ລັດຖະມົນຕີປ້ອງກັນປະເທດ ສະຫະລັດ ທ່ານ Ashton Carter
ກ່າວໃນວັນພຸດມື້ນີ້ວ່າ ສາຂາຂອງກຸ່ມ al-Qaida ໃນປະເທດ
ເຢເມັນ ກຳລັງສວຍໂອກາດ ໃນການສູ້ລົບລະຫວ່າງ ພວກກະ
ບົດ Houti ແລະກຳລັງສະໜັບສະໜູນລັດຖະບານນັ້ນ ເຂົ້າຍຶດ
ເອົາພື້ນທີ່ຢູ່ໃນປະເທດດັ່ງກ່າວ ທີ່ໄດ້ດີ້ນຮົນເພື່ອສ້າງສະຖຽນ
ລະພາບ ນັບຕັ້ງແຕ່ຜູ້ນຳຄົນກ່ອນໄດ້ຖືກຂັບໄລ່ອອກຈາກຕຳ
ແໜ່ງໃນປີ 2012.
ທ່ານ Carter ໄດ້ກ່າວຕໍ່ບັນດານັກຂ່າວ ລະຫວ່າງການຢ້ຽມ
ຢາມຍີ່ຢຸ່ນວ່າ ວິກິດການໃນເຢເມັນ ໄດ້ເຮັດໃຫ້ຄວາມພະຍາ
ຍາມຂອງສະຫະລັດ ເພື່ອຕ້ານຢັນ ກັບກຸ່ມກໍ່ການຮ້າຍ al-
Qaida ໃນແຫລມອາຣາເບຍ ຫຼື AQAP ນັ້ນ ລຳບາກຕື່ມຂື້ນແລະການປະຕິບັດງານດັ່ງ
ກ່າວແມ່ນມີຄວາມງ່າຍຂື້ນ ເວລາໃດທີ່ລັດຖະບານ ມີສະຖຽນລະພາບ.
ສປຊ ວ່າ ມີຜູ້ປະສົບ ໄພສົງຄາມ ຫຼາຍກວ່າ 1 ແສນຄົນ ໃນເຢເມນ
ທ່ານຍັງກ່າວວ່າ ສະຫະລັດ ກຳລັງສະໜອງຂໍ້ມູນໃຫ້ ຊາອຸດີ ອາເຣເບຍ ດ້ານສືບລັບ
ດ້ານສັງເກດການ ແລະດ້ານສອດແນມ ເພື່ອຊ່ວຍກຳລັງປະສົມຕໍ່ສູ້ກັບ ພວກກະບົດ
Houthi.
ໃນວັນອັງຄານວານນີ້ ຮອງລັດມົນຕີກະຊວງຕ່າງປະເທດສະຫະລັດ ທ່ານ Anthony
Blinken ກ່່າວວ່າ ລັດຖະບານພວມເລັ່ງລັດໃນການຈັດສົ່ງອາວຸດ ໄປໃຫ້.
ໃນວັນອັງຄານວານນີ້ເຊັ່ນກັນ ຊາວເຢເມັນຫລາຍກ່ວາ 100 ຄົນໄດ້ພາກັນປະທ້ວງ ຢູ່
ຕໍ່ໜ້າສະຖານທູດເຢເມັນ ໃນນະຄອນຫລວງໄຄໂຣ ຂອງປະເທດອີຈິບ ຂໍຄວາມຊ່ວຍ
ເຫລືອ ໃຫ້ສົ່ງເຂົາເຈົ້າເມືອບ້ານ. ພວກປະທ້ວງບາງຄົນກ່າວວ່າ ເຂົາເຈົ້າເດີນທາງໄປໄຄ
ໂຣ ເມື່ອສອງສາມອາທິດກ່ອນ ກ່ອນທີ່ຊາອູດີ ອາເຣເບຍ ຈະທຳການໂຈມຕີທາງອາກາດ
ໃນເຢເມັນ.
