ປະທານາທິບໍດີ ສະຫະລັດ ທ່ານ Barack Obama ໄດ້ກ່າວຕໍ່
ນາຍົກລັດຖະມົນຕີ ອິສຣາແອລ ທ່ານ Benjamin Netanyahu
ວ່າ ທ່ານຈະ “ທົບທວນຄືນໃໝ່” ເບິ່ງຄວາມສຳພັນລະຫວ່າງ
ສະຫະລັດ ແລະອິສຣາແອລ ຫລັງຈາກການ ໃຫ້ຄວາມເຫັນຂອງ
ຜູ້ນຳອິສຣາແອລ ໄດ້ປະຕິເສດຕໍ່ການແກ້ໄຂແບບມີສອງປະເທດ
ຄຽງຄູ່ກັນໄປ.
ເຈົ້າໜ້າທີ່ທຳນຽບຂາວຄົນນຶ່ງ ທີ່ບໍ່ປະສົງບອກຊື່ ກ່າວວ່າ ທ່ານ
Obama ໄດ້ແຈ້ງເລື້ອງດັ່ງກ່າວ ໃນວັນພະຫັດວານນີ້ ລະຫວ່າງ
ການໂທລະສັບໄປສະແດງຄວາມຍິນດີ ຕໍ່ທ່ານ Netanyahu ທີ່
ໄດ້ຮັບໄຊຊະນະໃນການເລືອກຕັ້ງອາທິດນີ້.
ເຈົ້າໜ້າທີ່ຄົນນີ້ ກ່າວວ່າ “ປະທານາທິບໍດີ ໄດ້ກ່າວຕໍ່ນາຍົກລັດຖະມົນຕີ ວ່າ ພວກເຮົາ
ຕ້ອງໄດ້ທົບທວນຄືນ ທາງເລືອກຂອງພວກເຮົາ ຫລັງນາຍົກລັດຖະ ມົນຕີໄດ້ເອົາ
ທ່າທີໃໝ່ ແລະໃຫ້ຄວາມເຫັນກ່ຽວກັບການແກ້ໄຂແບບມີສອງປະເທດຄຽງຄູ່ກັນນັ້ນ.”
ກ່ອນໜ້າການເລືອກຕັ້ງ ໃນວັນອັງຄານທີ່ຜ່ານມານີ້ ນາຍົກລັດຖະມົນຕີ Netanyahu
ກ່າວຕໍ່ສື່ມວນຊົນອິສຣາແອລວ່າ ທ່ານຈະ “ບໍ່” ສະໜັບສະໜຸນ ການສ້າງຕັ້ງປະເທດປາ
ແລສໄຕນ໌ ເພື່ອເປັນຊ່ອງທາງແກ້ໄຂວິກິດການ ທີ່ມີມາເປັນເວລາດົນນານ ລະຫວ່າງ
ອິສຣາແອລ ແລະປາແລສໄຕນ໌.
ໃນວັນພະຫັດວານນີ້ ທ່ານປາກົດວ່າ ໄດ້ຖອຍຫ່າງອອກຈາກຄວາມເຫັນຕ່າງໆເຫລົ່ານັ້ນ
ໂດຍຖະແຫຼງຕໍ່ສື່ມວນຊົນ ສະຫະລັດ ຈຳນວນນຶ່ງ ວ່າ ທ່ານບໍ່ໄດ້ຄັດຄ້ານຕໍ່ “ການສ້າງຕັ້ງ
ລັດປາແລສໄຕນ໌ທີ່ບໍ່ຕິດອາວຸດ” ແຕ່ກໍໄດ້ກ່າວເພີ້ມຕື່ມວ່າ ມັນຈະບໍ່ສາມາດບັນລຸຜົນໄດ້
ໃນປັດຈຸບັນນີ້.
