ລັດຖະມົນຕີປ້ອງກັນປະເທດ ສະຫະລັດ ທ່ານ Ash Cater ໄດ້ຮຽກຮ້ອງໃຫ້ ສະພາການ ຮ່ວມມືໃນເຂດອ່າວເປີເຊຍ ຫລື GCC ພົວພັນເພີ້ມຂຶ້ນ ເພື່ອຕໍ່ສູ້ຕ້ານກຸ່ມລັດອິສລາມ.
ໃນການຖະແຫລງ ໃນວັນພຸດມື້ນີ້ ທີ່ກອງປະຊຸມລັດຖະມົນຕີປ້ອງກັນປະເທດ ຂອງສະພາ GCC ທີ່ພະລາດຊະວັງ Diriyah ໃນນະຄອນຫລວງ Riyardh ປະເທດ Saudi Arabia ນັ້ນ ທ່ານ Carter ກ່າວວ່າ ສະຫະລັດ ແລະບັນດາປະເທດສະມາຊິກ ຂອງສະພາ GCC ໄດ້ “ສ້າງຕັ້ງຢູ່ຄູ່ຮວມງານທີ່ໜັກແໜ້ນ” ມາໄດ້ຫລາຍທົດສະວັດແລ້ວ.
ເຈົ້າໜ້າທີ່ອະວຸໂສດ້ານປ້ອງກັນປະເທດຄົນນຶ່ງກ່າວວ່າ ການເນັ້ນໜັກທີ່ສຳຄັນສອງຢ່າງ ໃນການຢ້ຽມຢາມຂອງທ່ານ Carter ແມ່ນຕໍ່ຕ້ານກິດຈະກຳທຳລາຍ ຄວາມໝັ້ນຄົງຂອງ ອີຣ່ານ ແລະເອົາຊະນະກຸ່ມລັດອິສລາມ.
ທ່ານ Carter ໄດ້ຮຽກຮ້ອງໃຫ້ບັນດາປະເທດສະມາຊິກຂອງສກະພາ GCC ພົວພັນເພີ້ມ ຂຶ້ນ ເພື່ອໃຫ້ການຊ່ວຍເຫລືອແກ່ລັດຖະບານອີຣັກ ຕໍ່ສູ້ກັບລັດກຸ່ມອິສລາມ ແລະສ້າງສາ ເຂດພັດທະນາຄືນໃໝ່ ເຂດທີ່ພວກຫົວຮຸນແຮງໄດ້ຖືກຂັບໄລ່ໃຫ້ຖອນອອກໄປນັ້ນ.
ບັນດາປະເທດສະມາຊິກສະພາ GCC ມາຮອດປັດຈຸບັນນີ້ ຍັງມີຄວາມລັງເລໃຈ ທີ່ຈະ ໃຫ້ການຊ່ວຍເຫລືອແກ່ນາຍົກລັດຖະມົນຕີອີຣັກ ທ່ານ Haider al-Abadi ເພາະວ່າ “ບັນດາປະເທດໃນເຂດອ່າວເປີເຊຍທັງໝົດຍັງມີຄວາມເປັນຫ່ວງກ່ຽວກັບເລື້ອງການເມືອງ ແລະການແຊກແຊງຂອງອີຣ່ານຢູ່ທີ່ນັ້ນ” ອີງຕາມເຈົ້າໜ້າທີ່ອະວຸໂສດ້ານປ້ອງກັນ ປະເທດຄົນນຶ່ງ.
ເຈົ້າໜ້າທີ່ທ່ານນີ້ໄດ້ກ່າວເພີ້ມວ່າ “ຈຸດມຸ້ງໝາຍຂອງເຮົາໄປຫາເຂົາເຈົ້າກໍຄື ຖ້າຫາກທ່ານ ມີຄວາມເປັນຫ່ວງກ່ຽວກັບອິດທິພົນຂອງພາຍນອກໃນອີຣັກ ທາງທີ່ດີທີ່ສຸດທີ່ຈະຕ້ານອິດ ທິພົນດັ່ງກ່າວກໍຄືການເຂົ້າໄປແລະພົວພັນດ້ວຍໂຕທ່ານເອງ.”
