເຈລະຈາ​ໃນການ​ໃຫ້​ຄວາມຊ່ວຍ​ເຫລືອຈາກ​ຫຼາຍໆ
ປະ​ເທດຄືນ​ໃໝ່ສຳລັບ​ໂຄງການນິວ​ເຄລຍຂອງ​ເກົາຫລີ​ເໜືອ​ນັ້ນ. ​ເກົາ​ຫລີ​ເໜືອຊຶ່ງ​ເປັນປະ​
ເທດ​ທີ່ຢູ່​ໂດດ ດ່ຽວ​ໄດ້​ຖອນຕົວ​ອອກ​ຈາກການ​ເຈລະຈາ ຂອງຫຼາຍໆ​ປະ​ເທດ ໃນ​ປີ 2009.

ແຕ່​ວ່າ​ມັນ​ຈະເປັນ​ຄັ້ງ​ທໍາ​ອິດທີ່​ມີ​ການ​ຕິດ​ຕໍ່ກັນນັບ​ຕັ້ງ​ແຕ່ທ່າ​ນ Kim ໄດ້​ເຖິງ​ແກ່​ອະສັນ​ຍະ​ກຳ
ໃນ​ເດືອນທັນວາຜ່ານ​ມາ ​ແລະ​ໄດ້​ມອບ​ອໍາ ນາດ​ໃຫ້​ແກ່​ລູກ​ຊາຍ​ຫລ້າ ທ່ານ Kim Jong Un.

XS
SM
MD
LG