ທຳນຽບຂາວໄດ້ປະກາດແຜນການ ທີ່ຈະເຈລະຈາຂໍ້ຕົກລົງການຄ້າແຍກກັນກັບ ອັງກິດ,
ສະຫະພາບ ຢູໂຣບ ແລະ ຍີ່ປຸ່ນ.
ຜູ້ແທນການຄ້າ ສະຫະລັດ ທ່ານ ໂຣເບີດ ໄລໄຕເຊີ ໄດ້ກ່າວໃນວັນອັງຄານວານນີ້ວ່າ
“ພວກເຮົາມີຄວາມມຸ່ງໝັ້ນທີ່ຈະຈັດການເຈລະຈາພວກນີ້ ໃຫ້ໄວ ແລະ ມີຜົນຢ່າງແທ້ຈິງ
ສຳລັບກຳມະກອນ, ຊາວນາ, ຄົນລ້ຽງສັດ ແລະ ທຸລະກິດຕ່າງໆຂອງຊາວ ອາເມຣິກັນ.”
ທ່ານໄດ້ກ່າວເພີ່ມເຕີມວ່າ ທຳນຽບຂາວ ຢາກ “ແກ້ໄຂທັງອຸປະສັກທີ່ເປັນພາສີ ແລະ ບໍ່
ເປັນພາສີ ແລະ ບັນລຸການຄ້າທີ່ມີຄວາມຍຸຕິທຳ ແລະ ມີຄວາມດຸ່ນດ່ຽງຂຶ້ນກວ່າເກົ່າ.”
ຕາມທີ່ຮຽກຮ້ອງໂດຍກົດໝາຍນັ້ນ, ທ່ານ ໄລໄຕເຊີ ໄດ້ສົ່ງຈົດໝາຍແຍກກັນສາມສະບັບ
ເຖິງລັດຖະສະພາ ທີ່ປະກາດຄວາມປະສົງ ທີ່ຈະເປີດການເຈລະຈາດ້ານການຄ້າ.
ທ່ານໄດ້ຂຽນວ່າ ການເຈລະຈາກັບ ອັງກິດ ຈະເລີ່ມຂຶ້ນ “ໂດຍໄວ ເທົ່າທີ່ເຂົາເຈົ້າມີຄວາມ
ພ້ອມ” ຫຼັງຈາກ ອັງກິດ ຄາດວ່າຈະອອກຈາກ ສະຫະພາບ ຢູໂຣບ ໃນວັນທີ 29 ມີນາປີ
ໜ້າ.
ທ່ານ ໄລໄຕເຊີ ໄດ້ເອີ້ນການຮ່ວມມືດ້ານເສດຖະກິດ ລະຫວ່າງ ສະຫະລັດ ແລະ ສະຫະ
ພາບ ຢູໂຣບ ວ່າ “ໃຫຍ່ທີ່ສຸດ ແລະ ສັບຊ້ອນທີ່ສຸດ” ໃນໂລກ, ແລະໄດ້ເນັ້ນວ່າ ສະຫະລັດ
ຂາດດຸນການຄ້າຕໍ່ ສະຫະພາບ ຢູໂຣບ 151 ຕື້ໂດລາ.
ໃນໜັງສືທີ່ຂຽນ ກ່ຽວກັບ ຍີ່ປຸ່ນ ນັ້ນ, ທ່ານ ໄລໄຕເຊີ ໄດ້ກ່າວວ່າ ມັນ “ມີຄວາມສຳຄັນ
ແຕ່ຍັງມັກມີລະດັບທີ່ຕ່ຳ ສຳລັບການສົ່ງອອກສິນຄ້າ ສະຫະລັດ.” ທັງໄດ້ເນັ້ນວ່າ ສະຫະ
ລັດ ຂາດດຸນການຄ້າກັບ ຍີ່ປຸ່ນ ຫຼາຍ.
ສະມາຊິກພັກລະດັບສູງ ຢູ່ໃນຄະນະກຳມະການ ການເງິນ ສະພາສູງ, ທ່ານ ຣອນ ວາຍ
ເດັນ ຈາກລັດ ອໍເຣກັອນ, ໄດ້ເຕືອນລັດຖະບານຕໍ່ການເຮັດສິ່ງທີ່ທ່ານເອີ້ນວ່າ “ຂໍ້ຕົກລົງ
ທີ່ບໍ່ສົມບູນ ແລະ ໄວ.”
ທ່ານໄດ້ກ່າວວ່າ “ລັດຖະບານ ຕ້ອງໃຊ້ເວລາເພື່ອຈັດການກັບອຸປະສັກ ທາງການຄ້າ
ຢ່າງຮອບຄອບ, ລວມທັງໃຊ້ໂອກາດນີ້ ເພື່ອຕັ້ງມາດຕະຖານໃນຂົງເຂດຕ່າງໆຄື ສິດທິ
ແຮງງານ, ການປົກປ້ອງສິ່ງແວດລ້ອມ, ແລະ ການຄ້າທາງລະບົບດິຈິຕອລ.”
ປະທານາທິບໍດີ ທຣຳ ໄດ້ຈັດເກັບພາສີການສົ່ງອອກເຫຼັກກ້າ ແລະ ອາລູມີນຽມ ຕໍ່ ຢູໂຣບ
ໃນຕົ້ນປີນີ້ ແລະ ໄດ້ຂົ່ມຂູ່ວ່າຈະເກັບພາສີເພີ່ມເຕີມກັບລົດທີ່ຖືກນຳເຂົ້າ ເຊິ່ງເປັນການ
ຕອບໂຕ້ຕໍ່ສິ່ງທີ່ທ່ານເອີ້ນວ່າ ຂໍ້ຕົກລົງທີ່ບໍ່ເປັນທຳ ທີ່ເຮັດໃຫ້ ສະຫະລັດ ເສຍປຽບ.
